#1001tech
والله معلابالي مين جبتو الصورة النمطية تع انو تيكتوك يفسدلكم العقلية و يخسرلكم الفكر تع ولادكم و ينشر الفساد و العراء فالمجتمع حتى راكم تطالبو دولة تحبس هاد التطبيق و حابين تقاطعوه حتى و راكم تطبلو للحكومة الأمريكية لي حابة تلغي هاد التطبيق من متاجر google و ابل سطور
راح نذكر شوية سلبيات الناس كامل يعرفوهم في موقع الفايسبوك بصح كامل راضيين بيه لي بالنسبة ليا اخطر من مشاكل تطبيق التيكتوك… :
_وجود عشرات الالاف من صفحات و مجموعات الم ث ل ي ي ن و جماعتهم و لي دعموهم
_ كل ما يوصل شهر جوان يتحول هاد الموقع لقوس قزح و الصفحات الكبار كامل يشجعوهم.
_ بعض الناس ولاو يستعملو الفايسبوك كوسيلة للسرقة و الاحتيال.
وجود ملايين صفحات و مجموعات اللي تنشر ال nudity.
_ بائعي الهوى ولاو يخدمو غير بالفايسبوك ولات شغل تجاوة الكترونية ( مثلا صفحات التدليك و غيرهم)
_وجود صفحات و مجمعوعات لا متناهية تنشر افكار الالحاد و الكفر …
_ ظهور الاشهارات التنويرية تع المسيحيين للمسلمين صوا اطفال ولا كبار….
_مجموعات الميسينجر لي ينشرو بيناتهم فيديوهات ال porn او كما تعرف بالمحلي…
و فالاخير مانيش هنا نقول تيكتوك تطبيق مليح و خالي من العيوب لكن حبيت نقول بلي مترجعوهش حاجة سلبية 100/100.
بالنسبة ليا انا نشوف فيه تطبيق مفيد جدا و فيه محتوى اكثر من رائع و اذا انت يخرجولك غير العراء المشكل فيك تتفرجهم لانو انا ميخرجوليش…
خلوكم مالجهل يا خاوتي تطبيق ميقدرش يدخللكم الفساد في ولادكم و بناتكم لكن عدم مراقبتكم لهم هو لي يخلوهو يروحو للجهة الاخرى….
تعرف الحاجة لي كرهتني في تيك توك ، الخاصية تع Live 🤦 . تشوف فيه ميرندا و بوخشبة يطلب ليل ليل يقلهم كبسو و لا تحبسو ! نساء مزوجات و مطلقات دايرين لايف مع رجالة !!!
https://youtube.com/shorts/A7JQ5bhf3iw?feature=share
Avec vous a 100%
انا جامي طلعت هادapp وجامي خممت نطلعها ….اما كي نشوف دراري صغار فالطريق يشطحو ويصوروا فليتيكتووك, مراهقات نعييييفو 🤮
صح انا تان ما يخرجلي والو عيان لاني والفت نرياجي غير مع المحتوى لمليح و رجع يعجبني احسن م لخرين باسكو سهل للاستعمال و لاكاليثي مليحة و المحتوى متنوع و مفيد و ما تبانش اون لين 😅
Social media under 18/19 is very wrong thing
انا شخصيا ماعنديش بزاف طلعتو و ابونيت قرآن و أمور تاع فايدة و كذا مي ولاو يطلعولي لي فيديو تاع الغناء…شا تفسر هذا 🤨
تطبيق هدام إذا انت عجبك المنكر للي فيه ماتنصحش غيرك يكون مثلك وتتهمو بما ليس فيه طالما تدخل فيه مباشرة بخرجاك غير الرذيلة والمنكرات فهو تطبيق سلبي ملياااار في المئة وبعد عليه بعد السماء عن الأرض مشي يستناك تبع تبحث حتى تفشل باش تصيب شي يفيدك بعد ما تكون ديت مليار ذنب فالثانية ورجعت الكبيرة عندك لا شيء ومستصغرها وتعجبك أيضا لو قلت خيرا وصمت أفضلك من تشجيع المنكرات والرذاءل وجعلها كنها عادية وبعد ايام ترجعوها حلال وعادي لنفسك ولغيرك ولاهلك قبلهم أخرجوا من المستنقع تعرفو بلي مقرف برك
عندي تقريبا ثلاثة أشهر نخدم بيه جامي خرجلي الشطيح والرديح لانو نهار فتحتو خترت المحتوى تاع الطبخ وlife hacks والخياطة والطرز وافكار تاعles mini projets
تسما المحتوى لي درتلو لايك فلول هو لي يخرجلك
ماشي تشوف الذراري برا يشطحو ويتصورو والعرا وططط مباعد تعمم على التطبيق 🙃
جامي طلعتو ومعندي حاجة فيه بصح واش رني نشوف ملي دخل تيكتوك زاد النحلال الاخلاقي بنسبة 1000% ولي دار تيكتوك دارو باه يكمل على 1% تاع الحشمة لي بقات
لي يقول فاسد
اتحمل مسؤولية الهدرة لي راحة تخرج مني : انسان جاهل همو رغباتو
يتفرج فالعرايا ولي يرقصو
كاينة حاجة كي يخرجلك فيديو تاع وحدة تشطح ولا واحد دير غير مهتم خورزميات التطبيق جبارة صراحة راحة متزيدش تخرجلك خماج هاكيك
راح يركزو على واش تبحث تخرجلك واش تبع برك حتى تلقى فيه متعة
يعني محتواه المخصص ليك على حسبك انت .
كل واحد وش ناقصو😉
Ana rani contre, 3lach yne7oh.. wlh t3elemt meno swaleh f tyab, les langues mm vidéos ta3 de7k, la nature, des astuces…
شخصيتك تنعكس على اختياراتك.. حتى الفايس و انستغرام و يوتيوب فيهم صوالح عيانين.. كل واحد واش يحب يشوف.. زعما كي ينحو تيكتوك الجيل راح يتربى.. رانا نشوفو العرا و العهر و التحرش في الواقع..
الڨاوري ما يمدش لوليدو تلفون ويروح يخدم الشغل في هادي راني معاك وجب على الأهالي يراقبو ولادهم، بصح المشكل أنو لولا هاذ التطبيقات واحد ماكان سامع بيهم يعني يصدرونا خماجهم ويأثرو عليهم تعيا تغلق عليه يكبر ويحل عينيه وتتلفلو
تطبيق الفكرة رئيسية تاعو هي مشاركة مقاطع فيديو الغناء والرقص
انا تيليشارجيتو مرتين و بدون حساب ، و يمدلك الاختيارات وش تحب يخرجلك و في كلتا الحالتين يخرجلي غير الخماج !!! نحيتو و جامي نردو و الله لا تردو ، قالو يخرجلك وش تحب 😑😑😑😑 موقع خماج و فساد
المواقع التي تعرض محتوى اباحي يتفرجوها بصح نتا تجبدلو تيكتوك يقلك لعرا و شطيح !!
كن صادقا او صادقة مع نفسك اومبعد ساهل .
تعلمو تحتاجو الانترنت غير في خدمتكم برك
الناس فالخليج دايراتو مصدر أموال ضخمة ومكاش منصة خرجت مبدعين فالمونطاج والايديت قدو انا رأيي ان التيكتوك يستاهل يبقى رغم السلبيات لي راهم يهدرو عليها، مسحنا فيه الموس تع الجانب الجنسي لي داخلنا الخوارزمية الهدف تاعها تشد الغاشي اطول مدة ممكنة فالتطبيق مهيش بنادم باه تفرق بين النوديتي والقرآن لقات اغلبية الناس تبرونشي للعرا تفهم بلي هذي هي الطريقة سلام عليكم
قالها وزير التعليم الصيني . احنا خدمنه باه نخدموا وهم استعملوه للبغاء الله يسهل عليهم 😅 المهم كانت بمعنى هذا 😂
ايه ينشر الفساد باسكو الشبيبة تاعنا أغلبهم قهويين و تع تبهليل
البنات يعرو و الولاد يديرو صوالح كبر منهم و هوما في سن مراهقة
بصراحة حنا متخلفين ماناش تع تيك توك
تتمسخر بيا بنت جاري 13 سنة راهي تشطح و عندها ليزابوني 🥴🥴
دخلت لموقع تيكتوك بمتصفح الكمبيوتر فيه vpn من انجلترا
ومتصفح مافيهش
ما عنديش حساب، غير واش يقترح عليك حسب بلدك
تاع انجليترا هبطت أكثر من ثلاثين منشور ما لقيتش أمور فاضحة (بريكولاج. تصوير. طبيعة…)
تاع الجزائر أقل من عشر منشورات خرجت من كثرة الفسق
اي تطبيق تع تواصل فيه خوارزميات تطلعلك لي فيديو على حسب اهتماماتك ومن ذاك يخرجولك حاجات مش ملاح دير (غير مهتم بهذا المحتوى Not interested) مايزيدوش يجوك شغل Des filtres
الفكرة هي انو انت لي لازم تسير المنصة او التطبيق ما تخليشو هو لي يسيرك.
لحد الان راه احسن بلاطفورم بعد يوتوب بالتسبالي وتعلمت منو بزاف وحتى نقدم محتوى مفيد فيه تبقى عليك والاستخدام تاعك
أكبر بلاطفورم معمرة بالطحاحنة و المرخس و لي بيدوفيل 🙂
فوووك أوووف تيكتوك 🙂🙂
مع ذلك تبقى سلبياته اكثر من ايجابياته…حبيت ولا كرهت
يودي التكنولوجيا و مواقع التواصل الاجتماعي بالعموم هي سلاح ذو حدين إذا أحسنت استخدامها بحكمة اللهم بارك و إذا أسأت استخدامها فتلوم الا نفسك ….
i agree 👏🏻
I Agree ❤️