#1001_Tourism
#1001_Algeria
السلام عليكم ان شاءالله راكم كامل بخير،
عندي مجموعة من الاصدقاء الأجانب(4 اولاد و 3 بنات، ) حابين يجيو معايا يزورو دزاير لأول مرة في حياتهم. حاب ننظم هذ الرحلة لمدة بين 5 الى 7 ايام. بين شهر فيفري ومارس 2023.
حبيت فقط نستفسر اذا تقدرو تقترحو عليا اماكن سياحية في العاصمة، وهران، قسنطينة ، سكيكدة، عنابة، جيجل.
او اذا عندكم أي نصائح من الناس لي جربو من قبل عرضوا أجانب للبلاد ووش العراقيل لي واجهوها او الغلطات لي داروها…
باركً الله فيكم مسبقا
Posted in Uncategorized
لازم التصريح بهم قبل دخولهم لدى مركز الشرطة أو الدرك
فيزا صعيبة
فترة فيفري مارس تقدرو تهبطو حتى للصحراء تاغيت، سيفار
الشمال يكون مزال كاين ثلج الشريعة، تيكجدة، شيليا
في وهران باينة اخي .كل الاماكن سياحية الاثرية وسياحية . ننصحك الى باغي المناظر الطبيعية الخلابة تخرج من وهران الى عين تموشنت بوزجار والكهف لحمر تشوف مناظر عمرك الى شفتهم وانا متأكد يعجبو ضيافك . اي شيء تريد انا هنا فيما يخص وهران و تموشنت وماتنساش الصحراء الجزائرية 💗
Chof wahed ya3ref lblayes ydirlk programme de 7 jour w ya9smlk lwa9et win tbato les restaurants li troholhom ida habiti annaba nmdlk win troh w win tokel w win tbat
دير في بالك فترة فيفري مارس الجزائر كاملة ترقد مع المغرب يعني حوالي الساعة 20 تكون خلاص صلاة العشاء ولا يوجد بشر في الخارج، يعني دير حسابك في التنقل لازم النهار فقط
العاصمة اديهم متحف باردو حديقة التجارب ومقام الشهيد ديهم القصبة
العاصيمة❤
سكيكدة في الشتاء ننصحك ماتجيش روح لصحرا خير
فيفري مارس هبطهم للصحرا احسن
قسنطينة في فيفري 💞👌
الصحراء تنادي ، اجمل وقت هو فيفري و مارس 😍
يجيبو الفيزا امبعد ساهل الشي
شتا تع صحرا
#زيارة_مدينة_عنابة : زيارة الكور . كورنيش . اثار هيبون . فندق المنتزه . لفنار . غابة سرايدي كذلك مدينة قالمة قريب جدا من عنابة فيها شلالات معدنية ساخنة مناظر خلابة .اثار _ مرحباً
قسنطينة+سطيف – العاصمة وهران البيض
الصحرا لازمك وقت اطول
Constantine f lw9t hada mliha bzef surtt mars
مايكفيكش الوقت.
تقدر تدير العاصمة بجاية تيبازة. و تختمها بوهران.
5-7 ايام قليلة باش تزور هاد الولايات.
بحكم تلاقيت ببزاف عيباد من كل العالم و جاوني للدزاير.
اولا ادا عندك سيارة رايحة تنقصلك بزاف مشاكل التنقل.
ثانيا الجزائري كي يشوفك جايب اجنبي صدقني رايح يكبر بيك لدرجة ماتتصورهاش.
الاماكن سياحية يعني رايح تتمتعوا فيها بجمال الطبيعة و الناس المضيافة.
السلبيات.
بحكم تلاقيت ببزاف ناس من الخارج في الجزائر. عندك اسلاك الامن. مرة على مرة يفتشوكم. و يسقسيوكم .
الباقي رايحين يتمتعوا بهذه الزيارة .
مرحبا بكم مقدما…
احكم الشرق برك انا عليا في سكيكده نديك اماكن ولا في الاحلام هدي غي سكيكده عينه صغيره
خلي الوجهة صحراوية في هذا الفصل وفيفري يكون احسن
شريعة في البليدة و تكريو شالي فيها تباتو ليلة
شاليات ولا اروع
فترة فيفري مارس ننصحك زيد اديهم للصحراء .. تاغيت بني عباس تيميمون و ادرار
كي تلحق خبرني كاين لي يتهلا فيك
قسنطينة كاين الامير عبد القادر ؛ كاين متحف سيرتا؛ وقصر الباي ؛ القنطرة هاذو نظاف وباهيين جهة لمونيمون مالغري باهية مي ريحة تقيي
مدام جايين في الشتاء وانا من واد سوف مرحبا اذا حبيت تجي قلي نخليلك بعض النصائح
الصحرا + غرداية
مارس أحسن وجهة تاغيت بني عباس روعة خاصة المناخ يكون مليح بزاف
تيميمون …غرداية مادام في شعر فيفري
بما انهم اجانب اديهم للصحراء خاصة في شهر مارس يكون طقس شباب اذا قررت اتصل بيا ندبر عليك في تيميمون وادرار
ارواح قسنطينة مرحبا بيك