#1001_tourism
يا حليل شا رانا نشوفوا ! شيئ غير طبيعي و غيرمنطقي تماما ما يجري في سوق عتاد ال outdoors activities من كامبينغ و روندوني و الخ، و خاص فيةلي جروب هنا على القيسبوك.
سلع مستعملة و خردة أوروبية(هاذا إذا كانت اصلا) بأثمان مضاعفة و لما تتكلم معه يقولك زعما ليمارك و يزيد يكتبلك تقنية على سبيل Goretex و الخ زعما باش يعطيك طابع الكاليتي و تقول في نفسك ايه يمكن صح !
لكي ننفض الغبار عن حقيقة هذا الامر و الذي في اغلب الحالات السلع هاذا المستعملة راح تصادف فقط كاين نوع المركة بصح مكاش التقنية. ليكن في علمكم خاوتي ان اغلب تقنيات التي تميز الأدوات و العتاد هي صالحة لمدة معينة حسب النشاط و عدد الاستعمال . نحكيلك مثلا على goretex و لاني ضربت بها مثال في الاول نكملوا بيها الان، هاد تقنية مرتبطة ب النسيج تع المنتوج يعني بعد مدة معينة تقدر تتعرض للتلف و تبقى الفاست الماركا هادي تشوفها عادي و لكن الامبارميابل تاعها ماعادش يصلح و هذا الشي لي يجهله اغلب الناس ويمكن استغله البعض من لي يبيعوا تلقاهم حاطين prix نار شاعلة. غير تهدر معاه يقولك من 500 و الفوق و هو ف صح كابة تقدر تكون مستقامتله 80 الف، و ناس مساكن ف ليكيومنتار طايحين عليهم .
خاوتي سيروي ، ماش غير تشروا ، لي راهم يدورو اغلبهم او 90% goretex تاعهم ما تصلحش و تالفة لانها طايبة من الاستخدام و الغسيل ! و لي راكم تبيعوا البيع بأضعاف لاخوك يعشق الهواية هادي ماراحش يغنيك .
الله يعاونكم خاوتي وماتنساوش .. #نقي_بلاصتك
مافهمتش راها سومة تشوط
Imad Frank 3ndi hamac 800mille professionnel la marque grassman
قبل عوام كانو يتباعو في دلالة و واحد مايشوف فيهم ، ومي انتشر التخييم عند الجزائريين زادو في الاسعار ،بصح متستغربش الكفن وزادو فيه كي كثرت الموت في وقت كورونا
للأسف الڨاوري لما ينتهي منها يا ئما يبعتها المزبلة او يبيعها بسعر رمزي اما في واحد البلاد لا صدق لا مصدقية سعر بعيد عن منطق
المشكل يلقاوهم مرميين في اوروبا و يجيبهم
او يسرقوهم و يبعثوهم
مستحيل تلقا حاجة جديدة من الحانوت من اوروبا يجيبهالك يبيعهالك هنا
حبيت نشري les palmes شحال يديرو ؟؟؟
فيما يخص معدات التخييم و هواية المشي في الجبال les randonnées يوجد ماركات عديدة، فقبل الشراء عليكم بإلقاء نظرة على المنتج من خلال الإنترنت.
Décathlon
لا يوجد في الجزائر؟؟؟؟
سواءا لقاوهم مرميين في اوروبا او شراهوهم رخاص او جلبوهم بأي طريقة اخرى كي يوصلك هنا للجزائر لازم يدي حقو ، انا عن نفسي نعاود نبيع سلع اللي جاية من اوروبا وندي فائدة بين 1000 و2000 دج وهذا بعد ما ابحث عن السلعة وتكون عندي فكرة اذا السلعة هذي مليحة او لا ونسافر ساعات على جال سلعة ونجيبها نصورها وساعات نصلحها اذا فيها مشكل وطبعا نصارح الشاري من بعد تلقى الناس بإختصار تساومك بأسعار انا ومنشريهاش بالجملة يعني مثلا حذاء او حقيبة ظهر انا تستقاملي 4000دج وسعرها جديدة بين 15000 حتان 30000 او اكثر ساعات نحطها ب 5000دج يقولك بيعهالي ب2000دج او 3000دج.
يااخي ساهلة روح للسوق كل يوم وحوس كيما ندير ومش راح تلقاها بهذيك السومة طبعا.
واذا كان هذي السلعة المستعملة جات غاليا كاين محلات ديكاتلون تبيع جديد اشري من لتم ساهل