#1001_movies
نظن جامي واحد هدر على فيلم Hatchi: a dog’s tale (2009)
بدون منازع اكثر فيلم أبكاني و أثر فيا.. الشي لي بكيتو على هذا الكلب غير ربي لي عالم بيه 😅 هو فيلم مبني عن قصة حقيقية لكلب في اليابان اسمو هاتشيكو بقا يستنا في مولاه في محطة القطار في نفس المكان لمدة 9 سنوات.
رغم بساطة القصة إلا أنو هذا النوع من الأفلام ديما يأثرو فيا أكثر من الأعمال الدرامية الكبرى الناجحة .. مفهمتش ايلا انا كي عدت نشتي الحيوانات ولا صح هذا النوع من الافلام يڨيسو المشاعر 🥲 حرفيا تفرجتو أكثر من 4 مرات و كل مرة نبكي فيه.
لي حاب يبكي ننصحو أنو يتفرجو .. على ضمانتي تفرغو مكنونات قلوبكم كامل 💯
تقييمي الشخصي ليه 8.5/10
Posted in Movies
يابنتي حنا النساوين جايين فايضين فالمشاعر نتأثرو بزاف اي عمل درامي تلقاينا😭😢🤦♀️🤦♀️
Oui chbab bezaf w kayen wahed tani chbab f hada style togo chbab bezaf
لمبكاش كي شاف الفيلم مضنيتش يعرف معنى الوفاء والرحمة فيلم مآثر فعلا
هاذا ماشي غير بكاني نشهق نشهق 😢😢😢😢😢😢😢
بكيت حتى طابو عينيا
فيلم 💔🖤 خاصة اذا امتلكت 🐶 و فقدته
تفرجته مؤخرا
و انا تبالي في روحي غير انا لي بكاية 😂….بكيت عليه حتى تنفخو عينيا و كل مرة نتفرجو نبكي و يأثر فيا كأني اول مرة نتفرجو🥺
صح بزاف شباب
نقول ما نزيد نتفرجو خاطر كي نتفرجو نبكي، بصح هكاك و نتفرجة و نقعد نشحڨ بالبكاء دمعة و خنونة 😭😭😭
يبكي واحد البكاء كاش نورمال 🥺😭😭😭 كي شفتو و انا مربية قط المشاعر كان أكثر تأثيرا 😭😭