#1001info
كاين بزاف تساؤلات وبزاف وأخطاء بزاف فتعليقات في مايخص بريدي موب ورايح نجاوبكم عليهم ان شاء الله كامل فهاد المنشور
#اولا : الارسال من بريدي موب لبريدي موب
ترسل اي مبلغ في اي وقت تحب يوصلك فلحين ويضهر فتطبيق وادا قالك شخص راني بعتلك ومضهرتش هدا يعني انو مبعتلكش
ولكن لكان تبعت فليل من 9 تاع لعشية حت 4 تاع صباح رايح يضهر المبلغ فتطبيق ولكن كي يطلع نهار رايح تلقا الاموال تاعك اختفت ورجعو بناقس ولكن عادي بعد 48 ساعة او 72 ساعة يرجعو صواردك كما راهم حت وميضهروش تقدر تبعت 1 دينار ويتحدث الرصيد
#ثانيا : العمولة
كاين لي يقول مكاش عمولة كتبعت ولكن هدا خطأ علاه لانو بعدما يبعتو لشخص ويبعتو الوصل للجمايل تضهرلهم تم بلي العمولة 0 وهدا خطأ
لانو العمولة اقل شئ 12 دج يعني حت وتبعت 1 دج يدولك 12 دج ولكن متبانش حت تفوت 24 ساعة
#ثالثا : الاشتراك
الاشتراك في بريدي موب مجاني حت العمولة شهرية 50 دج ونحاوها اما البطاقة دهبية 300 دج (30 الف ) في العام
#رابعا ادا ماتت دهبية نقدر ندخل لبريدي موب اولا
الدهبية متموتش وانما تنتهي صلاحية البطاقة فقط يعني بعدما تنتهي مدة الصلاحية لجديدة راهي لحقت للبوسطة
كفاه دير باه تدخل لبريدي موب وهي انتهت صلاحيتها
مثلا البطاقة تاعك 12/22. تزيدها عامين 12/24 وتحط نفس الارقام
#خامسا السحب بدون بطاقة
تقدر تسحب 2 ملاين فنهار والعمولة هي 80 دج
#سادسا الارسال لشخص معندوش بريدي موب
اي شخص عندو البطاقة الدهبية اوتوماتيكيا راه عندو بريدي موب وتقدر تبعتلو عادي عن طريق rip
#سابعا الارسال من المحول او البريد
تقدر تبعت من المحول لاي شخص عن طريق rip حت ولم يكن يمتلك الدهبية ونوصل فلحين وفي اي وقت ولكن لن تضهر في بريدي موب الا بعد ارسال 1 دج لتحدث الرصيد
ونفش الشئ من البريد عند الارسال لن تضهر المعاملة الا بعد ارسال 1 دج
#ثامنا السقف اليومي للارسال 20 مليون يوميا و 2 مليون سحب بدون بطاقة
وحت سحب عن طريق البطاقة 5 ملاين
منشور طويل نوعا ما ولكن كل تساؤلات بريدي موب تمت الاجابة عليها شكرا لكم
ولي عندو تساؤل يتفضل للتعليقات
ملاحضة اخيرة نسييت مدكرتهاش فسحب
لنفترض عندك 3 ملاين فلكونط وروحت مباشرة هزيت 3 ملاين ومخليتش حق العمولة فهادي الحالة يديرولك بروسي ب 30 الف
ونفس شي ادا معندكش رصيد ورحت هزيت بلبطاقة رايح يدولك
