#1001_rating
#رسائلكم
⭕️ حق الرد من الوكالة
السلام عليكم و رحمة الله وبركاته .. الأخ انا ممثل الوكالة اللي راك تهدر عليها فرع قسنطينة … حبيت نوضح فقط الحكاية اللي راهي تدور و الناس راهي تسب وتقذف فينا عن جهالة … اولا وقبل كل شيء العايلة هادي سجلت مع وكالة اخرى من تبسة وليست وكالة بكة قسنطينة كيما راك تحكي و الوكالة هادي تاع تبسة هي بعتتهم معانا و بعتو معاهم 2 مرشدين من عندهم هوما اللي كانو مسؤولين عليهم و راحو فوتو العمرة تاعهم بطريقة جد عادية …و فرحلة العودة دارو ليسكال في مطار اسطمبول وين المرحومة كانت مريضة من قبل و زاد عليها الحال فالطائرة وتما تدخل الطاقم الطبي للخطوط التركية و الحماية المدنية التركية و قرر الطبيب انو لازمها تنزل من الطائرة و تدخل للمستشفى حالا و هداك اللي كان نزلوها و دخلوها للمستشفى و بقا معاها زوجها و ابنها الصغير اللي دار الفيديو … و المرشد مايقدرش يبقى معاهم لانو ماعندوش الفيزا تاع تركيا و كون تفوت عليه الطائرة راح يعتبر حراق فتركيا … ادا بقا الزوج و الابن معاها لانهم يعتبرو من الاصول و تكفلت بيهم الخطوط التركية وين وضعتهم فالقاعة الشرفية لمطار اسطمبول وين تتوفر جميع انواع الاكل و المشرب مجانا يعني مكانش منها الحكاية تاع مطايشين بالشر و هادي كامل بالادلة و الوثائق و بعد ذلك المرحومة لحق اجلها و توفات فالمستشفى (ليس مطايشين فالمطار كيما راهم يهدرو الناس تاع الفايسبوك) ربي يرحمها ويوسع عليها … و الطفل صغير مايعرفش و كان فحالة هستيرية من الصدمة دار فيديو يلوم فيه المرشد اللي ماقعدش ومعاهم فاسطمبول … و الوكالة فور سماعها بخبر الوفاة تكفلت بكل مصاريف النقل للاب و الابن و نقل الجثمان من اسطمبول للجزائر وهادي هي الاجراءات الادارية اللازمة من طرف الوكالة ..و فالاخير ربي يرحم الاخت و يجعل مثواها الجنة و يصبر اهلها
بصح البيان الرسمي في الصفحة الرسمية هذا وش كتبتو قبل الحذف لالا!؟
معليهش مول المنشور ارواح جاوب علا البيان هاذا حطاتو الاخت الفوق و مرديتلهاش
باينة يبرو رواحهم مفيهاش شك
الحمد لله وربي يرحمها ويصبرهم
ربي وكيلكم و عند الله تلتقي الخصوم
خدمة الحاج والمعتمر
الصفحة جاء من اجل الدفاع عن المعتمر والحاج الجزائري
لعل قدمت شيء وإن كان صوتها غير مسموع
لكن مؤلم للبعض
وبن رآها الأدلة بلي قعدو في القاعة الشرفية ؟ والطفل لاه في غرضو يكذب ؟ ونتم علاه من ذاك النهار ماقلتوش علاه خليتوها حتان توفات؟ والجثمان تاعها رآها الدولة تتكفل بيها بلا مزيتكم
بكاء الطفل و حالتو متبينش تماما صدق هدرتكم
فنان في. الرد بصح انا ما نأمنكش لأنكم كلكم إستغلاليون و الزاوجة يجب الجهات الرسمية دير تحقيق و هي المخولة لها ان تقول ما هي الحقيقة
حسبي الله ونعم الوكيل وربي يرحمها ويصبر اهلها على فراقها
أولا وقبل كل شيء ربي يرحمها ويغفرلها ويسكنها جنته يا رب العالمين، ونسأل الله سبحانه وتعالى أن يرزق ابنها و زوجها وأهلها الصبر والسلوان، ان كنتم أديتم واجبكم اتجاههم بدون كذب ربي يحفظكم و يقدركم و ان كنتم على ضلالة و تكذبون نسأل الله سبحانه أن يجازيكم بما فعلتموه🙏
وعجبك راهم يحطو فالستوريات والفكاهة فالصفحة شغل اللي ماتت هاذي ماش انسان حسبي الله ونعم الوكيل في كل من له يد فالموضوع
عندنا فئة غير تشوف فيديو تبدأ تطلق في الأحكام بلا ما يعرفو الصح، ماشافت عينهم ما سمعت ودنهم، المرأة الله يرحمها و إذا كان الخطأ من الوكالة تتحاسب و إذ كان كيما حكا هنا أجلها وصل، حنا مجرد ناس شافو القضية من زاوية وحدة بدون أدلة، واحد فينا ما عندو الرسمي و تلقاهم يسبو و يهدرو، ربي يهدي ما خلق.
ربي يرحمها ان شاء الله و الله يهدي ما خلق
شوف خويا نمدلك نصيحة لوجه الله الوكالة ديالكم اغلقوها احسن علا خاطر كدابيييييييين والله والله والله غير العائلة ديالي كانو معاهم في العمرة مع هادي المرأة ووليدها وزوجها ونفس الفندق تانيك وهدرو مع بعضاهم وعندي دليل وانتوما السبب الرئيسي في الوفاة والمرشد في العمرة غلق التلفون وخلاهم والأكل مساكن تقول نتاع الحبس وخلصنا زوج ملايين ونص للأكل وحدو يعني العمرة كاملة جات تقريبا30مليون ماشي رخيسة كيما راكم تخرطو والله والله والله غير كاين كبار في السن جاو بلا مايأدو مناسك العمرة يعني مساكن حوسو وجاو ماعرفوش بلا السبان والهدرة الزايدة معاهم مساكن وكلش بالدليل المهم أسوء وكالة لوكان راهو شادها أبو لهب مايصراش هكدا وحنا رحنا مع فرع الكاليتوس وتحبو نحطلكم ليفيديو والتصاور ماكاش مشكل حسبي الله ونعم الوكيل فيكم يااصحاب الوكالة والله ما تربحو
درك الوكالة خارج نطاق السفر يخرج من صلاحياتهم وثاني حاجة اجلها جاها لتم مادخل لا مرض ولا وعلاه ديتوها وهي مريضة ربي يرحمها. الفايدة كي روحو
كاين ميزان ملك الملوك خويا من أسماءو الجبّار يعني لا انت و لا انا و الطفل و لا المرشد و لا مدير المطار راح يقدر يكذب عليه .
المرأة توفاة ربي يرحمها برحمتو غدا تلتقي كل الناس و يهدرو يديك و رجليك و عينينك إذا راكم صادقين لا خوف عليكم
الأعمار بيد الله
أينما تكونوا يدرككم الموت ولو كنتم في بروج مشيدة
وكالة السفر بكة أسوأ وكالة ممكن تتخيلها. رحت معاهم في 2017 للعمرة والله غير كذابين ومحتالين وماعندهمش حتى صفة مصليين. رحنا وحدنا بلا مرشد وكي وصلنا للفندق لقينا حوالي 7 مرشدين معاهم امرأة غي ضحك وتبزاز ومايبانوش قاع غي في غرفهم ولا برا يبزنسوا
لا اخي هذا موقف انساني ،والله وجيت مكان المرشد ندير فيزا ترانزيت تاع يومين أو ثلاث والكل يعرف هذا ،واذا مكانش فيزا والله نحرق جد الفيزا هذي عادي من أجل إنسان أنا مسؤول عليه وفي حالة خطرة ،نعلبوها الفيزا لي راك تحكي عليها في موقف مثل هذا
وكالة بكة 0 راح أبي للعمرة شبعتوه تمرميد جاء عندو سمانة وهو يدعي عليكم هاي خرجت الله المستعان
اكتب اسطنبول صحيحة و مبعد اهدر الشيعة تخدم في وكالة سفر اسنطبول تقلها اسطمبول 🤣🤣🤣 كيفاه طارلة بوسط ثم
حسن الخاتمة ربي يرحمها و يتقبل عمرتها
لا حول ولا قوة الا بالله العلي العظيم
ههههه ماتزيدوش تقلقو بكة ضوك ممكن تتنارفا وتزيد تنقص بزاف فالسعر هذا الموسم 😅
انت على افعالك الشنيعة لا تملك حق الرد اساسا
لا علاقة لي مع وكالة بكة بصح الشعب الجزائري يتبع الرخس و مبعد يقولك الخدمات ناقصين اسعار العمرة مع اغلب الوكالات فوق ال 20 مليون وكالة بكة مدايرتها ب 18 مع اطعام مجاني و رحلة مع الخطوط التركية باينة راح يكونو نقائص من جوانب اخرى و هذي حاجة باينة وين ما يكون الرخس يكونو الخدمات ناقصين يعني الوكالة ميش راح يخدم عليك ولا يخدم بالخسارة للناس لي تشكي هذي هي العمرة الاقتصادية
لا حول و لا قوة إلا بالله
هدا ماشى عذر انت المسؤل عنهم بغض النظر كفاه جاو عندك
الله يرحمها و ربي يتولى لي كانو السبب فالمعاناة تاع هذاك الطفل واحد واحد نتوما مكمش حتحسو بيه
ان شاء الله يحكم القضاء في الامر ولي عنده حق يديه
إيا صح لوكان ملول هدرتو بطريقة محترمة وجاوبتو على الناس بإحترام وما مسحتوش المنشور من على صفحتكم
تبلعيييط كبير مرة جاية قبل لا تخرجو ديرو حق ارد تفاهمز على كلمة وحدة ماشي انت تهدر زي و لي حاكم الصفحة زي اخر
و وكالة بكة بصفة عامة قبل هته الحاظثة تعرفت بسوء التسيير
بدلو الاسم و بدلو العمال احسن لكم
بببببببببببببببببببب بالخف طفل نقولو صغير و باباه تاني صغير مايعرفش تعرف انت لي ماكنتش حاضر و راقد ماكل شارب لا حول و لا قوة الا بالله عند الله تلتقي الخصوم
القاعة الشرفية زيد ثبت مليح بلاك تعدل المنشور