#1001_سياحة
#1001_نقاشات
السياحة في البلدان العريقة ذات التاريخ و استكشافها لها طعم آخر خاصة زيارة الأسواق و المطاعم الشعبية لي نلقاو فيها الصناعات و الحرف التقليدية و الاكل التقليدي و كل ما يمثل البلد و هويته الثقافية هاذي الصور هي لوحات لرسامين رسموا و خلدوا منظر الأسواق الشعبية في الجزائر من مختلف المدن الجزائرية نلاحظ اول شىء نظافة الأسواق و لونها الموحد لي يتشاركو فيه ثم نلاحظو انو كلهم عندهم واجهة مقوسة و مزخرفة كاين لي بالخشب المزخرف و كاين لي الحجر و الجبس المزخرف و كاين لي بالزليج و كاين لي فوق البوابة يديرو مظلات خشبية و الطرق من الطوب هذه التفاصيل كلها تمثل الهوية الجزائرية بينما اليوم ماوليناش نشوفوهم ! اطلاقا ولات الأسواق عبارة عن خرابة تقول سوق الخردة الحيوط مزنجرين الطريق مخرخبة تقول صايرة فيهم حرب لا اهتمام بالمظهر الخارجي لا هم يحزنون حتى كي يصورو فيديوهات فيهم تحشم بيهم والله علاه من غير وش خلاو الأجداد من آثار و حرف وش درنا حنا؟؟ تخلينا عن تفاصيل جميلة من اجل الخردة الجيل الجاي كي يجي وش يلقى؟ والو نورمالمون أرشيفنا و تاريخنا هو دليلنا نورمالمون نكملو على وش لقينا من آثار ماشي نتخلاو عليهم و كي يجي الجيل القادم مايعرفهمش أصلا لازم نرمموا لي كاين و نستنسخوه باه مايضيعش قريت مرة كمنتار عجبني بزاف الثقافة لا تنحصر في الترميم و انما في استنساخ افكار لتبرز بها ثقافة الوطن بدءا من هويتة الى صنع حضارته
خويا العزيز شعبنا هو لي راه راڨد كاين وسائل التواصل ديرو ضغط ديرو هاشتاج يوصل للمعنيين وقتاه نبقاو ساكتين لازم شوية حركية حتى حنا عندنا مسؤولية ماشي نبقاو نتفرجو شحال من حي تاريخي راه يريب لكن للأسف مكاش ضغط شعبي من المفترض كبرى الصفحات والمؤثرين لي يديرو هاد المبادرة .
عوامل كثيرة
1- أغلبية الشعب لم يطور الذوق الفني لتغييب التربية الفنية والتشكيلية منذ الابتدائي للثانوية وبالتالي لم ينشأ على فهم هذه الفنون والجماليات ودورها في ميراث الشعوب. مش معناها تقرى تربية فنية يعني تخرج فنان كيما مش معناها تقرى تربية رياضية معناها تخرج رياضي، الهدف من المواد هو التربية وتنمية ملكات البدن والخيال والفكر.
2- الحرف التقليدية مربوطة بالسياحة والسياحة مربوطة بالاستثمار، يدخل الجزائر في عام كامل نصف مليون سائح بينما اسطنبول يدخلها ثلاثة اضعاف هذا العدد في شهر واحد. يعني لو تقسم نصف مليون على الشمال والصحراء تلقا يجيك اجنبي واحد او زوج في الشهر، لو تفتح دكان حرف تبيع نهار وتقعد سنة.
3- ما هو موجود يتهاوى ويتدهور لغياب الدولة في حماية التراث