#1001_نقاشات
Isn’t it time !
ماشي هذا هو الوقت باش نرجعوا لهذا المعمار؟ جبت صور و لوحات قديمة كيفاش كان المعمار و جبت صور لمعالم تاريخية في الجزائر لليوم بالمعمار هذا الصور من قسنطينة العاصمة تيبازة تلمسان ماشي وقت نعتيو بهذا المعمار و نرجعولو هي غلطة الدولة لي همشتو بصح حنا وش درنا؟ شكون راه يبني فنادق و مطاعم بهذا الستيل أنا كجزائرية و منين نزور مختلف ولايات الوطن هذا على واش نحوس شحال نكره مطاعم الطاكوس و البيتزا فقط و بستيل غربي ولا هاذوك الفنادق تقولشي باطيمة و زيد السباحة يلزملها أماكن هكدا تعبر عن هويتنا لي رانا نمحيو فيها لي عندنا نخليو فيه يريب بلا ترميم و زيد ماراناش نجتاهدو باش نديرو كيفو الثقافة لا تنحصر في الترميم و إنما في استنساخ أفكار استنادا للآثار الموجودة لتبرز بها ثقافة الوطن بدءا من هويته لصنع حضارته خلينا نطلقوا حملة #ابني_جزائري
❤️💕❤️
نموت على ستيل هذا روعه
الاستعمار من همشه
هذا اسلوب اسلامي عثماني مع القليل من الاندلسي جميل جدا
عندنا العديد من الأنماط لوكان يتبعوهم كيما هاد mauresque و كاين هو معاصر اسمو néo mauresque كيما بعض البنيات مثلا la grande poste
مي لازم تاني احترام المناطق وخصوصيتها كيما فتيميون عندهم معمار تاع القصور الصحراوية طابعهم وعلى حساب بيئتهم أو تاع وادي مزاب ولا القبب فالوادي أو بيوت أخام في مرتفعات القبائل وقادر تاني يصرا تجديد وتداخل وحتى إبتكار نوع جديد كيما من المعمار mauresque خرج نوع جديد مشهور فأوروبا اسمو gothique
لازم نتعانو والله راني متمنيه غير نتعانو ونوصلو صوتنا نبدو بالقروبات وتويتر والموثرين حتى يوصل صوتنا اولا قيام بحصر معالمنا الماديه لمحرضه للهدم وثانيا المطالبه بترميمها يد في اليد
لازملك يد عاملة محترفة و مختصة…. و هو أكبر مشكل في الجزائر… ضيعنا صنعة الاجداد لاعتمادنا على البترول و الغاز في الاقتصاد اغلب الجزائريين توجهوا للعمل في قطاعات أخرى….
أين هي صناعة الجلود و النحاس الزليج و غيرها.. إلا القلة لي مزالت حاكمة فيها…
على كل حال لو كانت الجزائر بلد سياحي سيرجع الناس إلى الحرف التقليدية لان سوق المواد التقليدية سينتعش لتزايد الطلبات من طرف السياح الأجانب الذين يفضلون كل ما هو اصلي مصنوع باليد و قديم و خاص بالبلد…. و يدفعون فيه أموال معتبرة لأنهم يقيمون هذه الأشياء…
والله تناقشنا في نفس الموضوع أنا و اخي منذ فترة
حتى المدن الجديدة التي تبنى بعيدة نهائيا عن هويتنا يعني بالإمكان بناء عمارات ببوابات من الطراز التقليدي و جعل شكلها يشبه هويتنا،
الأمر المعمول به في ولاية غرداية ما شاء الله تمسك بالهوية و الصورة المعمارية منقطع النظير حتى بناياتهم تحترم الجانب الجمالي و الستر و الإضاء و التهوية بشكل رائع..
احسنتِ الطرح أختي ❤️
شوفي المعماري هذا
https://www.facebook.com/100025662537131/posts/1092388171626590
https://www.facebook.com/100025662537131/posts/1092252641640143
مشكل حتى في بنايات نتاع دولة قليل وين تلقى ستيل هذا يقدرو ادارات ولا جامعات تكون فيها لمسة من تراث
لازم نرجعولو مي لازم قبل شعب يوعى بلي لازم يخدم فيه ودولة تعاون اصحاب الصناعات التقليدية راهم يعانو فبلادنا مثلا كي تكون عندو عرض ترويجي ففرنسا او إسبانيا او دبي او قطر علاه ديرو على ثلث اشهر نورمامو ديرو على حساب وكتاش العرض
للأسف حنايا المشكل حتى بعد الترميم تلقاي الأماكن ماشي مهتمين بيها أما المعمار الحديث لازم لو إهتمام أكثر مع مختصين
https://www.facebook.com/groups/635804501248116/permalink/751011523060746
كاين هذا السيد ربي يبارك من الحرفيين نتاع تلمسان اللي مزالو محافظين بصح يحتاج الدعم باش يقدر يفتح ورشة على الأقل و يعاون فيها الناس
https://www.facebook.com/profile.php?id=100008013464598&mibextid=ZbWKwL
https://www.facebook.com/groups/719526022896016/permalink/735072638008021
واكبر مثال جامع الجزاير الاعظم مدايرينو كلي ناطحة سحاب للأسف دولة مهملة الحانب هذا بزاف
عندي صور اقدم من هذه للمعمار الجزائري ذات التنوع الفني ،دون أن ننسى المعمار الزيري في قصور قلعة بني حماد وغرناطة ومخطوطات ذكر قصور اخرى في بجاية ،زد النمط المعماري الرستمي في مدينة سدراته الاثرية وغيرها
الدول ترمم فالقديم وتبني فناطحات سحاب بأسلوب عصري احنا لا رممنا قديم لا بنينا جديد
لازم الدولة كي جي تمد مشاريع للمقاولين تفرض عليهم الطابع الجزائري في التصميم. مثلا شقق عدل يا اختي لا هوية لا زين لا ذوق ولا شيء تشوه بصري و فقط. كان من الممكن يزيدولهم شوية لمسات من الطابع المعماري الجزائري القديم باش يبانو من التراث نتاعنا ماشي مستوردين التصميم من الاتراك و الصينيين .
بويسك يسقام غالي بزاف