#1001_نقاشات
السلام عليكم و جمعة مباركة.
بمناسبة الهجرة العظمى بعد فتح الحدود مع الجوارين خلونا نتفاهمو على نقاط لعل و عسى نفهموها حنا أولا عاد نلقاولها الحلول.
هادي وحدة نعرفها تحكيلي فوتت سمانتين تما: الشقق متوفرة أكثر من عدد الزوار، بسعر 200 ألف بدراهمنا لليلة الواحدة ، مع إمكانية إلغاء الحجز قدوة وين ممكن تقرر تبات برا، و ماتخافش اوكان تبدل رايك و ترجع في الليل تلقى الديار عادي، سعر التنقل ادا طار 15 ألف ، و خلي على الماكلة اللي مام تقول مانطيبش و ناكل برا تلقاها رخيصة.
بعد الحادث اللي صرا هاداك العام و راحو الدزيريين لرد الاعتبار للسياحة التونسية، وصلو توانسة وين حسبولهم المبيت باطل للمجموعات.
و طبعا بلا ما نغضو الطرف على المقامة المتكاملة للشقق و وسائل النقل … إلخ.
نرجعو للمحروسة، قا في2019 كانت الرحلات الدخلية مع الوكالات لمدة 10 أيام بالفطور و العشاء و الدار مقيومة بسعر مليون و نص، دوك راهي زوج ملاين و 300 حتى ل3 ملاين و 200 للسمانة.
تحب تروح وحدك، تكري استوديو مديباني ولا شاليه ب400 ولا 500 ألف لليلة و فوقها التشناف حاشا البعض ( مانجبدش سيرة الفنادق خاطر يبات فيهم قا اللي شهريتو فايتة ال20 مليون )
زيدلها حڨرة الباركينغ و الشواطئ المملوكة و الماكلة قالية، قرعة ماء تاع نص ليترا تلقاها 7 الاف و و و و و و
تلقاهم قاع يشتكو من غلاء الكراء عليها يروح لتونس، في نفس الوقت، كي اقترحت على القرية المتوسطية هاداك النهار تولي مسكن للعطل و يتكرا بسعر رمزي قالولي اوكان تتكرا بسومة رمزية يفسدها الشعب ….
يالاه نتناقشو دوك.
الجزائر باش تتسڨم سياحيا(السياحة الداخلية على الاقل ) لازم إستراتيجية حقيقية وين عدد الفنادق ..المركبات السياحية يتضاعف ..ولا يهم الحجم بقدر مايهم النوع والعدد …بصح غالبا المستثمرين بطريقة ارتجالية يديرو مركبات كبيرة ويلقاو روحهم خاسرين بالنسبة لاستثماراتهم أيا يطلعوا السومة قيس مايغطوا على خسائر الاستثمار
دايرين تشقلالة وحدكم كل واحد يروح وين يحب ووين تساعدو ..
يا كاتب المنشور بالاك نتا لي ما حوستش بلادك مليح… عيب تقارن بين تونس و الجزائر لي راهي توكل ف توانسة
لالا راك غالط
المنازل متوفرة بصح ارخص منزل ب 60 دينار لي هي (420 الف) و ماهيش أمان كيما قبل
زيد النقل ناقص و غالي تركب من سوسة للحمامات في لواج ب9 دينار لي هي (60 الف )
طاكسي كونتور مسافة صغيرة يخبطك ب 70 الف
و الأكثر من ذالك كثرت السرقة
السياحة لازم تكون مدعة من عند الدولة
الناس ماشي فاهمين بلي بلادنا باهية و كامل نحبوها و مادابينا نجوزو فيها العطل و نستمتعو و ننعشو السياحة و كلش، بصح ديما ينساو نقطة مهمة الانسان يحوس على الـ comfort و يتبع rapport prix/qualité حاجة باينة كي يلقا روحو كي يروح لتونس وين يعڨب 10 ايام تحواس اوتال بيسين ماكلة كلش تخرجلو ارخس ببزاااف من كون يروح اوتال 3 ايام فالجزائر و بأقل خدمات 😂😂 نفس الشي بالنسبة للديار يكري في تونس 15يوم كيما كي يروح لجيجل ولا اي ولاية اخرى ساحلية سمانة ولا 10 ايام في ظروف خلينا نقولو عادية، شعبنا لي يهدر غير باه يهدر au lieu يخمم يبدل هاد العقلية و يكسبو السياح حنا تاعنا لالا الغلا و البروفيطاج و يفحالو غير في الانتقادات الهدامة 🤷🏼♀️🤷🏼♀️🤷🏼♀️ و حكاية النيف و ما نيف، واش دخل النيف في التحواس ؟ كون درك يمدولهم يحوسو في فرنسا كامل يروحو 🤦🏼♀️، صواردك يكرموك روح وين تحب و وين تلقا راحتك.
ملاحظة برك، تونس نعرفها من لي عرفت صلاحي (عندنا العائلة لتم) و هاد les prix لي قالولك عليهم بالاك بكري، درك كتر من هكاك بصح يبقاو أحسن من les prix عندنا في الكراء و les hôtels و les commodités، و في حوايج اخرين تقريبا كيفنا و حوايج زايدين عليهم هوما بعد كتوانسة كيما l’essence.
Yassine SwordFather
نتا عشت تما احكيلهم على الاسعار لي هبلونا بهم الشعب رآه قريب يولي يحرڨ عندهم
انا كنت نخمم في السياحة الداخلية بطلت اسعار خيالية
هوما عندهم ثقافة سياحية حنا السياحة راقدة من نهار زدت بانتلي جامي فطنت
معلومة صغيرة حتى اسعار اكيد بش ترتفع مقارنة بالاعوام قبل كيما اي بلاد حسب ضروف عالمية
personnellement je trouve la Tunisie un pays nul , y a pas des endroit naturelle spécial comme beni belaid , barbijani, cap ivi ,Skikda , et en plus le peuple Tunisien ychouf fik drahem aucun truc gratuit tsa9sih 3la tri9 y9olek 10dinar nedik liha
نقلك القرعة تع الما رهي150دج
ماخليت حتى مناقشة خويا
راك تحدثت على الواقع المرير للاسف
تونس كانت بكري ضرك كلش راه غالي
الشعب يعرف غاع المشاكل لكن الحل مزال ملقيناش دائما نلقو البديل في دول الجوار ستما غادي نقعدو كيما هاك الشعب يحصل في دولة و الدولة نقولك شعب مشي مربي أيا و هي رايحا لكن الفعل مكانش
غير الصباح اليوم مريت علي القرية الرياضية الخاصة بالالعاب البحر الابيض المتوسط خالية على عروشها
طائر مكانش
Said Be dzair khir yak 😆😆
نورمالمو الحكومة انتاعنا تتدخل وتبني شاليهات تكريهم للشعب بمبالغ رمزية هكا الشعب يستفاد والدولة تستفاد ( ادخل دراهم للخزينة)
تونس تقدر تقول الاسعار رخيسة فالكراء لانهم يشجعوا على السياحة
يعني لوكان تاعنا هنا يديروا الكراء معقول السياح راح يصرفوا واش قعدلهم فالاكل إلخ
بصح هنا فالجزائر جميع واحد يدير حاجة لازم يترفه في عامه
يعطيك الصحة اصحاب الفنادق تخمامهم تافه تاع نبيت 10 ب مليون ليلة عندي 10 ملاين و نقصان خدمة تاع نتواياج و نقصان ماكلة و لا نبيت 50 بسومة 500 الف
عندك حق تونس احسن بكثير خاصة للطبقة المتوسطة والي دراهمهم حلال وتاعبين عليهم ويغيضوهم اما الي عندو دراهم بزاف وحرام ومايغيضوهش يقدر يتسوح فالجزاير لانه راح يرمي دراهم كبار مقابل خدمات رديئة وفي احسن الظروف عادية وبالتشناف تاني اما تونس وحتى تركيا صح لازم دراهم كبار وكلش غالي لكن مش خسارة مقابل خدمات تستاهل وسعر المبيت كاين من الغالي حتى للرخيس بزاف على حساب انت واش حاب لكن في الجزاير المبيت غالي بزاف وتلقى الوسخ والتشناف وماكاش نشاطات الفندق شغل مهجور وقديم حتى ديقوتي وغالي من فوق
قرعة ما نص ليترا 7ألاف هنا راك زدت فيها بزاااف مولاي
تقعد غير تونس هذي او ما نروحلهاش سياحة نقعد في بلادي ونحوس فيها او نصرف دراهمي فيها ماشي خسارة نعطي دراهمي الاولاد بلادي
انا واحد من ناس نحب نروح سياحة لتونس و منبقاش في الجزائر
للعلم نسكن في سكيكدة و لبحر قريب ليا لكن نحب نبدل الجو نروح لتونس و منروحش لولاية جزائرية
كلشي في متناول الحميع الشعب يحترم بعضاء كل مرافق سباحة و ترفيه كاين و لي يروح مع العائلة مراحش يحس روحو غريب
عكس هدا في الجزائر
اوكان تتكرا بسعر رمزي يخسرها الشعب
حطي تحتها الف سطر
علاش جزائري برا بلادو يستحفظ على كل شي
وفي الجزائر اي حاجة يخسرها خاصة اسعار رخيسة
علاش لماذا علاه Pourquoi Why
الأسعار لي راك تحكي عليها مكانش منها …تونس اقل كرية ب 350 الف بدراهمنا و زيد اذا بطلت عليهم راحت دراهمك …نحكي عن تجربة …عقلية عندهم اذا الجزائري اسلخوا و اهرب …بلا ماننساو أغلبهم يكروا غير قانوني…بلادنا اجمل بكثير من تونس …تخصها إنعاش السياحة بالأسعار المعقولة و الأمن فقط
شحال تحبو البراني
معلوماتك اكل غالطة حول السياحة فالبلدين
اللي يروح لتونس بيه العرا و المجون بيسك العفايس هاذو ما يلقاهمش هنا و فقط اما حاجة خلاف حنا احسن من تونس بسنوات
مكان لا نيف لا شكبي وين تساعدك روح هذي هي و تونسي اذا ما عجبوش الحال كاين الحلول
صح يفسدها الشعب.
كيما نديرو نحيرو والله حتى تاوعنا ماشي تاع خير باش نكونو واقعيين عليها ربي سلط علينا لغلاء
انت يسمى تروج للسياحة ف تونس؟
انت اديلهم اليورو
وهو يدخلو يدولك المواد الاولية المدعومة
غياب تام للثقافة السياحية في بلادنا…
مازالك في بكري … تونس رجعت غالية التوانسة نفسهم و رجعو ما يديروش عطلة
المتضرر الأكبر من فتح الحدود هي الجزائر … يلحق سبتمبر ندخلو في ازمة غذائية حادة و تهريب العملة بمعنى كلانا فوكس
القرية المتوسطية يكريوها بمبالغ رمزية مي لازم المراقبة اذا كسر حاجة ولا فسدت حاجة لازم يخسرها هاذا هو الحل
تونس بكري…الان تحيا بلادي. كلش متوفر ودو جودة
انا نستعرف بحاجة ثم كي تعود تمشي ولا تشري ولا تحوس ماتسمعش الكلام الفاسد وزيد ناس كامل تقيمك ريسطو ولا قهوة وتحوس بقدرك وزيد لي تعجبك بزااف هي لامان
تونس بكري وقت بن علي يا حسرا 2009 كنا نتمشو برا الريح ما يقيسكش تكون لابس سنسلة ذهب واحد ميتوشيك و منبعد مور الثورة رجعو يسرقو تكون ماشي في أمان الله تلقى زوج فوق موطو يدولك الصاك انت تجبد و هو يجبد هاذي هي و الغلا زاد مقارنة بواش كانت آخر ويارة في 2019 كلش زايد و الكرا وقت الصيف يهبلو اقلهم 60 دينار ليلة و بسيف باش ينقصلك 55 ولا 50
اما عن القرية المتوسطية فكرة مليحة صح بصح ربي يهدينا حنا هكا دايمن فئة تفسد على فئة لا داروها بسعر رمزي والله ما تلقى فيها پريز صالحة
يا خاوتي تونس تا قبل راحت درك ام تحلبو تروح تندم كلش غلا عندهم ونهار كامل وهم يشكيو ويبكيو ويطلبو