#1001_info #1001_help #1001_شحال_ستقامتلي – #1001_info _السلام عليكم خاوتي بما

#1001_info
#1001_help
#1001_شحال_ستقامتلي
–
#1001_info

_السلام عليكم خاوتي بما أنه عندها بزاف مكاش لي حكا على تجربته الى دول اسيا ارواحو نحكيلكم تجربي الشخصية قبل مددة قصيرة فقط من الجزائر🇩🇿الى ماليزيا🇲🇾ثم المالديف🇲🇻ثم جزيرة بالي اندونيسيا 🇲🇨مع العلم درت ليسكال في قطر الدوحة🇧🇭 كل هذه الدول بتذكرتين فقط لنبدأ….بسم الله
_ اولاماليزيا🇲🇾 انا شاب نحب الخرجات بزاف بلا وكالة سياحية يعني ندير برنامج وحدي باه نقص على روحي خممت خممت و قلت نغتم اول مرة ندير تجربة تع نزور عدة بلدان في تذكرة وحدة ولا تذكرتين حوست مليح مع الوكالات لقيت البيي من الجزائر الى كوالالمبور ب 17 مليون و 18 مليون و التالي اكتشفت بلي كاين المكاتب تع خطوط الطيران الدولية في alger. رحت للخطوط القطرية هلصت التذكرة بالدينار 12 مليون و 500ذهاب و اياب و ليسكال فالدوحة رحت مانيش فاهم فيها والو واش نحكيلكم المطار تع قطر يدي العقل قلت هذي تكفيني مانزيدش نكمل☺️قعدت 8 ساعات بعدها ركبنا الطيارة الى كوالالمبور ياصديقي واش نحكي واش نخلي🥰🥰🥰 كريت غرفة داخل منزل vip ستقامتلي 8 اورو لليلة باطل يا مواطن بلابيسين ب صالة تع السبور و اشتريت احسن بيس تع كونيكسيو اسمها هو تلينك hotlink عطاوني فيها 75 جيڨا ب 50 رينڨت ماليزي و طلت ابليكاسيو اسمها grab تع المواصلات داني من المطار الى كوالالمبور ب 75 رينغت ماليزي عملتهم ماهي غالية ماهي رخيصة متوسطة رحت دخلت للغرفة و زرت عدة مناطق في ماليزيا الطبيعة تهبل رحت شارع العرب الشارع الصيني مول بافيليون للاسف مارحتش كاميروهايلاند و و زرت مسجد جاميك مشهور شباب بزاف زرت هذا النهر لي فيه الضو لزرق و رحت لبرج التوأم فووور من ناحية الاكل لازم تسقسي قبل ما تاكل باسكو ماشي كامل مسلمين و الشعب الماليزي كلهم يدون استثناء شعب طيب و ودود متلقاش معاه مشاكل السندويتش حوالي 12 رينغت و اذا كليت من هذوك السيارات تع الاكل تستقام اقل قعدت 14يوم في كوالالمبور ثم ركبت طائرة الى جزر المالديف عاصمتها ماليه male اي حاجة بخصوص ماليزيا اتفضلو و الجزء الثاني نكمل على المالديف ستقامت رخيصة بزااف شكرا