#1001_نقاشات
يا خاوتي راني نشوف بزاف عيباد تشكي و تتهم فينا شخصيا … لخر فيهم يقلك كونيكسيون ماشي مسقمة و التحضير البنيوي ناقص و حنا ماشي تاع سياحة ..
يا أخي الكريم هادي علابالنا بيها … و ماشي جديدة و رانا بعاد بزاف على اقرب الجيران وين نقدر نقلك بلي ليبيا خيرمنا سياحياً.
لكن … يا هل ترى جيك نرمال نخلو تظاهرة رياضية إقليمية ذات تغطية إعلامية كبيرة كيما هادي تمر مرور الكرام بلى ما نحاولو ولو بالقليل باش نعرفو ببلادنا للعالم الخارجي في زمن التكنولوجيا الحديثة وين الهاشتاق ولا قادر يطلع و يهبط في سعر البترول كي شغل لعبة …🤔🤔🤔
للتذكير فقط .. لي مايدير والو أسوأ بكثير ملي يدير و يحاول و امبعد يخسر .
وأيضا … حنا ماراناش نركزوا على الالعاب المتوسطية كحدث رياضي لكن نركزو عليها كفرصة للتعريف بالجزائر . ففي النهاية هدا قروب تاع سياحة ماشي رياضة .
ان شاء الله تكون الفكرة وصلت …
#welcome_to_Algeria
#وهران_في_القلب
خويا نسقسيك ياك حنا مسلمين والكذب حلال ولا حرام؟
ماشي مليح نكذبوا على الناس امبعد كي يجوا لهنا يصطدمون بالأمر الواقع
ممكن خيرمنا كوتي سارفيس سينو واش عندنا طبيعة خيرمنهم ماشي الف الفين سنة نحير كي نشوفهم يشكرو جيران
خويا راك تحكي مع شعب يتبع في ريبكا واشكالها. وحاسبهم مؤثرين ويتأثر بهم ولحديث قياس.
تحب الصح؟ حنا الدزيرية شعب يحب غير ينتقذ لمجرد النقذ بلامايستفيد او يصلح
شعب حاقر روحه عندو جينات هكا..ولازم تمشي برايه سينو يكرهك هههه
الله يهدي
الجزائري جامي يعاونك في الفكرة شغله شاغل تبلعيط
احكيلهم علي الزيت و الحليب يموتو بالفرحة المهم سب بلادك و سب الدولة هنا الغاشي يشتيك كاين عباد ما خرجش من حومتو كفاش حبيتو يشكرلك لبلاد!!!! توريلهم بلاصة شابة فالبحر و لا فالغابة يجيو ليها يردوها زبل لموسخ كفاش حبيتو يفرح بالسياح و السياحة !!!!
هذا الغروب كل ماشفت منه الجوانب السلبية فقط للجزائر نهار كامل ونتوما تتنادبو ووتشاكاو كما نسا لغاشي هارب علينا لغاشي هارب علينا رح تعقدو بنادم اتجاه بلادو سبحان الله تبغيو احتقار النفس امر مخزي ونزدلك لي قلت هاربين علينا راهم هربو ف حبهم لبلادهم وميحتقروهاش قدام ناس مهما كاين عيوب يخبوها لكن مادام الاغلبية الساحقة بهذا التفكير لم ولن نتقدم والعيب ف الشعب وليست الدولة
ماطالبين والو غير وفرة النقل وجودته ، و توالات بوبليك وشوية مكاش القبار هذا ماكان ماشي حاجة كبيرة ، و التشجير
نتاع سياحة ماشي نتاع رياضة
#welcome_to_Algeria
اخي صح حنا معندناش بنية تحتية مليحة والاسعار غالية في فنادقنا لكن عندنا طبيعة خلابة تسحر اي واحد يجيها وماشي لازمك بزاف السياح الاجانب يحبو التخييم sauvage يعني بوسائل قليلة نقدرو ندعمو اقتصادنا و بلعقل تبدا تتحرك الحالة
انا اطالب بغلق هذا قروب لانه كان هدفه ترويج لسياحة في جزائر لكن في سنتين اخيرتين خاصة هذه سنة اصبحت لتشويه جزائر من قبل ضعاف نفوس و اصحاب جلد ذات 🤦🏻♀️🤦🏻♀️🤦🏻♀️🤦🏻♀️
التعليقات كالعادة واحد يقولوا قهوة ب 250دج 🤣🤣🤣 واحد يقولوا حرام الكذب
هاذا دوك تسموه شعب ؟!
ناس راهي تروح بيرو الهند كوبا هادو ما فيهمش قاع المقامة لكن الناس تحب المختلف حنا راهم حاسبين السياح جايين لديارهم يا كاين بزاف بلايص ملاح للسياح. مشي يليق تعاود البلاد باه يجوك الناس ما راناش نحوسو سياحة كيما دبي ما فيها والو لو كان ما بناوش حنا راهم أثار و جبال وبحار و صحاري تنوع ثقافي اكل متنوع مساجد الناس تبغي هاد الصوالح كل و ذوق تاعه في افريقيا علا جال زرافات في فندق الناس تجي من كل العالم
السياحة اضرارها اكثر من منافعها ماتغلطوش وهذا رايي المتواضع
وفي النهاية هاذو شباب حاكمين صفحة ويحبو لخير لبلادهم ماهمش وزارة السياحة ولا مؤسسة من مؤسسات الدولة باش تجي تحل فرفارتك هنا
#وهران في القلب
ان شاء الله فتظاهره كيما هذي يعرضونا خونا لقمان يديرنا شو فوهران مع جواد وخبيب ومحمد جمال طالب يديرونا فلوقات من ثم ويعرفو وهران والجزائر ككل للعالم مع انو هوما ثاني عندهم حبابهم وصحابهم يقدرو يعرضوهم ويغطيو الحدث في صفحاتهم المليونيه….
تقبل كل شئ من هذه العقول
انا ضد سياحة كي يرجع المواطن الجزائري عايش في مستوى فكري واجتماعي مرموق ويتمتع بالحياة سواء طبيا ومعنويا وماديا ويبدع في شتى مجالات هذيك هيا نعمة ناس راهي تموت بسبب شرذمة عباد ضالة وبلادنا بدون سياحة احسن حابين يزيد فسق ويزيد زنا ونولو كل اجنبي ولادو هنا يزني ويروح حابين نولو كي مروك كل عام ولاد مجهولين نسب رانا في نعمة سياحة خلوها للجزائري يحوس بلادو ويتنعم بيها وفيها سلبيات كثؤمن ايجابيات لذلك تبقى هكا خير وربي يهدينا يهبطو الاسعار باش حنا نحوسو في بلادنا الشعب راه مغبون وربي يفرج علينا اجمعين
واش من تظاهرة كبيرة. واحنا مباراة فاصلة حصلنا بالتنظيم تاعا…