#1001movies
حبيت نهدر على الوجه الآخر لباب الحارة صح باب الحارة مسلسل اسطوري و قوي بالطبع نهدر على باب الحارة تاع بسام ملا ماشي هاد الاجزاء الاخيرة لي معندها حتى علاقة …
نهدرو على عائلة ابو عصام و العڤيد ابو شهاب هي عائلة مسيطرة في الحارة بحكم قوة العڤيد يخافو الكبير و الصغير و سعاد خانوم ست الحارة لي تحكم في نسوان الحارة و تحط حفلات و عزايم بحكم انه اخواتها عڤيد و الاخر غني و زوجها حكيم و تعزم كامل نسوان الا زوجة الادعشري و فوزيةلانهم فقيرات !! و ضحكت على زهرة لي ماتهدرش و بناتها الحارة كامل حبو يتزوجوهم لانه نسبهم كبير الا بنت الادعشري واحد ما خطبها خطرش الادعشري فقير و حتى ولاده ماحبوش يخدموهم خطرش ابوهم فقير و هاد الشي لي هلا الادعشري يحقد على الحارة بلا ماننساو العڤيد كيفاه يحرث على فتحي و يعامله امبعد يسكته بالدراهم هو و مسلم لي يخدم في قهوة ابو حاتم و حڤرة و معاملة السيئة للضعفاء كيما ابو غالب و ابو بدر حتى ابو جودت يعامل الفقراء و الصعفاء بأقصى العقوبات و يحطوهم في المسلسل على انها شي فكاهي يعني باب الحارة مسلسل اغنياء فقط و حكم القوي على الضعيف و حطيلنا العڤيد و سعاد على انهم ابطال
هذو حوايج كاينين في المجتمع ومن بكري
كان يعجبني بكري بصح حاليا كي نعاود نشوفوا كل مرة نكتشف كمية الرجعية و الجهل اللي فيه
ما تخلطش بين أبطال المسلسل و بين و ضعهم الاجتماعي.. الادعشري صح عاملوه نفس المعاملة السائدة في المجتمع تع الغني يطغى على الفقير.. لكن كدور فهو دور رئيسي و كان بطل من أبطال المسلسل. كاين فرق
الادعشري كان بطل المسلسل تاني بصح راهو شخصية ماتسواش و تاع مشاكل و زيد مزاجي كل مرة بمورال…مفهمتش كيفاش حبيتو يصاهروه لي هو بروحو كان يحقر مرتو و وولادو ؟
تحليل سطحي وساذج مع احترامي ليك ، الادعشري جاي هذاك الشخص اللي جابد على الناس ما يزور مايزوروه الناس من بكري ، اما فوزية كون نتبعو المنطق تاع المخرج والمسلسل عايشة لاباس بيها مزوجة مهبول وهكذاك لباس بيهم ماديا وكل يوم يدخل بصاشي معمر قضيان ههههه ودارو كبيرة ومليحة بالاك اهلو اغنياء ويبعثولو المصروف وربما فوزية من اسرة مرتاحة مادية ويصرفوا عليها وعلى راجلها ؟ مافهمتش منين جبت هاذي تاع فوزية فقيرة ؟
من قوة سطاتي جايح روحت نتأكد من صاحب المنشور تحسبتلي طفلة
معظم الشخصيات خيالية … وتحليلك سطحي وغير منطقي ..
الحاجة الوحيدة اللي نحبها في باب الحارة هي الأغنية تاع البداية.
وزيد هاذ الصوالح كاينة في المجتمع
اللي عندو يزيدوه واللي ما عندوش ينحولو
الله يهديك يصحبي متكذبش باش دير دراما و تدافع على فئة متدنية من المجتمع في شكل الإدعشري
سعاد خانوم كانت تعرضهم ڨع حتى مرت الإدعشري و فوزية في كل مناسبة ، و يجيو و يغنو و يزغردو
ولاد الادعشري كانوا فاشلين في حياتهم لأنهم كانوا عندهم أب فاشل كل دقيقة يسبهم و يذلهم و يرخسهم رغم انهم كانوا يخدموا احيانا كثيرة ولو عمل بسيط
كيفاش حاب الانسان يكسب الاحترام و هو عندو الحطة و العقلية الموسخة تع الإدعشري