#1001help
سلام عليكم
عندي كليماتيزور delonghi 12000
كي بدا صيف كان حابس جبتلو تيكنيسيان لقا فيش وحدة تاع كومبريسور عيانا بدلها ولا يمشي
موراها ب 10 ايام طفا ديجونكتور و كلما نشعل كليم موراها ب 3 دقائق يسوطي ديجونكتور
فتحتو و نحيتلو لي فيش تع كوبريسور ولا يخدم غير فونتيلاتور و متحبسش
واحد قالي كومبريسور تحرق
كاش واحد يقدر يعطيني فكرة و بارك الله فيكم
Posted in Tech
اما ديجونكتار ميحملش الضغط ولا تريستي ناقصة
شوف ممكن يكونو اسلاك الكهرباء داخل الكومبريسور يتوشو كاش تيو انتع انحاس ولا حاجة.
شفت هذا الحالة بعيني.
افتحو و شوف. و اذا لقيتهم متوشيين غلفهم بالشرططو و بعدهم باش مايتوشوش
الكومبريسور هو لي يدير الكورسيركوي ويسوطي الديجونكتور
Chouf nmedlk 3efsa bh ta3ref ida court sercuit wela surcharge 3la dijoncteur nehi climatiseur m la prise ou cha3el dijoncteur ida tfa ma3netha rahi surcharge brk lzm tl3 Lampirage ta3 dijoncteur ou ida matfach dejenteur hna ma3netha 3endk court sercuit
خويا مدام نحتي كبلاج تاع كومبيرسور و مطيحش ديجونكتور تسما خويا كومبيرسور محروق خويا متكسرش رلسك خويا ليبورن تاع كومبيرسور او بوبيناج تلقاه يماصي في بعضاه اخي لاسف ما عندوا حتى حل و خدمتوا تاعوا تسقام 3 ملايين انا ننصحك شوف واحد يبيعلك وحدة خارجية تكون على قدرة على قوة كليماتيزور يعني لوكا 12 لازم تفكر 12 مشي 9 و مشي 18 و تصلح انشاء الله
صرالي نفس المشكل.. الكومبر يسور لي يتباعو وحدهم تاع لاشين أغلبيتهم ما يصدقوش..
من الأفضل تشري اينيتي تاع برا وحدها مام قديمة معليش..او ماشي لازم لامام مارك..