#1001info
السلام عليكم ، لاحظت بزاف ناس ما يعرفوش يديرو طلب البطاقة الذهبية وخاصة كبار السن أو الناس الغير مهتمة بهاد المجال ، راح نعطيلكم شرح عن الطريقة كيفاش تكون :
1- تستخرج إستمارة طلب الرقم السري ولي راح تلقاها بمجرد تدخل لموقع بريد الجزائر eccp.poste.dz
الاستمارة عبارة عن معلومات بسيطة من بطاقة التعريف و رقم الهاتف ورقم الحساب الجاري ترفقها بنسخة من بطاقة التعريف الوطنية وتدفعها في مكتب البريد القريب ليك (تقدر تروح لمقهى الأنترنت و تطلب الورقة او هو يتكلف بيها ويعمرهالك كيما تحب)
2- مكتب البريد راح يمدلك مباشرة ورقة صغيرة فيها رمز سري مكون من 4 أرقام احتفظ بيها
3- تدخل لنفس الموقع وتسجل الدخول بـ رقم الحساب الجاري وكلمة السر (نفس الشيء تقدر تروح لمقهى الأنترنت وتقدر تتكفل بيها وحدك )
4- اول خطوة راح يطلب منك تغير كلمة السر من أرقام إلى (أرقام وحروف) هنا لي عليك أنك تحتفظ بالرمز السري القديم (4 أرقام) وتزيد تحتفظ بكلمة السر الجديدة وهكدا تكون دخلت للموقع بالحساب تاعك
5- الموقع فيه بزاف مزايا منها طلب البطاقة الذهبية – تفعيل خدمة الرسائل – الاطلاع على الرصيد – دفع الفواتير ..الخ
6- تروح لخانة البطاقة الذهبية وراح يطلب منك رقم الهاتف و تأكدو عبر رسالة قصيرة فيها رمز التأكيد
ثم تملأ معلومات بسيطة مثل بريد البلدية تاعك ورقم بطاقة التعريف او التعريف الوطني , وراح يطلب منك تاني سؤال سري حاول تختار هاد العبارة (كيف كان أصدقاؤك يلقبونك في صغرك) والاجابة دير الاسم تاعك هادي أسهل طريقة باش تحتفظ بالجواب السري أو كما شئت
8- بعد التأكيد تطبع الطلب هداك لي هو عبارة عن ملف pdf
9- بعد أيام تصلك رسالة تفيد أن بطاقتك موجودة على مستوى مكتب البريد
10- تروح للمكتب تعطيلهم الطلب لي طبعتو مع بطاقة التعريف يعطوهالك ، وفي بعض الأحيان ساعي البريد يلحقهالك للمنزل.
11- كاين أيضا طلب بطاقة ذهبية premium لي تلحق في يومين على ما أعتقد و يتم اقتطاع مبلغ 1200دج من حسابك (هادي ديرها اذا كنت مزروب بالبطاقة) ولازم يكون عندك بطاقة بيومترية
12- البطاقة راح تجدد بطريقة اوتوماتيكية كل عامين.
ما فائدة البطاقة الذهبية ؟
( هذا سؤال وليس سخرية)
Ramy Lounici Ayoub Hacene at3lmo kifch