#1001info
موبيليس وبيع الارقام القديمة
صرالي مشكل البارح معا 3 نتاع ليل كنت نحكي معا صاحبي لي راحتلو لبيس نتاعو ايا يجي شخص مجهول ويبدا يحكي معايا بالفيس بوك نتاع صاحبي كي سقسيتو كيفاش بيراطاه قالي شريت نيميرو جديد لقيت فيه لبيس وقالي مانيش مرجعولو حتا تشحنلي خري خاير 😂
وبدا يحكي معا العايلة فالفيس ويدخل في صوالح خصوصية والله غير نضنا معا 4 نتاع صباح نديكلارو عتد لابوليس لانو بدل المودباص و الايمايل وكلش معناها مكانش كيفاش ترجعو
وش الحل مع هذه الشركة لي راهي تستهزء بالزبائن نتاعها بزاف كاين ناس فاتحة كونت البنك بالنيميرو نتاعها
Posted in Tech
ماشي الشركة لي تستهزا 😒 قبل ما تبدل الرقم بدله فالتطبيقات
الخطأ فالناس تاني كل شهر يشري نميرو على جال رخيسة و العروض لي فيها
مشكل ماشي فالشركة …ماشي من اختصاصهوم ينبهوك تنحي رقمك من الفيس او من تطبيق آخر هادي مسؤوليتك نتا قبل ماتبدل رقم لازم تنحيه من كامل التطبيقات هذا المشاكل ناتجة عن استهزاء الناس
انا شريت العام الي فات اوريدو و طحت في رقم قديم لوحدة خلا ة على الميكسور كل دقيقة يعيطلي واحد يحوس على فلانة هذي ايا مرة تنارفيت عيط واحد و قتلو اوووه كل مرة واش من راجل يعيط ياك قتلك رقم غالط السيد ظهر راجلها و راهم فالصلح باش ما يطلقوش المهم و صدفة فتحت الفايسبوك تاعها لقيت لعجب بدلتلها الموتباص ههه خليها تتربى شوية و تحبس تخلاط. حتى بدلت الرقم عام و انا نسوفري تهنيت من لبنى الخلاطة
ماشي غير موبيليس انا صراتلي مع اوريدو باعو نومرو تاعي و كيعيطت ل نومرو تاعي باش نريكيبيري انستقرام لقيتو من سكيكدة سبني و قالي مانمدش الكود
مام جيزي صراتلي معاها بيس مال 2003 داوهالي شحال غاضتني ودخل واحد للفايس بوك تاعي وبدل المودباس وبد ايخلط حتى قالو نشتكي بيك
أنا شريت أريدو ومبعد قلت والله نفتح نشوف الفيسبوك لي فاتحين بيه لقيتو فايسبوك ليا قديم عندو شي 8سنوات وتفكرت أني كسبت أريدو قبل ثمان سنوات وبصدفة بعد 8 سنين لقيتو نفس الرقم ولقيت فايسبوكي قديم وهادرة بيه مع صحاباتي والعائلة قلت سبحان الله هاذي الحاجة تصرا بنسبة قليييييييلة جدّا وهذا إذا صرات من أصلو..
وقلت سبحان الله ربَّ دعاء نحسبه هين وهو عظيم فأنا من بين الأدعية لي لازمتها من صغري اللهم استرني فوق الارض وتحت الأرض ويوم العرض والحمد لله ربّي ديما ناعم عليّ بستره.
صراتلي مع موبيليس و مع أوريدو
بدلو الرقم وينتهي الاشكاال..علاه تخلو لي كونت بالرقم الي يتغلق!
رقم الهاتف يعتبر هوية لك
يعني ماشي كلما تشوف عرض فيه الهدرة باطل تروح تشري بيس
لازم تحافظ على رقمك الخاص .
كي تبدل الرقم اول حاجة ديرها بدل الرقم فالفيس هذا مكان وحتى من الايمايل
والله كارثة ختي غرما شرات نميرو جديد كي جات تفتح صابت تاع مرأة متزوجة او باعثة تصورها بلا خمار مع راجلها ولادها ولينا نحينا فايس بوك هذاك انا على جال هذي منحبش نبدل نميرو
Matzidoch tchro mobilis aprs yfhmo ro7hom
الشركة ليس لها أي دخل بهته الأمور الرقم رقمك و انت حر في استخدامه و ادراجه في أي موقع و الشريحة لها مدة صلاحية معينة عند عدم استعمالها تلغى تلقائيا
الحل مجرد غلق أو بيع الشريحة اللي فاتح بيها تدخل للاعدادات الحساب وتغير رقم الهاتف الجديد
موبيليس مكان ما دخلها راك مسنيي كونطرة معاها كي تفوت ثلاثة اشهر دون استعمال الشريحة تغلقها و تبيع نميرو. لي بدل نميرو تاعو يروح يبدلو في الفيسبوك ولا اي تطبيق فاتحو برقم تاعك هذا مكان لمشكل راه في صاحب الرقم ماشي متعاملين
نتا دير حسابك قبل ماتبدل لابيس تاعك يكون عندك ايميل مسجلو ول بدل النيميرو القديم بجديد وقيسها
من بكري الفايسبوك يربطوه ب الايميل
حتى أووريدو …..الرقم مزالني نخدم بيه و يريبوندي راجل كي يعيطولي !
المشكل ماشي في موبيليس انا شريت دجيزي ونفس المشكل لقيتو مربوط ب 3 كونط فايسبوك
كيما صراتلي انا مع موبيليس ولا يبعتو لي انفيتاسيون بالفايسبوك تاعي
انا لبيس لي عندي كل ما يغلقوها نروح عندهم نعاود نرجعها ولفتها 😅 نشاالله ما نبدلهاش
الجزائر الجديدة 🙃
غير فهاد لبلاد اللي تشرب نيميرو يروحلك ياخي حالة ياخي
انا كانت عندي بيس جيزي عشر سنين و مبعد قفلوهالي ،
بدلت كلش ، بقالي كونت بايبال ما لقيتش مودباس تاعو
ايا عيطت لقيت السيد لي شراها قتلو شوف ا خويا ضرك يدخلك كود ابعتهولير، قالي تاعواش هذا تاع فيس بوك ! قتلو ابعتهولي برك و مبعد نفهمك ، بعتهولي و بلوكيتو خلاص
و صحباتي ديما يعيطولو ، ولى يقلهم اني عندي رقمها الحديد اذا تحبو نمدهولكم 😂
و انا من الشرق و هو من الغرب
المشكل مشي في الشركة المشكل فيكم انتم تسنيو على عقد ما علابالكمش كامل واش فيه
راك مسنيي على عقد يقولك كي ما تحكيش بالشريحة لمدة 3 اشهر تتقفل و بعد ما تتقفل عندك 3 اشهر باش تعاود تشري رقمك اذا ما شريتوش يدخل في قائمة الارقام لي تتباع
فهمت المشكل وين صاحبك رقم تاعو نساه فايت 6 اشهر ما خدمش بيه و بغيت يخلوهلو؟ واش هي فائدة الشركة هكا!
عندهم شوية نوامر رهم يدورو فيهم علينا كيما السيارات
كاين حل تواصل معاي إذا عندك تلفون لي كان فاتح فيه الكونط
المشكل في الشخص لي يغير الأرقام كي التقاشر و ليس في شركة موبيليس او اوريدو
هذي علاه عندي شهر نجري ونطيح شعرة باعوهالي ومفتوح بيها فيس وكارت مانيتيك ومدفوع بيه قداه من دوسي مش عفسة يبيعو نميرو شخصي
موبيليس وش دخلها ؟
صحيح اصبح اي شخص يشتري رقم جديد يذهب لوسائل التواصل و يسترجع الحسابات
ماشي غير موبيليس. اوريدو و جيزي ثاني. صرالي نفس البروبلام و ما قدرتش نرجع الكونت تاعي بسبة النيميرو تاعي تباع 3 خطرات من ورايا 🤷🏻♂️
كي يتبدل نميرو نتاعك ولا يحبسوهلك روح بدلو من اعدادات الفايسبوك باش ما طيحش في المشكل هذا يعني راهم عمدو
وي صراتلي جيت نفتح الفايس لقيت مودباص تبدل ايا عيطت فالرقم لقيت راجل مزية ولد حلال مدلي المود باص بدلت الرقم ورجعت اافايس ديالي ربي يحفظو
Youna Nessma
0699999999
كاين ادا لعدد من ارقام كثر من سكان لعالم كامل حرت عله يعاود نيمرو🙂
ياك تع دولة باينة عيانة
ماشي غير موبيليس. اوريدو و جيزي ثاني. صرالي نفس البروبلام و ما قدرتش نرجع الكونت تاعي بسبة النيميرو
وهدا الرقم الي تشريه حاسبينو قطعة أرض وتتورث؟؟؟ ما بقاش يخدم بيه ومش قاعد يفليكسي فيه تفوت عليه المدة المحددة الي يبعتهالو خلاص يتباع والسيد الي يشريه يولي تاعو مش تاع صاحبك يا الأخ