#1001_tech
إسماعيل مان 54 (التحليل الواقعي و التقني ) بعيدا عن الراديو طروطوار !
في لآونة لأخيرة انتشرت مقابلات مع الهاكر الجزائري المعروف على فيسبوك باسم (إسماعيل مان 54 ) و من يعرفه من قبل لا يستغرب من طريقة حديثه أو شكله أو المواضيع الذي يتناولها ،
، هوا نتحدثوا بالدارجة أحسن ومن لخر إسماعيل بالفعل هاكر و بالفعل عندو تجارب اختراق عدة و بالفعل يبرمج فتطبيقات ومواقع …الخ يعني راهو إنسان عندو إلمام بالمجال المعلوماتي بأقسامه المختلفة والمعروفة كيما العديد من لأشخاص ،لوكان تقدم إسماعيل مع إنسان متخصص في المجال المعلوماتي راح يبانلك إسماعيل إنسان عادي جدا وربما جاهل وهاوي بالنسبة لشخص يكون أكثر دراية وتخصص بالمجال ، المشكل الواقع هو أنو القنوات تاعنا لجهلم بهاذ المجال طريقة تقديمهم لإسماعيل يكون فيها دراما وعناوين منفوخة باش يجلبو مشاهدات لكن هي كذلك تدل على جهل الجهات لإعلامية بالمجال (يعني منقصدوش العاملين في نفس التخصص في القناة ) نقصد الصحافة و المصورين والمخرج . الخ يعني لأسرة لإعلامية وما يزيد الطين بلة إسماعيل نفسو شخص يحب الظهور و عمل الدراما(يعني يقدر يديرلك حكاية كبيرة من برمجة متجر إلكتروني و كأنو هوا الي عمل شوبيفاي ) ، انت مثلا لما تشاهد اسماعيل اخترق هاتف الصحفية و هي مخلوعة و توري فيه للمشاهدين على أساس حاجة خارقة للعادة او لما وهي تستخدم روبوت الذكاء لإصطناعي (خيرة) بالتأكيد راح يولي الموضوع مدعاة للسخرية ، اختراق الهاتف له عدة طرق مختلفة وأي شخص يكون عندو أساسيات في المعلوماتية يقدر يتعلم الطرق هاذي عادي جدا (طبعا باستثناء بعض الطرق المتقدمة والتي تتطلب إتقان عدة مجالات كعلن الشبكات ،و لأنظمة و الحماية …الخ)، وحتى روبوت الذكاء لإصطناعي لما تكون مبرمج متمكن تقدر تبرمج بوت ذكاء إصطناعي أو روبوت كيما الي عمل إسماعيل عادي جدا و كذلك حتى اختراق إيمايل مارك يمكن يحدث[حساب مارك كان من بين الضحايا في عملية لإختراق الكبيرة التي حدثت عام 2021 والمعروفة (facebook leak 500 million) ] يعني متحريش لدرجة كبيرة كي قولك واحد أنو تم اختراق حساب مؤسس شركة عملاقة مثل فيسبوك]
المهم الي استنتجتوا أنا هوا أنو فئة كبيرة من الشعب الجزائري عندها جهل كبير في هاذ المجال و لهذا تلقى التعليقات الساخرة و التهكمية عوض التحليل المنطقي و التقني و هاذا بحكم تجربتي كذلك في المجال
نسأل الله أن يعلمنا ما ينفعنا و ينفعنا بما علمنا وأن يزيدنا علما.
يا ولدي لي هاكر مايجيش للتليفزيون يقول أنا هاكر كفاكم إستغباءا للشعب
وزيد داخلها بكاڨوول تاع نينجا.. الله المستعان
والله ماهو موضوع لي يفوت في قناة تلفيزيونية
شفت شفت غرنا من ولد بلادنا منحشموش
حرت علاه لادمين يقبل هاذ المنشورات الخرائية
…
عيفني فيه نفخ عنواين ودراما
حب يقول أنت فووور عليه؟!
و نقولو راه هاكر و و يقدر يخترق حتى البنوك العالمية، تجيبو في التلفزيون ؟؟؟ ضرك حتى Netflix يشري اشتراك 😂😂 ولا معروف ضرك
زوج قهاوي في ڨوبلي
هاذو ڨاع نورمال قال ماشي لازم على الناس يكونوا ملمين بالبرمجة و كلش …
الحاجة لي محيرتني : علاش رجعوها قضية وطنية !!!
هذا هيشر مواقع ماشي هاكر
مشكوور
وين تسكن يرحم باباك نجي نخلصلك عشا
هكر جريمة يعاقب عليها قانون دولي كن جاء هاكر صح ميظهرش في تلفزيون ويزيد يقلهم هاكريت فيسبوك
فيسبوك اسبوعيا يدير تحديثات في أمان بكري كان فيسبوك تقدر تدخلو مي ضرك من دارو مصادقة ثنائية ولهوية صعيب ومستحيل بش تخترقو الا ادا كنت تدخل روابط لخارجية وملغمة وبلا مفعل المصادقة الثنائية يقدر يديهلك ويغير معلومات حساب وادا كنت مفعل أمان حتى ويخترقوك ترجع حسابك
فيسبوك مش كما بكري ولا مؤمن بزاف وحتى صارم اي حسابات تنشر روابط مشبوهة رايح يغلقلها فيسبوك بدرجة نهائيا
أخيرا واحد هدر واش في قلبي 👌🏻
ناس حكات على الاستغباء لي يقدمو فيه يعني هو كاشخص منين قبل المقابلة رجع روحه أضحوكة حيث هوما لي يسيرو المقابلة ويقولوله واش تقول واش دير وعلا واش نسقسوك ….. الخ.
هردتونا بتفاهة هادي
المشكل والإشكال والبروبلام الكبير هو انو حتى لوفرضنا ان هذا المسمى سماعيل هاكر وحاجة خشينة كيما راه يقول مايجيبوهش كضيف في قناة عندها إعتماد من عند الدولة باش يحكي على القرصنة الممنوعة والمحظورة دولياً.. بذلك انت تروج لبلدك على انها دولة تحمي اللصوص والقراصنة و تضمن لهم العيش في كنف اللاقانون !!
المهم يفعل الجاهل بنفسه ما لايفعل العدو بعدوه.
نقولك علاه راك غالط !!؟؟
ديجا كي خممت تنشر مقال على هاد الموضوع في مجموعة تاع تاك غلطت، نورمالمو تنشرو في مجموعة تاع ميمز و ضحك.
مالا عندو تجارب اختراق ايا صحا
؟؟
اسماعيل 3685 هاكر و الفيل يطير
و هاذي كيفاش ؟؟؟؟
وش هي المصادر لي تعلمت منهم هذا المجال
ضحكتني يعطيك الصحة
انا من نهار سمعت بيه اسمو يجيني غريب
لوكان ينحي مان يولي مقبول
نحسو كيما ڨوڨل كي جي تكريي ادراس يبروبوزيلك كلمات ونتا خير
مالا بيراطا التيليفون تاع الصحفية !
هذاك هو مفهوم البيراطاج !
اوكي
قالك حساس بزاف
عندي خبرة في المجال الحمد لله بصح نفخوه اكثر من اللازم سيد يخدم سبام فقط يقدر أي شخص متمكن من المجال 4% فقط يدير وش راه يدير ينفخو الق…… من فضلكم خطونا من الموضوع تاعو راه عييت من المنشورات لي تحكي عليه زايد تقلي جهل الشعب يضحك عليه هيه خلي يضحك نتا منيتك هكر يستقبل في بلاطو وعلى المباشر جي تفهم دوخ اخي الفاضل راح تصرا حكايتو كيما حمزة بن دلاج لي سرق صوارد وعايش معيشة هايلة وكي تحكم ردوه مجاهد ويدعم فلسطين من بكري وحنا في الاحلام عايشين ربي يبعد علينا هاد التفاهات
تابعت الصفحة تاعو من مدة مهوش يقدم في حاجة مفيدة ولا محتوى تقني باين … كيف نقولو حنا السيد يخلع فالزواولة برك بطرق اختراق سطحية و متوفرة في الانترنت بكثرة
لانو الاختراق في الوقت الحالي يلزمو عتاد خاص ماشي غير نظام تشغيل مثل كالي لينكس او غيرة من التطبيقات الموجودة في هاذا النظام
من يمارس الاختراق بهاتف و نظام انرويد فهو انسان هاوي يعرف ممكن عشرة حوايج يهد بيهم على الزواولة و صاي
و ممكن يكون العكس المهم الميدان و خبراء المجال و الشهادات المعترف بيها دوليا هيا ما تحدد المستوى المعرفي لكل شخص … اما الباقي فهو مجرد هوايات و دروس تعليمية بسيطة من الأنترنت
والله يالبلاد هدي
صح قعرة نتع توالات بيبليك
أنا جامي شفت سراق ولا كريمينال يدير كاڨول و يروح يستظيفوه كش قناة و يحكيلهم عن جرائم تاوعو بكل أريحية و تفاخر و فرحانين بيه مالفوق😂😂😂😂😂
كما يذكر أنه ابن الثوري دراغون و حفيد البطل غارب كان يعمل متخفي ضد حكومة العالم في ماريجوا
راك حاب تقنعني بلي صاح دخل 3.2 مليون دولار في شهرين او نص؟
نحكي في واش نعرف الذكاء الاصطناعي و كفاش تخدم ترونسفورمر كيما chatgpt بسيطة و متوفرة في الانترنت على راسهم حوس تلقاهم مدارش حاجة wow
شعب جاهل و يعرف كلش 😣
chkoun yachfalou nhar djab flash disk USB nahalou el cache bach iban circuit ou 9alhoum khdmat outil de connexion internet gratuit sans reseau
بالمفهوم المنانوكي مقودة تكون هاكر و اسمك اسماعيل..
اسماعيل يبغي الدلاع بارد والبغرير، يكهرن غاية راك فاهم
متقولوليش جاباتو قناة الروقار برك
لازم نتعلمو حاجة.. ماهيش ف دومان تاعي معناها ما نجمش نعطي رايي.
سبامر كي خوه حمزة بن دلاج ردوه هاكر شعب تاعنا وش يحبو الافلام😂😂
سترينغ مان 54 ايه
هي حقيقة هناك مخترقين يمتلكون مواصفات أكثر من مما ذكرت بصح مش هذا طبعا وأصلا لا يظهرون في البلاطوات والأوساط الاجتماعية
الناس لي ماتحبش الخير لوليد بلادها، إسماعيل 54 أول مكتشف دواء الكورونا من الإسمنت
بسبب منشورك قررت حذف تطبيق فايسبوك كامل .. جايبينو باش يستغباو الشعب و انت جاي تبرر وتعطيه الحق و ديفوندي عليه .. واش راهي دير الدولة في الاشخاص الي كيفك شيئ صحيح و معقول و قليل اصلا
و الفاكسان تع الكوفيد يتخدم بالسيمان ؟؟ وش من تحليل منطقي بركانا يرحم والديك
فرغتلي قلبي خوو
هيه وكورونا لي دواها بالاسمنت 🤣تاني هذي تابعة للمعلوماتية دخلت للصفحة تاعو لقيت الخرفان تعلقلو وتقلو بطل واسطورة ايا خرجت منها لقيت منشورك 😅🤣 انت تقول الصحافة تنفخ فيه اك نتا جاي تنفخلنا في راسنا بحكاية مكاش منها بلاصتو في طيور الجنة ماشي النهار 😅