#1001_movies
البارح اتفكرت هاذ التحفة بغيت نتفرجها ونظن آخر مرة تفرجتها كانت منذ سنين على foxmovies ياحصراه🥰….المهم تيليشارجيت الفيلم من اونستريم وبديت نتفرج….لاباس لاباس لاباس حتى لحقت للنهاية 😱 ااااووو هي صح عندي مدة ملي تفرجتو وكنت صغير شوية بصح مشي لدرجة ننسى النهاية تاعو🤷♂️…المهم بعد سويعات من الأخذ والرد بيني وبين روحي اتخذت قرار بلي مشي أنا اللي يعجبني فيلم وننسى النهاية اتاعو ف اتكلت على ربي وادخلت عند السي YouTube نسقسيه….وكيما كان الحال لقيت عندو اربع نهايات مختلفين في المشهد الاخير من الفيلم والنهاية اللي تفرجتها في صغري أول مرة هي أفضل نهاية بالنسبة ليا …خلاصة القول فيلم عظمة على عظمة ماراهيش رايحة تتعاود في زمن الدناءة والاجندات من الافلام اللي رانا نشوفوها في حاضر الأيام وانصح بيه بقوة
Posted in Movies