#1001_tech
السلام عليكم حبيت منكم تفيدوني إبني مقبل على السنة الخامسة إن شاء الله . نظمتلو برنامج صيفي من جميع النواحي …
لقيت باللي يبقاولو ساعات فراغ بعد رجوعو من المسجد ويلعب شوي يلحق الجو عندنا يسخن واحنا من الجنوب . حبيت نشغله حتى لوقت القيلولة علبالي يهبلني ويحب يخرج للاولاد يعيطولو برا ويصيب ألف سبة … ما رأيكم في تعلمه للبرمجة ؟ وبماذا تنصحونني ؟؟ قنوات و مجموعات يتابعها لطفل بعمره ، حبيتو يهز أفكار تساعده وتنميله قدراته افضل من الألعاب في كل وقت، علما انه عنده قدرات ومستوى ذكائه ماشاء الله … وهل لازم نشريلو ميكرو ولا طابلات تكفي أو من الهاتف ؟؟؟
ربي يجازيكم خيرا واللي عنده افكار أخرى ينصحني و يفيدني
Posted in Tech
خليه يعيش طفولتو و يلعب حتى يشبع
تبانلي تعلم اللغة الإنجليزية افضل واسهل بالنسبة لعمره
وعلاه ماتخليهش يلعب !
لا إفراط ولا تفريط
ايه نورمالمو كاين تطبيقات تعلم برمجة للصغار حوسي عليهم برك نسيت وين شفتهم بصح كاينين وحاجة مليحة في السن تاعو يبدا يتعلم البرمجة
سقسيه اذا تعجبه هي اللولة من بعد ساهل ولا علميه لغة ومل أحسن تخليه يلعب
البرمجة ميتعلموهاش بالهاتف والكمبيوتر
البرمجة يتعلمها بالروبو و الليغو شوفي في ولايتك اذا كاين الي يعلموها ودخليه
جيبيلو ميكرو وخليه وحدو يخرب ، رايح يتعلم كلش وحده