#1001info
🔴👈تطبيق مفيد ممكن كاين لي يعرفو ، الفايدة تاعو كبيرة يا ناس خاصة لا قدر الله سرقولك التيليفون ، ببساطة الفكرة تاعو هو يصورلك أي واحد يحاول يفتح التيليفون تاعك و يغلط في كلمة السر ولا الشيما ولا حتى البصمة و عدد المحاولات نتا لي تحددهم ابتداءا من محاولة وحدة ، ثاني ميزة هي الصور لي يصورهم باستعمال كاميرا السالفي راح يخليهم داخل التطبيق و يبعثلك نسخة منهم في الإيمايل تاعك و تقدر تشوف وجه الشخص لي حاول يفتحلك تيليفونك مثلا و نتا حاطو يتشارجا ولا اي واحد سرقلك تيليفون .. و ثالث ميزة في حالة السرقة راح يعطيك معلومات المكان لي راه فيه التيليفون عبر تقنية localisation .
التطبيق راه متوفر في Play Store تحت اسم CrookCatcher بحجم جد صغير 4MB فقط .
Posted in Tech
حلبوتو كامل سراقة…لي ما كانش يعرف و يولي يدير حساباتو 🤔
يمشي خطرة زوج ويحبس واصلا يمشي بدراهم ميمشيش بلاش جربو تعرف
ماحبش يقبلي الايمايل مافهمتش!! 🥺🥺
وكيفاش حكيتها هاذي؟
اذا طلعته متنجمش تحذفو اسواء ما فيه انك توفق علي ذخول للكميرا
مام السراق راه استفاد من المنشور هذا
Amjad Cheriet
حصلت في هذي كش وحد يقولنا كيفاه
لازم كونكسيو باش يمشي
ويناه خير هذا ولا crookcatcher
في رادمي كفاش ندير ميقدر حتا واحد يطفي ليدوني الا اذا حل الشيما! !
Pa Blo
Rania Zaoui
كيفاه يتحذف ذركا يا الشكب
نصيحة من واحد سرقولو تيليفون من قبل, أخطيك هذا مش حل لأن اول حاجة يديرها لي يسرق تيليفون هي يفورماطيه ولا يفلاشيه من جديد يعني تطبيق كيما هذا مش رايح يفيد و زيد باش باش يعطيك الموقع لازم يكون يكون عندك انترنت في الهاتف و لي دوني ديما شاعلين و حتى ال gps. حتى انا كنت داير تطبيق كيما هك الوقت هذاك كي سرقوه و مفادني في والو. بعد مدة كي لقاوه و رجعوهولي لقيت السيد هدا لي سرقو دارلو فلاش جديد كامل
صح تطبيق شباب ملي طلعتو وانا نشوف غير في تصاور تاع بنتي هههه
ما حبش يتربط بالإيمايل كاش حل !؟
لقد انقذتني. شكرا لك كنت اسرق الهواتف واحاول فتحها. الان سوف اتأكد من نزع. شريحة قبل المحاولة
سراق راك وريتلو كفاه يتفدا التصوير .. سيتم حذف تطبيق بعد حرقه
Yacine Has
Gps يكون شاعل ؟
كل هادا يمشي بالانترنت . لو السارق ينحي شريحة كفاه دير كمل الخطوات
المهم محبش يمشي لي مكاش وحدوخر
جربتو امس يبعثلك الصورة للايمايل
رح تلقى غير تصاور تاع مرتك وهي تحاول تفك شيفرة التيليفون كي تخلبه يشارجي
زيد معاها ايمايل
توسوستلو يدوموندي معلومات شخصية والايميل 🤦
علاه مقلتش بلي لازم تكون مفعل ليدوني و لوكاليزاسيو 🙂
ويبعتلك التصوار للإيميل عن طريق الطاقة الشمسية ؟ ياك لازملك أنترنت ؟ تسمى مادرنا والوا وزيد محبش يتنحى ومعنده حتى فائدة غير فالدار يساعدك تشوف شكون كان يقرعجلك على التيليفون.
Amel Ai
عندي سؤال..في حالة اغلاق الهاتف اسكو ببعثلك صورة و localisation؟ و اذا نعم اسكو لازم تكون ماكتيفي localisation في تليفونك ديجا ولا راح ياكتيفيها التطبيق وحدو و يستعمل البيانات الخاصة بيها؟
المشكل راه يمشي بالانترنت
تعود مطفي ليدو وني كلاك بووووبي
و انا لي عندي كاميرا pop up تخرج قدامو بلعقل و يفيقلها و يدڨدڨ التيليفون يهرسو زين و يرميه
بصح لازم تكون ماكتيفي ليدوني ،ولازم تكون عندك كونكسيون في الوقت لي يتسرق 💔
هنا كيفاش تمشي ؟
اللصوص اصبحوا محترفين قبل مايبدأ يخرب في الهاتف يغطي الكميرا ويبدا يخرب كيما يحب
الإيمايل تاعي تعبى بتصاوري كي نغلط 😂😂
Laouar Chihab
Grine Heitem Rämî GRMouhamed Louahem