#1001info
عندي مدة ملي حطيت منشور على اكبر عيب ف galaxy s21 ultra
لقيت بزاف ناس واجهو نفس مشكل خصوصا في نسخة exynos
ارواح نزيدلك واحد العيب واحد ميقولك عليه ف galaxy s21 ulra
– باش نختصرلك ديركت بلا ما نتفلسف :
انا بلاصة لي راني قاعد فيها ضوكا سييت فيها شحال من تيليفون من جميع شركات نضل نبدل تيليفونات بين خمس شهور
المفيد ريزو تع جازي جامي كان يديڤرادي من الجيل الرابع للجيل ثالث غير ف s21 ultra حتا طلعتلو تطبيق 4g switcher
صراحة تطبيق هذا مكنتش نعرفو حتا شريت الصامصونغ
وتطبيق هذا فيه سلبيات نتع ميقدروش يعيطولك بصح نتا تقدر تفعلها على بيس وحدة تع كونكصيو وتخلي بيس لوخرة باش يعيطولك بيها
بصح اذا كان صامصونغ تاعك نسخة امريكية صنابدراغون يعني لي فيه بيس وحدة كلاك بوبي هه …
مع العلم النسخة لي كانت عندي اوربية لي فيه CE ف ضهر ..
Posted in Tech
Sïđ ÅLï
Lte only
راني عايش بيها تشعلها وتطفيها كيما تحب
نضن منشور نتاع الأخ مافيهش حاجة تضحك .بالعكس لأخذ العلم من التجربة نتاعه .
عطاك معلومات مبنية على تجربة شخصية للهاتف لمدة معينة كان كاسبه فيها.
مشكور أخي الكريم .
كلاك بوبي
وشي افضل شركة هواتف جربتها مليحة في الشبكة
وشي هي افضل شركة جربتها مليحة في قيمة الهاتف مقابل السعر
Samsung bantli 3ndhem heda mchkl te3 réseau meme ki kan 3ndi S8 kount nsouffrer bih ki bdelt iPhone 11 far9 kbir
افضل شركة من حيث قوة الشبكة أوبو .. هي و الهواوي .. مزال ما شفتش شركة افضل من هادو زوج .
حتى فالفئات المتوسطة تاعهم و توب .. بلا ما نروحو للفلاڨشيب
هدا تلفون مشي pc نتا حابو مايطفاش ، جهاد قوي مش معناه ان بطارية لازم تكون كبيرة
كانت عندي كندية ببيس وحدة نعاني من موبليس اما جيزي جامي تهبط 😅
السامسونج خردة من ناحية الشبكة
افضلهم هواوي / وانبلس و الشاومي
راه عندي سامسونج s21 plus
اوريدو غولد ديما 3G
جربت شاومي 11t بنفس الشريحة و نفس المكان، كونيكسيون طيارة و ديما 4G+
ديرلنا كابتير على تطبيق بسك لقيت بزاف
نفس المشكل واجهته و البطارية كانت اكبر عيب
بالاك النسخة لي عندك هندية برك ، لخاطر مشكل الشبكة هذا يوقع غير فالنسخ الهندية ، ديجا النسخ الهندية تلقاها مكتوبة فالعلبة بالإنجليزية بلي يشتغل مع شرائح سيم الهندية فقط 👌 اما النسخ العالمية و الفيتنامية و باقي النسخ كل تتوافق مع شرائح سيم تاعنا نورمال ✅️
شكون لي مليح سنابدراڤون ولا إيڤزينوص
صامصونغ
للتدقيق فقط علامة CE معناها conformité européenne . يعني أي منتح متوافق مع المعايير الاوربية توضع عليه علامة CE . يعني مش شرط راه منتوج اوربي
راني في برج. باجي مختار كنا نخرجو ميسيو برا ولا واحد يحكم ريزو الا واحد عندو هواوي y9s يعيط نورمال
اودي الاخطاء التقنية تتعدل من تحديث لتحديث مديرش عليها … شوف الاخطاء الي مش رح تتصصح وتبقى عيب على اداء الهاتف وزيد ميزة لي تخلي 4g فيكسي بلا تطبيق تقدر ديرها في اي تيليفون
Lah ghaleb hada houwa l problem ta3 exynos 3ayen f standby w iconsomi bzf la batterie même one UI 4.1 machi bien optimisé côté batterie, nstenaw one UI 5 nchalah irigliw l problem hada
Abderraouf Smili hhhhh s21 ze3ma , khourda
Fouad Hamadene 🤔🤔🤔🤔
أنا عندي galaxy note 20 ultra
هاتف أقل ما يقال عنه روووووعة في كل شيء أداء و تصميم و كل شيء
عندي اصدقاء عندهم S21 ultra ماعندهم حتى مشكل من ناحية الشبكة او البطارية. و يلعبو معايا call of duty mobile و روووووعة
اذن الهاتف لي عندك فيه مشكل و ليس باقي الهواتف S21 ultra
بالاك غير ثيليفونك هكذا. انا عندي جامي لقيت مشكل سواء في البطارية ولا ريزو.
حبيت برك نقولك بلي جيزي راه فيها هد المشكل تاع ديڤرادي من الجيل الرابع للثالث او تعاود تولي.. كاين مشكل من عند الشركة… شخصيا راهي مبلتني هد اليامات..
كان عندي هادا المشكل وبتحديث امني فقط حل المشكل
Samsung معروفة تنقص الاشعاعات تاع ويفي و ريزو علاجال صحة الإنسان