#1001_سياحة
مشكلة الباركينغ parking في الجزائر من أكبر المشاكل التي خلات السياحة متكونش في بلادنا ، مثال أنا مكانش واحد يخدم باركينغ متزايدناش فالهدرة آخر مرة في ولاية بجاية خرجلي واحد من باطيمة قالي باركينغ كان راقد قالي باركينغ قوتلو اعطيني بادج قالي الجزائر راحت ونتا اخوي على البادج ، وهو السبب لي خلى الجزائر تروح ، امبعد في الشاطئ الأحمر في جيجل حياتي كامل وانا نڨاري بعيد على الشاطئ ونهبط من الجبل بسبب الباركينغ 200 دج ، في يوم خرجلي واحد قالي باركينغ وانا مسطاسيوني بعيد المهم تفازدنا حتان خلصه صاحبي وكي رجعنا من الشاطئ لقيناه مكانش خلص علينا واختفى .
المهم اي واحد رآه هنا فالمجموعة يخدم باركينغور بالهف ربي وكيلو ودراهمو حرام
نتوما كي تلقاو باركينغ متخلصوهش واذا خفتوا المشاكل سيي خلصوه بالرخس
Posted in Tourism
خلي زوالي يسترزق و يسرق ناس
هدوك طلالبة مشي باركينغ ، اكل اموال الناس بالسحت، والسرقة ، قطاع طرق في ظل غياب الدولة ، الباركينغ كاين غير ف بلادنا برك لي تقاري يجي واحد يقولك خاص
السؤال المطروح لماذا لم يربح الباركينغور رغم عمله لسنين
الجواب: أمواله حرام
المشكل تلقاه تاع ادروق وتاع مشاكل. ومعاه صحابو وانت جاي تحوس مع عايلتك ولا مع صحابك لوكان تتلاصق معاه قادر تخسر نهارك ولا قادر تخسر حياتك بسبة انسان تافه انا مننصحكش بالمجابهة معجبتكش السومه بدل لابلاج ولا حاول متدخلش معاه في نقاش حاد
السيد العام لي فات قتلوه قدام الناس ورماوه بسبة باركينغ
دولة غايبة
عمل الباركينڤ هذا يشبه المكس في الجاهلية وهو حرام.
انا حالف يخرجلي واحد في بلاصة موالف مفيهاش باركينج نرفدو فوق الكابو نخليه عبرة
وأنا عصابة الطاولات و الكراسي
البلاد اللي مافيهاش مشاكل ماشي بلاد واحنا الحمد لله في كل فيراج مشكل
هادي هي الطلبة تاع 2023 الباركينغ وكبِّس كبِّس
دراهم لحرام يروحو فالظلام
يا ودي البارح اقسم بالله السيد فوق الطريق الكبيرة تاع الدولة بعيد بزاف على الصونطر فيل راني نقولك مستعمل سريع فيه الرايح والجاي وبلاصة شوية واسعة فيه قاريت سيارتي السيد عندو باركينغ بعييد بزاف شقى حتى لغندي قالي خلص هههه قتلو انعل شيطان هذا طريق كبير وبعيد بزاف على صونطر فيل فيه بلاصة فيها نظرة شابة برك تخلص علي قالي وي باركينغ 😅😅…فالعودة ما لقيتوش جاء خلص علي وراح…كون ترفض تخلصو يجرحلك السيارة انت لي خاسر خلص واسكت في غياب تااااام للامن
انا على جال الباركينغ في عام من الاعوام كي كان الواحد مازال شاب و مايعرفش الدبلوماسية و انو الباركينغ لازم تخلصو و تمشي… خليت الكارو تاع السيارة وكي رحت نشكي بما انني مانيش ولد المنطقة و كنت صغير هذاك الوقت بروطوني و روحت من البحر مورال زيرو و من ثم وليت نخلص و نسكت الله غالب.
سطيف ما فيهاش لبحار ومنين تروح كاين بركينغ..الجزائري
منين يحكم خوه يسلخو….
انا خطرة ڨاريت جاني طفل صغير في عمرو واحد 9 /10 سنين قالي باركينق قتلو انت لي حاكم هنا قالي لا او خالي بصح او مازال راقد
تلقا خليقتو مخسرة هو و صحابو تخاف ماتخلصوش يدير فيك الزكارة و المنكر
كل واحد يفرض ضرائب كيما يحب في الحي ديالو ،اصبح البحر ملكية خاصة!!،ضيعة محروس
والفو يطلبو وجهم صحيح ،يليق تتعامل معهم كيفهم مايبغوش العاقل
الدولة غائبة تماما و مخلية الشعب يعاني ولاتي بتفاهات الأمور باش هي دير الأمور لكبار فعلا الپاركينغ بالنسبة للدولة مشكل تافهه جدا رمشة عين ترفد جدهم ڤاع للسيلونة و لكن …. بيمن تلتهى أنت
عادي عيط 1548 واصبر يجيو… الشهر هذا لي يحكموه باركينغ يخبوه…. المواطن عندو مسؤولية أيضا لوكان كل واحد يشتكي ويبلغ الدولة تتحرك
أكل أموال الناس بالباطل
قصدك ماشي مشكل الباركينغ ولكن مشكل لي يخلصو رشوة باش يخاو الباركينغور يخدم 👌
ف مدينتي لي مهي ساحلية ماهي سياحية ثاني كاين هذون لعباد ونظن يحڨرو لبراني برك على بال ولاد لبلاد فايقينلهم مي كي يكون واحد من خارج الولاية يخاف من لمشاكل
حرش معاه و خلي توصل وين توصل انا واحد نهار سطاسيونيت توال سبيطار الزهراوي في المسيلة بنت ختي عندها كسر …الخ مهم كي كملنا خرجلي واحد من الظلمة ظاير سلسلة تاع بنات و براسلي في يدو قتلي تسلك الباركينغ قتلو والله ما تدي الف قالي معليش اذا معندكش قتلو عندي والله ما تشوفها و كنت نستنى فيه كشما يدير عندي طافيلة تاع حديد نخبطو بيها يطيح
الدولة غائبة أنا مستعد نخلص 500 دينار في موقف نظامي و ما نخلصش 100 دينار في باركينغ تاع حقرة
ضحكتني تاع الجزائر راحت وانت هدرلي على البادج كارثة والله 😂😂😂😂😂😂😂😂😂😂😂😂😂😂😂😂😂😂😂😂😂
في جيجل حبسنا فالكورنيش جهة العوانة .. السيارت متوقفة وراء بعضها بجانب الرصيف مسافة كيلومتر والسيد يجري يقلك باركينغ ..قلته راك حاكم مسافة كيلومتر على الطول وتجري دايرها باركينغ .. وقلتله بلاكم فسدتوها غير بسبب الباركينغ . يخلص عليك وماتزيدش تشوفه . بأي حق أو ماذا قدم لك من خدمة لاشي غير يديهم حرام .
انا مانخلصش و عادي، دراهم انا نتعب عليهم مايجيش واحد رجل فوق رجل يديهملي… المهم ماتخلصش و لكان حصلتي خلاه قولو كي نجي نخلصك مشني راح نهرب دوك ماتلقاهش أصلا
شبيبه ترقد وتنوض على الربعه تاع العشيه تلم ثلاميات الف باركينغ عصابه
عندي ختي خارجة ما تخلصهمس و تمشي في وجهم و حالفة ما تخلص، كاش سراق و زطايلي كامل رفد قزولة و فرض روحو على الناس بسبة الباركينغ
قطاع طرق انا ليام لي فاتو انسان مج.رم و سارق نعرفو يجي صباح يبكر لوحد لبلاج يقولهم باركينغ 40 ألف على البرانية يجب العشرة ولا الحداش تاع صباح يلم مصيرفة و يروح مايزيدش يبان يروح غير للسيارت ماتريكيل خارج الولاية علابالو يطيح في واحد من تم يقرقبلو بطريحة انا لقيتو زوج مرات قالي السلام عليكم و راح و لي بحداي قالو باركينغ 40 ألف
يبتزون الناس جهارا نهارا امام مرأى الامن و الدرك في الشواطئ و الاماكن السياحية . و لا رادع لهم !!!!؟
.انت ماتخلصوش ، واذا خلصتو خلصو بالرخس اعطيهملو خليه يحس روحو طلاب و مذلول
عندي نفس المشكل حسبنا الله ونعم الوكيل
هذي التسول بمصطلح جديد