#1001_tech
كامل نعرفو ان اتصالات الجزائر تحتكر انترنت الثابت بالخط الأرضي (adsl + fibre) في الجزائر و مكان حتى شركة اخرى تنافسها او تقدر تدخل هذا المجال
بصح انترنت الثابت عبر 4g قصدي 4g home مودام بالريزو مكانش احتكار . شركات اوريدو جيزي و موبيليس يقدرو يعملو عروض في هذا المجال بصح ما رانا نشوفو حتى منافسة في هذا المجال مقارنة بعرض أتصالات الجزائر idoom 4g
واحد نعرفو داير عرض idoom 4g و كونكسيو ثقيلة ماعجبتوش ايا قلتلو دورها لشركات اخرى بالاك مليحة عندهم . قالي والو عروض ماتصلحش
على سبيل مثال جيزي عندها عرض جيزي عايلة و اوريدو عندها عرض ساهلة بوكس و كلاهما لا ينافس عرض idoom 4g نتاع اتصالات الجزائر
موبيليس راقدة ماعندهاش عروض اصلا
( عروض كل شركة تلقاوها في الصور )
على حسب الأرقام كاين اكثر من 1.5 مليون مشترك في 4g home يعني كاين سوق محترم واتصالات الجزائر شادة اغلبية زبائن بعرضها idoom 4g
وبسبب هذا صاري ضغط كبير على ابراج الشركة ودائما نشوف اغلب الناس تشكي من بطئ سرعة
و الشركات الأخرى راقدة من ناحية العروض ما سبب في رأيك ؟
السبب هو
الكهول المكحكحين لي لازم يتنحاو و يخلو الشباب لي عندهم الكفاءة و في جميع الميادين هو لي يتكفل في كلش
جماعة دومي مونش قعرونا
كي نقلك حاجة تشبع ضحك ههه
كنت نحكي في تيليفون دكا مع واحد و جبدنا على ال4جي ايا قتلو كوبي نحوسلك بقداه اشتراكات تاعها دخلت الفيس راح نروح للروشارش نحوس عنهم خرجلي منشورك سبحان الله هههه 🙆🏾♂️😂
الاحتكار و الاشتراكية تاع الكهول
لمعلوماتكم فقط جازي اريدو ومبليس
تأخذ النت من كبلات اتصالات الجزائر.
الفرق الغبي لي يستغبو بيه الشعب هو
ان بيانات الهاتف هي حجم وليست سرعة
بمعنى
كين لي الله غالب ميعرفوش كي دير تاست ينخلع من حجم دونلود وايبلود لكن معلابلوش بلي هذاك حجم بيانات يعني قد مستهلكتهم ينقصو عكس سرعة لي في الخط الثابت بنوعيه
لحد الان اتصالات جزائر محتكرة النت بكاملها وتتحكم فيها
وعلاه أصلا يندار احتكار ، راها شركة من نوع spa يعني مهيش شركة وطنية يعني ماشي شرط نقعدو في احتكار ، مطلوب منا نكتبو عريضة نطالبو بفتح باب استثمار أجبني في هذا مجال بالتحديد ، صرات في 2018 وقريب يلحق صوتنا وقتها وللاسف وقتها جماعة فقاقير اما ذرك ولله الحمد زاد عدد ناس و بزززاف راهم يخدمو عبر الانترنت
عقلية كهول لا يوجد مستثمر اجنبي و لا شركات أجنبية لي منافسة كهول في هذا مجال
ما تشوفش لانهم يذخلو اموال بأبسط تكنولوجيات
كيما نقولو ما يصرفوش و يذخلو دراهم كبار. لوكان يعطيك قاع شا عنده خطرة جاية ما يصيبش واش يعطيك
عروض idoom 4g من بكري مليحة و المودام عامتا مليح عيبه الوحيد هو بطئ سرعة الأنترنت و الحل هو وضع المودام في مكان مرتفع بحيث تسهل عملية استقطاب الإشارة و كذلك لا بد من وجود أبراج للشركة في المنطقة و أهم نقطة أن تضع في الحسبان أن الأنترنت متذبذبة يعني قادر في الصباح تكون سريعة وفالليل تصبح بطيئة أو العكس ..
و في جيزي أفضل عرض كنت نمشي بيه هو هايلة بزاف 2000da 60gb عرض مليح بزاف و الكونيكسيون فيه تاني مليحة و تحكم معاك الشهر