#1001info
بالحديث مرة اخرى عن شريحة البطاقة البيومترية
و بعد ما عرفنا بلي راهي تشتغل نورمال و فيها المعلومات
الشخصية تاع صاحب البطاقة
يعني قادر يديرولها تحديث او تطوير
و يزيدو فيها معلومات اخرى مثل المعلومات الطبية
و السجل الطبي و تاريخ الحالة
باه نتهناو من كثرة الاوراق و ضياعها و النسيان و المشاكل
الناتجة عن ذلك.
الفكرة هذي يقدرو يطبقوها تاع المؤسسات الناشئة
انو يخدمو بطاقة اخرى فيها معلومات طبية
او يطورو بطاقة التعريف الوطني البيومترية
لهنا يتطرح سؤال : الشريحة شغالة لكن الاجهزة لي تقراها
مكانش بسبب عقلية الكهول و الفوطوكوبي… الخ
السؤال هذا يقودنا لفكرة مؤسسة ناشئة اخرى
و لي هي انو يخدمو اجهزة تقرا هذيك الشريحة
كما هو موضح في الصورة
اذا عندكم افكار اخرى شاركونا بها فالتعليقات.
Posted in Tech
من المبادئ الاساسية اللي تحققها الرقمنة هي الشفافية وهذ المبدأ مايعجبش شي ناس فالدزاير او خلينا نقولو عامة الشعب خاطر كي يكون عندك الارقام تقدر تحاسب الكبير اللي سرق مليار والصغير اللي سرق قفة رمضان و هذي مايحبوهاش تاوعنا
و يبقى السؤال مطروح علاه خدمو carte biométrique ومزال يخدموا بال photocopie
جزائر جديدة يحسبو التطور غير فالكونيكسيو واقتصاد ههههههههه
تحيا قطر 🇶🇦 والسعودية 🇸🇦 هاربين علينا بملاييييين السنين الضوئية
هذي فكرة عجبتني تاع معلومات طبية تساعد كل ناس خاصة لي عندهم امراض لا قدر الله كون يوقع كاش حادث مرور ولا يقدرو يتعرفو على واش عندو من خلال البطاقة وخاصة كاين بعض كبار السن خطرات يتغشاو فل طريق طبيب خطرات ميعرفش السبب ويخاف يعطيه دوا غالط وكيما قلت مليحة مؤسسة ناشئة تقوم بهذا الشي خاصة فل الوقت الحالي مكاش منافس سما تعمل وتدير ظجة عادي
بطاقة بيومترية لي عندنا من أفضل البطاقات فيها r/w وترفد قاع المعلومات لي راها في بالكم حتى إسم دواء في حالات الإستعجالية لاكن كما تفضل المعلقين قبلي صحاب كوستيم دومي مونش هرسو المشروع بالفهامة نتاعهم
وقيلا هادي هيا البطاقة لي هدرو عليها في نشرة الثامنة فيها أحدث التكنولوجيا المتطورة
يا أخي ما يتبدلوش والله بطاقة القنصلية باش ديرها في كندا تشيب لازم شهادة ميلاد و فوطوكوبي تاع بطاقة التعريف و فوطوكوبي تاع الباسبور …. ياك نورمالمون وحظة فيهم تكفي علاه نعطيلك كلش …. الرقمنة مزالت بعيدة و انشاء الله ينقص هذا الاوراق مامل
ماكانش تطبيق يقراها ؟؟ جربت شحال من تطبيق بصح ماكان والو مالقري عندي NFC
باختصار حنا الادارات تاعنا مزال( لا وعي) تاعهم متقبلش التطور و البطاقة لفيها شريحة مزالنا فالمعاملات الورقية لتكلف وقت و مال للخدام و المواطن وتاني الدولة
وعلاش ماش ببساطة بما أنو الهاتف فيه تقنية NFC ماتكونش العملية بالعكس وتولي البطاقة في هاتفك مباشرة من خلال تطبيق حكومي 🤔
اعداء تطور
يقراها عادي كان عندي ويخرج معلومات تاعك وزيد تصويرة تقدر طلعها عادي
الاجهزة كاين و الاستيراد مكاش الدولة مش حابة تكمل مشروعها ومش راح تخليه للخواص
توكل تريسيتي هكذاك
الجهاز لي فصورة تقدر ديرو كمثال فقط خطراش جهاز فاشل خدمت بيه سنة 2013
جربتها وصلحت
حتى كون توفر الجهاز ماش راح تخدم بيها الإدارة تاعنا خاطراش قدم في راسهم، تخيل معايا موظف مرسم و كل معلوماتو موجودة فالأرضية الرقمية نهار يعطوك تكليف بمهمة في مركز معين لازمك تجيب شاك باري و تعبي بطاقة معلومات موجودة عندهم أساسا سينون ماتسلكش في هاذيك المهمة.
المشكلة ليست في التكنولوجيا ولا في الشعب
ياو والله مافرضتش عليهم من الخارج غير ما يخدموها
خدموها فقط لان منظمة الطيران الدولي منعت الجواز العادي وفرضو جواز سفر بيومتري وبطاقة تعريف بيومترية
الاجهزة التي تقرأ هذا النوع من البطاقات متوفرة في كل مكان ، لكن لكل حالة يجب برمجة معينة فقط
انا طلعت برنامج و قرالي البطاقه تاعي
الأجهزة متوفرة، لكن باش تخدم بيها لازمك ترخيص من عند الجهة الوصية عن البطاقة وبرنامج خاص يتصل بالجهة التي أنشأت البطاقة لأن المعلومات فيها مشفرة.
مادام قال وزير العدل ما تزيدوش تطلبو الجنسية وتروح باش تدفع ملف يطلبوها عليك
ماعندك في واش تخمم
في هاذ البلاد تخمم تتعب فقط
لازم قانون يحمي المواطن
أي واحد عنده RFID Reader قادر يقرى معلوماتك , ماهي المعلمومات المسموح بها أنها تكون مشاركة مع كل الناس ؟ علابالك بلي كي تحط سجل الطبي للفرد هو انتهاك لخصوصيته و قادر يعرضه للخطر
واش طبق ربي يهديك هذا النوع من البطاقات مهوش تكنولوجيا معقدة أو غالية يعني كون جات الحاجة لها في قطاع الخدمات عندنا لوجدتها في كل مكان…نوادي الرياضه بطاقات الائتمان، الضمان الصحي …
الكهول يتألمون في صمت هههههه
يلزمها أجهزة ATM تكون محينة وفيها كامل معطيات وبيانات محينة ياريت يعمموها في إدارات تاوعنا
تخزين المعلومات يكون في سارفرات و ليس في البطاقات ….nfc يخرج برك بعض المعلومات السطحية و رقم التعريف الوطني
كاين شركة متوفر عندها الأجهزة هذه هي متخصصة في صناعة البطاقات الذكية
عدم استعمالها معروف بما أنه مازال تروح لأي إدارة يقولك فوطوكوبي على بطاقة التعريف و عقد ازدياد