#1001info
السلام عليكم
لما إنسان مسكين ما يعرفش يستفسر في المجموعة يقول ديت جهازي للريباراتور علاجال الويندوز و قلي راح يطول ما ينوضش البعض منكم اللي جامي خدم بميكرو آخر غير نتاعو يكتب الردود السخيفة و التهم الباطلة راه يسرق فيك و يكذب عليك و ويندوز في نصف ساعة و لا راه غلا عليك و …. ،
قبل ما نبدا راني نقدم في صورة على الواقع مش نشكي
اللي في الصور عينة من الأجهزة اللي رانا نتعاملو معاها يوميا و للأسف و بدون مبالغة نسبة 70 بالمئة من الأجهزة التي تدخل تكون من هذي الفئة سواء دسكتوب أو لابتوب ، أجهزة عمرها أكثر من 12 سنة ( تفرح لما يدخلك جهاز حديث )ضعيفة و مليئة بالمشاكل اللي ديرلك السكر و الضغط و المشكل أصحابها يقلك محتاجة ويندوز فقط و فوقها يحوسو على ويندوز 10 منبعد تلقا دوامة من المشاكل التي لا تنتهي هارديسك طايب رامات تالفة باورسبلاي مستهلكة و ….. و منبعد تلقا تعليق غبي يقلك ويندوز في نصف ساعة ، و المشكل الصور ليست من منطقة نائية أو فقيرة بل من قلب ولاية من ولايات الوطن ، للأسف هذا حال التقنية و التكنولوجيا في بلادنا ، طبعا ما نقدرش نلوم كثير من أصحابها لأنو مش قادرين لكن البعض قادر و مش باغي و فوقها يحوس يصلح بالقليل و نزيدكم من الشعر بيت ، بعض المكاتب و مكاتب الدراسات يخدمو مشاريع ضخمة و مازالو يملكو أجهزة مثل هذي و يتعمدو العمل بإصدارات قديمة من البرامج باش ما يصرفوش .
لوكان نوريلك تصويرو تاع لابطوب فيه عش تاع ڨرلو ما تأمنش عقلك
bla mananssou shab 3awadli windows bassah matagla3liche les logiciels nasha9ahom.
Mohammed Tayeb علاش تديلو بيسي تاعنا راو يفضح فينا
انت ياخي تسقسيه على حالة البيسي وتجربو قبل ما تديرلو اي حاجة انا نخدم هكا واذا قالي لباس بيه نحكم نيمرو تع سيد نجرب قدامو ولا نعيطلو
و هو كي يجيبولك، يقلك اخدمو ماشي رايي عليا :/
شعب نسبة الفرد السالب تفوقت علي الموجب …للأسف الاسيف هذا حال الدول المستعمرة وكما يقول المثل : ماشك السفيه الا مافيه
كاين ناس معلوماتو ناقسة فلانفورماتيك و يسمع لواحد مايعرفش و يكذبك نتا ، كيما حكاية دونتيفريس فبروسيسور ، و كي تقولو الجهاز تاعك قديم يقلك بسيف ديرلي ويندوز 10
اوافقك الرأي اخي وما أكثرهم تدفن كراع ايبانلك كراع 🧐🧐
زميل 😎😎
عادي هذا الامر كل يوم نشوفوه عظدنا في المحل مي كاين بعض الزبائن تتفهم و اخرين ارواح انت و فهمو بلي نظام xp حبس مايمشيش 🤣🤣🤣🤣
ربي يحفظك
نعم كلامك كامل صحيح للاسف
كاين عدة للويندوز 10 وهي توزيعات لينكس التي لا تستهلك موارد كثيرة مثل توزيعة lubuntu و mint و pearl
كي تلقاه مش صالح اتصل وخبروا مش تخليه يستنى اسبوع، وإذا ضعيف خبروا بلي يقدر يحط وينداز ٧ ولا إكس بي، إذا باور سبلاي ولا رام راحت خبر الزبون مش تحكملوا رزقوا مدة طويلة بلا فايدة!
ايا زيد
فتحت بيسي غيرما معمر بلقرلو سيد حاب يشعلو و يدير ويندوز 10 😵
انا هذو البنتيوم مانحكمهش عليهم نقلهم مانخدمهمش اولا تلقاه معمر غبرة لداخل غير باش تحل وتسوفليه نورمالمو يخلصك وزيد لماتريال طايب كما قلت انت وكي تقلو لازملك كذا وكذا وكذا يقلك فورماتيه برك هههه
يبان نظيف… كاين لي يجيبو معمر غبار مصوّف… الهواء لداخل ماعندوش وين يسركل
السلام عليكم لي اهل الاختصاص عنذي بيسي بورتابل شحال ماشعلتوش كيما جيت نشعلو محبش واش المشكل
التكنلوجيا مزال مادخلت لدزاير
Sehnoun
Hak
وضعت صبعك على الجرح 👌
ما علابالهم بوالوا الاطفال تاع درك
خطرا نهار كامل وانا مع خردة ماصلحش … راح نهار في باطل
هذا السبب الأول علاش أنا حبست التصليح.
أنا تيليفوني صرا فيه مشكل بعد تحديث السوفتوير لي نروح ليه يقولي جامي شفت حاجة كيما هكا وجربنا كامل الطرق والو
مادامني ماللول عارفة بلي الشي هذا نادر جدا فالجزائر مقدرتش نتهمهم باللامهنية ولا قلة المعرفة لانه صح الله غالب عليهم
للاسف الشديد