#1001help
السلام عليكم خاوتي،
ان شاء الله راني رايح رحلة إلى ماليزيا أواخر شهر أوت و بدون رفيق مادابيا أهل الخبرة يجاوبوني على بعض التساؤلات:
1- هل شراء التذكرة من وكالات السياحة أفضل او من المواقع الإلكترونية و واش هي المواقع اللي تنصحوني بيها مع العلم راني لقيت الخطوط السعودية تقدم احسن سعر حاليا ~650 $
2- على حساب وش شفت هنا او بعد البحث راني خيرت نجوز 6 أيام ف كوالالامبور او 4 أيام في Langkawi Island. اسكو هذا البروڨرام مليح ول كاين بلايص اخرين ملاح؟
3- واش هوما أفضل الفنادق من حيث السعر و المرافق في كوالالامبور او Langkawi ؟
4- اخيرا و هو الحاجز الأكبر 😅 اسكو فالمطار مزيرينها مع اللي مش مسويين الوضعية 🪖مع العلم راني خدام او مديكلاري؟
بارك الله فيكم.
1- مايهمش منين تشري المهم تشري تذكرة رخيصة وخلاص .
2- 4 ايام في Langkawi بزاف قادر يومين ولا 3 ايام تكفيك، وموراها اشري تذكرة تاع بابور وروح ل penang تانيك مليحة جوز فيها يومين او 3 هايلة. واذا عندك الوقت زيد روح ل perhentian islands.
3- اذا كنت وحدك اخطيك من الفنادق شوف لي هوستل في booking واكري ديراكت باسكو جايين انتيك ونقيين حوس برك مليح.
الخطوط السعودية توفر أفضل الأسعار لكن الحمولة ماتفوتش 23 كغ و كابا وحدة بالنسبة للفنادق راهي معمرة خير على حساب جيبك و ننصحك بتطبيق cozycozy يعطيك أفضل سعر و واش من تطبيق.. بالنسبة لتطبيق الطيران اخدم ب Skyscanner
بالنسبة للخدمة الوطنية اذا ماخرجلكش bulletin de recherche تسما راك مليح تفوت عادي