#1001_info
من اشهر انواع الدعاية الحديثة هو ركوب الترند . حيث تتهافت الشركات وخاصة شركات السياحة والاسفار على هذا النوع . ففي كل مرة نشاهد موقف مؤثر من طفل الا ونسمع بعدها مباشرة عن قيام شركة معينة بارسال والدي صاحب الفيديو الى عمرة. الامر لا يتوقف عند المواقف النبيلة بل حتى في الازمات كما حدث مع عائلة العياشي اي تهافتت الشركات على اهل الفقيد من اجل ارسالهم الى العمرة. ما رأيكم
Posted in Tech
حاجة مليحة
لانو كون ركوبهم فالخماج تكون مقود ايا مالا شجع كل ما هو ظريف واستمتع
حاجة مليحة مهما كانت الخلفيات والاسباب
يعني السوشل ميديا غيرت قوانين الفيزياء كيما الطفل تع جيجل كاين الالاف و كيما طفل تع المسيلة كاين اللي ماصابوش يروحو للبحر ملايين الاحكام على فيديو واحد و التسابق لركوب الموجة دائما موجود الاشهار و ليس بغريب
شعب عاطفي الاولاد ربي يحفظهم و يكبرهم في طاعتو
مي التشهير هذا واعر بزاف و لنا في اكرام الامريكية مثل
عادي وتصرا في أي بلاد
احنافايقين لهم …بصح خلي المحتاجين يستفادو …عادي..فقط لازم يوفيو بالوعد
مفهمتش وين راك حاب تلحق ،شغل اذا مكنتش تعرف حاجة تقدر تسقسي… الشركات الي تكون في منطقة فيها سكان ،سكان المنطقة يدخلو مع الشركات الكبيرة شريك اجتماعي ويخصولوهم ظرف مالي خاص بهم او هدا شي طبيعي لان الشركة لحقت لواحد مستوى تاع النضج يخليها تتحمل مسؤليتها الإجتماعية كشريك اجتماعي ، فتشارك في مثل هذه الحملات لزيادة سمعاتها والمحافظة عليها 🤌.
هذي المواقف كاين من قبل في كل العالم نتوما برك جاتكم جديدة الله غالب معندكش مواضيع اهم تتداولها
ناس هاذو مخصهمش عمرة خصهم عيشة لائقة.
هاه حاجة ملاحة خلي يديروا دعاية ع رواحهم ! المهم قاعدين يديروا في الخير
Win win مش مشكل
عادي جدا صاحب الشركة يدير دعاية كيما يحب مهم ماشي بالحرام
هو اصلا هذا رزق و ربي عطاه
معلش مهم يديرولهم حاجة شابة
منفعة مشتركة
مدامها مبادرات في فايدة الناس هاذو.. فلا يهمنا النية
وما أدراكم بالنوايا، لا حول ولا قوة الا بالله !!!!
في الفايدة
حاجة مليحة و السلام ، ماشي لازم كلش توليو طوغو موري ، التفاتة طيبة و يعطيهم الصحة و باسطا، نحبو نتفلسفو بزاف
مبادرة جيدا. ورائعة
Viral
اعطوهم دراهم العمرة يدير حل لروحو
شيء رائع جدا أنك تمد لإنسان فرصة زيارة بيت الله الحرام التي يحلم كل من كان مسلما موحدا بزيارتها ❤️
وين راه المشكل .. الربح من الجانبين .. باش تنتقذ حاجة لازم تكون عندها سلبيات .. و ين هي سلبية في انو شركة تسوق بهدي طريقة؟ ناخدو الطفل الجيجلي كمثال .. تربية الطفل جابت لامه عمرة كانت تحلم بيها طول حياتها و بهكدا موقف الشركة شجعت للامتثال باخلاق الصبي و من جهة اخرى اشهار للشركة .. حاجة مليحة اخي
هذا مايسمى الدعاية الغير مباشرة مثال : تقوم شركة معينة بشراء 5000 محفظة للاطفال مجانا تحمل اسم وشعار الشركة فيقوم التلميذ بحمل شعار الشركة والقيام بدعاية بطريقة ذكية
إنما الأعمال بالنيات؛ وإنما لكل امرئ مانوى
خلاص ظرك يمدوهم نوميديا با تروبوزي
تعلمو تشوفو و تاخذو صوالح من منظور إيجابي حتى ولوكان السيد دارها بنية الدعاية الخ بينه بين ربي في النتيجة قاع نحلمو و متمنيين نزورو بيت الله الحرام و بصحتهم لي تحقق الحلم تاعهم عن طريق هذ الشركات. الله يجعلها عمرة مقبولة
هذه تسمى الدعاية او الاشهار و ليس سبيل الله الشركات معروف عنها انها تبحث عن ظروف لكسب مزيد من الرضى المجتمعي و لعل هذه الطرق تعتبر مثالية
عامة الشعب الجزائري ميعجبوش العجب .. بالنسبة ليا انا مبادرة مليخة و راح تفرح ياسر ناس بغض النظر عن اذا كانت الشركات يديروا في اشهار ولالا .. شوفو هذو الحوايج من منظور ايجابي و ربي يتقبل منهم
روعة، لتشجيع اهل الاخلاق و الفضيلة
كاين سؤال : شحال كاين من طفل من هذو الاطفال شحال كاين ناس يعانوا و شحال و شحال و الشركات هذو يشوفو فيهم حتى لدرجة كاين عمال فالشركة و مش لاحقين و ما تساعدهمش الشركة بل تديلهم حقهم نورمال و هذوك الاشخاص طلعوا الترند و الشركة تدير بيهم دعاية و اشهار عادي كل شي مصلحة و استغلال لصالحها تستغل شهرة الطفل للاشهار
دوك هدي حاجة بين العبد و المعبود .
يعني علاش تدخلوا رواحكم في حوايج كبار عليكم .
راكم باغيين تحاسبوا العباد قبل ما يحاسبهم رب العالمين وللا كيفاش .
انظروا الى الأمر بإيجابية –_-
الاعمال بالنيات
رزقهم ربي عن طريق هاذو الوكالات ولا الشركات ….مهما كانت نيتهم كانت غير سبب لرزق لهاذو دراري و والديهم ❤️
مهما كانت النية تاع الشركة، كاين انسان ستفاد منهم هاذا هو صح
👏👏👏👏
العمرة هي تشريف لا يقابله شيء آخر
خير مايديرو اشهار في قناه و يصرعوك بالغنيه الجايحه لي معاها
حاجة مليحة وش قلقلك
ما فيهاش عيب
ماعلابالناش نيتهم
هي حاجة مليحة داروها و ربي يجازيهم على قدر نيتهم
كل شخص ولا مؤسسة قادرين يديرو الخير نرحبو بالتفاتتهم