#1001_info
#بريد_الجزائر
أفضل خدمة يعني تحسها صح في خدمة المواطن .. هي السحب من صراف الالي بدون بطاقة .. منهار تعرفت على هاذي لخدمة موليتش نهز معايا لاكارت .
#الطريقة_ساهلة
تدخل لتطبيق بريدي موب
تدخل لمعاملات بدون بطاقة
تختار مصدر لي تجبد منو دراهم
تختار خيار سحب من صراف بدون بطاقة
تختار تاريخ نهاية صلاحية معاملة
يعطوك كود في 10 ارقام و كود بين فيه 4 ارقام
توقف قدام صراف و تضغط مباشرة على معاملات بدون بطاقة
دخل كود 10 ارقام ( تلقاه فتطبيق ) تضغط على متابعة
تزيد دخل كود بين 4 ارقام ( تلقاه في رسائل sms ( و تغط على زر اخضر Entre
تصبر 10 ثواني يخرجولك دراهم
(العملية كلها لا تأخذ منك 1 دقيقة )
Posted in Tech
شحال تقدر تجبد ؟
كاين صرافات بزاف لي مافيهمش خاصية الدفع بدون البطاقة
Merci
مشكلة ياسر صرافات مافيهاش الخاصية , نتمنى يعمموها خدمة مليحة وتهنيك كي ماتلقاش البطاقة ولا تنساها
يدولك 90 دج
وش فيها كي نسحب بلبطاقة دقيقة نفريها
سعر الخدمة 80 DA تخيل ديره زوج ولا ثلات مرات في نهار ولا تعول عليها تفيط
ماشي قاع الصرافات فيهم هاد الخاصية
تخلعت كي شفت كلام تاعك حسبت روحي راني نحلم او هيا خدمة لي هدرت عليها غير متوفرة في جميع موزع ألي ليس في كل مناطق يعني مازالنا متخلفين
بصح لوكان يرفعوها لاكثر من زوج ملاين مليحة
بطاقة ذهبية _موقع ECCP إضافة نوعية من مؤسسة بريد مانكذبوش على رواحنا حتى إشعار بدخول الأموال يجيك ميساج في هاتفك في حينه سهل على مواطن عدم تنقل سابقا باش يدير نوفال افوار مع مشاق ،زيدها طلب خدمات الاخرى كسحب الأموال من أي مكان وزمان و تعبئة رصيد كذلك من منزل فقط
ليكمنتار شحال يعيو 😂
هههههه راني ساكن في فيلاجة فيها 25 الف نسمة ديستريبتار كي ناس معندناش تقولي نتا معاملة بدون بطاقة
مليحة خاصة كي يصرى مشكل في البطاقة و لا ماتكونش رافدها استعملتها عدة مرات
تصلح غير كي تنسا لاكارط و تكون عندك كونيكسيو برا باسكو يدو بزاف 80da ماتتكلش عليها كركيزة اساسية البطاقة احسن
تبالي أغلب صرافات مافيهمش خاصية هاذي هنا في باتنة جامي شفتها 🤔
شكرا
تسحق كونيكسيون….. صو ياه افضل البطاقة
علاش مكاش في baridiweb
J’ai essayé de travailler a mon propre compte mais j’ai pas réussi
عندي مشكل في بريدي موب نحب نسجل فيه لكن يقلي المعلومات خاطئة اعد المحاوله لاحقا . متأكد من صحة المعلومات… كاش حل؟
تقدر تجبد غير زوج ملاين ، يدولك 80 دج ، موجودة غير فالصرافات تاع لابوسط ماتقدرش ديرها من اي صراف كيما بالبطاقة.
على العموم هي مليحة في حالة ما اذا طحت في موقف وين نسيت البطاقة و خاصك دراهم .. الخ سينو فالحالة العادية بالبطاقة احسن
جامي جربتها ، ولكن اذا كان تختار مكان السحب على حساب ما فهمت ، فهذا نقطة سلبية لانو ممكن المصدر اللي تختارو ميكونش فيه دراهم ( كيما الصراف تع لابوسط تعنا ديما فارغ ) نرفد من تع لبنك
تصلح اذا دايما عندك كونيكسيون في التيليفون ، تبقى تكرر في العملية
واكيد انو تهز معاك البطاقة احسن
80 دج حق المعاملة
الاحسن هو يوصل ل nfs
بالصح يبقى المشكل تاع ماشي كامل الصرافات فيهم هادي الخاصية