#1001_help
السلام عليكم يا معشر الهملات و التحواس 💚
باش نكمل نزيد نقاط على الخريطة تاعي، قررت نروح لمستغانم في مكان اسمو عين براهيم (جابد شوي على وسط المدينة).
تقدرو تفيدوني بأهم الأمكان/الغابات/الشواطئ العائلية لي نقدر نروحلهم في 6 ايام؟ حتى و لو في وسط المدينة لأنو السيارة متوفرة.
ماذا بيكم شواطئ محترمة و فيها العسة باش الواحد يريح من راصو شوي 😅 ربي يحفظكم ☀️
Posted in Forum
Hayla ain brahim tab3a l sidi lakhdhar bshtk frr
روح لكهف لصفر جيهة ميناء الصغير petit port بصح ماتدخلش كاين بلاصة مكتوب فيها كهف لصفر …. بصح باش تدخل ليها راهي بعيدة على مستغانم ville الا مارحتلهاش من قبل … و كاين غابة تماك تاني جوز عليها بصح ماشي كبيرة بزاف والا رحت petit port غاشي بزاف تماك و لحالة ضيقة
حذا عين براهيم كاين بلاج petit port
Kahf lasfer fnar cap evi andek plage safir plage Clovis Cheba bzf ghaba fiha bhar andek la forêt taa wilise andek plage sid adjel la meilleur
ما نعرفش مليح باسك مام انا راني ضيفة برك مي يبانلي فيها الغاشي شوية لبلاصة هذيك ، المهم الا جيت إقامة طيبة ان شاالله
عندك من شرق مستغانم و رواح للغرب تبدأ بشواطئ بحارة 1 و 2 و 3.. وحد 5 ولا 6 كلم شاطئ و رمل.. قاع شواطئ عائلية و محترمة.. تزيد تمشي شوية تلقى شاطئ المرسى ثاني عائلي صغير شوية و فيه جهة تاع روشيات و الفوق كاين بزاف غابات و بلايص تاع راحة.. تزيد تكمل جهة الغرب تلقى شاطئ سيدي عبد القادر مشي مليح فالعومة بصح شباب فيه بلايص تاع قعاد و تريح.. تزيد تكمل كاين شاطئ خضرة العجال معمر روشيات بصح شابين لل camping ولا تريح ثاني.. فيه بلاصة صغيرة تاع رمل برك.. تزيد تكمل شوية جهة الغرب تلقى شواطئ سيدي لخضر لي هوما :عين إبراهيم و petit port و ماتنساش تزور الكاف لصفر غي تم طريق عين براهيم.. تزيد تكمل مشية تاع نص ساعة ولا توصل لحجاج.. فيه بحر شباب بصح معمر شوية.. تريد تكمل عندك ويليس و الشاطئ تاعها الكلوفيس.. و كاين تم غابة تاع قعاد و راحة بزاف ناس تروحلها.. مبعد تخرج من الغابة تمشي كاش 15 ساعة ولا تخرج في شاطئ كاب ايفي لي فيه رمل تشبه للصحراء.. مبعد تكمل جبهة مستغانم وسط المدينة فالدخلة تاعها تلقا البارك تاع موستالاند تدخل داخل تفوت نهار كامل تم ماتكرهش فيها بلايص بزاف تاع قعدات و… و عندك شواطئ المجدوب و صالامندر و صابلات هادو كل وقت معمرة و مخلطة شوية.. تبغي تزيد تكمل جهة الغرب كاين شواطئ ستيدية و وريعة و سيدي منصور.. و انت كملت مستغانم.. و بصحتك تحويسة…