#1001help
بدلت مؤخرا من الDesktop إلى Laptop وماعنديش خبرة كبيرة في الحواسيب المحمولة، أنا نمضي وقت كبير وساعات طويلة أمام الحاسوب حبيت نعرف اذا عادي نخلي الشاحن “شارجور” مبرونشي ونخدم بيه ولا نخدم بيه و كي تطيح الباتري نبرونشي و نبقا نخدم عادي واذا كاين اشياء اخرى نقدر نديرها.
Posted in Tech
لي راهم يقولو افصل الباتري الباتري ماتتفصلش لاصقا نيشان
في كل الحالات البطارية عندها عمر وتتعاود
نحيلو لباتري و ركب الشارجور برك اشتعملو شغل desktop
في حال انو البطارية متتنحش
كيفاه نحافظ عليها خلال الاستعمال الجد مكثف
ما تفصل لا باتري لا والو اخدم بيه و هو داخل فالشارجور الpc وحده يفصل الباتري كي يكون يتشارجا و يخدم بالpowersource ديراكت
Gaming laptop wella normal ? Ila gaming n9dr nfidk
اخدم به عادي و هو موصول بالشاحن ، البطاريات الحديثة فيها نظام فصل الكهرباء على الجهاز حال وصولها ل 100% من الشحن ، يعني تبقى تخدم بالكهرباء مباشرة (power source)
و راح تلقى هذي المعلومة مكتوبة في البطارية بحد ذاتها.
العدو الأول لعمر البطارية هو فراغها تحت 10% من طاقتها. يعني ما تخليش الباتري طيح
اخدم عادي مادام الشركة حطت الباتري داخلي يعني اكيد دايرين حساب للناس لي تلعب و لمده طويلة يعني راح يكون فيه فاصل الشحن كي توصل النسبة 100 بالمئة
Charge décharge….لي يقلك نحي الباتري مهبول مديرش عليه
عادي اخدم بيه حاول تشارجيه و تخدم بيه حتى تهبط الباتري و عاود شارجيه ادا تحتمت اخدم بيه و هو يتشارجا وادا قدرت حتى يكمل تقدر تخليه شاعل انا عندو قرن مطفاش 😂 نخدم بيه و نغلقو هكداك بلا منطفيه
Madamo jdid ki yetcharja nahilo chargeur wakhdem ki tih la batterie diro ytcharja normal aya ki ya9dem we tawali la batterie 3iyana twali lazam tkhali chargeur….
نو بلاك تخليه فشارجور وتخدم اخدم بلا باتري ولا خلي يلحق 20 % و خليه يتشارجا امبعد نحيه و اخدم بيه
في الدار اذا عندك اونديلوور .. الاحسن انك تنحي الباطري وتركبي الكابل للابتوب من الاونديلور .
واخدم براحتك
اذا انقطع التيار راح يكون الاونديلور كبطارية مؤقتة تقدر تحفض خدمتك وطفيه
تعليقات على زهر…خليه راكب واخدم ماعليك والوا…ما تنحيش الباتري
استخدام عادي نحيه مشارجور بصح اذا تلعب و كذا ركبو فشارجور باه يخدم لماكس تاعو
كاين ابصيون تخلي الباتري تشارجي حتى ل 60٪ و يتوقف الشحن و بعدها يرجع يخدم بشارجور ديراكت، واكتيفي المود battery life
مكان حتى مشكل charging ic هو يدبر راسو
اخي، دير كونفبغ تاع باتري من البيوس ما تفوتش 80% و خلي الشاحن ديما مرتبط. و اذا حبيت تخدم في يوم ما بالباتري ماتخليهاش طيح تحت 25 او 20%. هكذا الطول عمر الباتري تاعك. لكن انها تفسد معا الوقت تبقى حتمية.
ماتنحي باتري ما والو فوق 40 بالمية اخدم بشارجور عادي
انا روماركيت انو كي نحي الشارحور متخدمش الكارت غرافيك دونك نظن نرمال
تعليقات من سنة 2005 🥲
ياك لابتوب جديد؟ صحا
1- البطارية تضرها كثرة دورات الشحن، يعني تشارجيه و تفرغو و تشارجيه و تفرغو… الخ
2- البطارية كلما ابتعدت عن 50% شحن سواء بالزايد او بالناقص تنضر.. احسن نسبة بين 60% و 40%
اللابتوبات الجدد فيهم لوبسيون تع تتحكم فالبطارية، عندي آزيس ندير البطارية ماتزيدش على 60% و نخدم بالشارجور
يعني البطارية تقعد 60% ماتزيدش و الكهرباء تغذي اللبتوب مباشرة بدون مرور على الباتري
عادي
كاين لابليكاسيو هاذي الباتري تشارجي 60% و تحبس
من الافضل فصل الشاحن أثناء العمل
لان في نظام البطارية اذا كان شحن و تفريغ في نفس الوقت فانها ستتلف بسرعة
ميكرو عندي خمس سنين وانا نبرونشي فيه وبقات الباتري مليحة
لي خدمو داير حساب لكلش ماتعييش راسك
حوس فليزوبييون تاع البيسي ديرو باه لاباتري ماتفوتش 60 ولا 70 % الى رح تخليه مبرونشي
وكي تعود تلعب ولا تخدم حاجة ثقيلة حط تحتو عفسة باه الintake تاع الهواء تاعو ميتغمش
Ida asusu roh l my asus w dir mode vie maximale
حاسوب محمول مهوش كما هاتف اندرويد
من افضل يلحق 100% تنح شارجور و كي يلحق 20% عاود دير شارجور
هاتف اندرويد حتى ويوصل 100% عادي لانو تلقائيا يتبلوكا لاشارج حتى وتشوف بلي راه يتشارجا
نحي الباتري وركب الشارجور و اخدم بيه
يوجد بعض اللابتوبات كي يكونو ڨايمنڨ فيهم خاصيه انك تلغي البطاريه
يعني هي راكبه بصح مراهيش تشحن راك تخدم بالشارجور
حوس فاليوتيوب على حسب نوع لابتوبك
نحي لبطارية تاع لحاسوب واخدم مباشرة بالكابل
الجماعة لي تقول نحي الباتري واخدم راكم غاية ؟
اخدم بيه عادي … وشنو حذاري من السخانة فقط … و ل دير له تبريد … انا من نهار شريته راه خدام و شاعل ما يطفاش و نخدم بيه الثقيل و الالعاب .. الله يبارك ما تحسش بفرق كبير
عادي اغلبية الحواسيب الجدد كي تلحق لاشارج 100 يولي يجيب الطاقة من الشاحن ديراكت مي ساعة على ساعة نحي شاحن واخدم بيه وعاود ركبو مش تخليه توجور 100% على جال عمر البطارية
سقسي سونلغاز اذا ما تقطعش الكهرباء خليه مبرونشي
Yakho ki ytcharga nahi chargeur prcq cycle de vie ta3 batterie yroho f batel w zid yskhn pc ida makach AC w capable ythr9lk kch piece men had skhana
تخدم بيه بزااف نحي باتري و ركب شارجور تاعك و اخدم بيه و كي تحتاج ديبلاصي ولا ركب باتري تاعك
الحواسيب الجديدة تحبس ماتشارجي الباتري كي تكون 100 و تخدم دركت
Normal tweli chgol hiya alimentation
W t3tilou 9dr lhaja hada laptop gamer
و الله ماعلابالي اذا كاينة option باش يولي يمشي بالخيط ديراكت بلا مايشارجي … بصح يخدم و يشارجي راح ينقص من عمر البطارية باينة …
تقدر تقرا على طريقة الحفاظ على عمر battery في هذا website:
https://batteryuniversity.com/
لوكان لازم تشارجيه و تخدم و ماكانش option باش مايمشيش بالbatterie تبانلي نحيها و دير الخيط و كي تكمل حطو يتشارجا
كي تكون في الدار و تخدم بيه نحي البطارية و لسقو في الشارجور و أخدم بيه عادي و كي تعود خارج رجع البطارية و أستعملها عادي
قديمة لعفسة تع نحي لباتري دوك الحواسيب الجديدة تلحق 100 تولي تفوت ديراكت بلا ما تشارجي لباتري
يتعب بزاف المحمول
القعدة تاعو غير مريحة والشاشة تعييك والشارجور يعييك والسخانة تعييك والاداء يعييك
عندي 5 سنسين و الشارجور جامي تنحى منو … والباطري مازال تحكم 4 سوايع
بالنسبة لـ mac وحسب ما شفت support تاعهم قالك تخليه مبرونشي نورمال مايأثرش عليه
Gla3 Battery W Khdam Direct
لي راهم يقولو لو نحي باتري! علاه مازال كاين بيسيات تتنحى باتري تاعهم🤔🤔
خليه مبرونشي و لاشارج توجور 100 رانا فالدزاير و عندنا شواكر في سونلغاز ما يشاوروش كي يكوپو التريسيتي ،✌️