#1001tourisme #1001_Turkey #1001info السلام عليكم ، اليوم راح نهدرلكم على تركي

#1001tourisme #1001_Turkey #1001info
السلام عليكم ، اليوم راح نهدرلكم على تركيا للناس لي حابة تسافر اليها ولا سافرت اليها من قبل راح تزيدو تستفادو من حوايج و لي جامي راح نعطيكم لي بون بلون ( و الله شاهد على كلامي كلش صادق و من تجربتي ماراح نخدعكم ما راح نزيد عليها رحت عدة مرات و حبيت نعاونكم )

1 – اولا لا رحت في الطيارة تاعهم يعني مع turkish airlines
راح تكون مرتاااااح بزاف بزاف أحسن من الجزائرية جربتهم الاثنين و فرق شاسع و سيرتو
2 – غير توصل في المطار الجديد تاعهم ماشي أتاتورك نو الجديد راح يعجبك بزااف كلش نظيف و مسقم و ميخلاصش
و باش متخسرش دراهمك ( نسيت مقتلكمش من الاحسن متروحوش مع اجوووونس خير و خير لاجونس تحجزلك الفندق برك كيما حنا حتان وصلنا باش سلكناه كاش يعني حجزنا من الجزائر و كي لحقنا سلكناه مي نتوما لي اول مرة احجزوا و سلكوا هنا و روحو و الباقي كلش وحدكم خير و خير )
حاجة وحدوخرا اكرو اي اوتال رخيس ميهمش اذا كوبل ولا لالا صدقوني غير دقيقة متقعدوها فيه من غير الرقاد تاع ليل و ضكا نقلكم علاش ديرو فطور برك معلهش افطروا تما و ادوها من نهار لليل برا ( ديرو في بالكم المراحيييض غير هوما على دورة تلقى مرحاض و نظاااااااااااااااف و راني نأكد عليها كلش يشعل شعيل تسلك 3 ليرة لي هي ثلاثالاف بدراهمنا برك و كااااين لي بااااطل تاني مجاني الدخلة و اذا على الصلاة راني ذك نزيد نرفق الستاتي بالفوطوات باش تشوف عينكم ، المساجد مفتوحين كل وقت و لكل الناس واقيل اروع حاجة في الترك هي المساجد مفتوحين للمرا و الرجال في زوج تدخل تتوضا ترقد تقيل تحب تريح شوي لمهم صح صح واحد ميهدر معاك ياو الخزرة ميشوفوش فيك و تلقى المسجد نظيف و كلش مريقل ماشاء الله هذي اروع حاجة تم
3 – بالنسبة للاوتال كيما قتلكم انا جرب الغالي و الرخيس بصح في زوج لقيت روحي مش مستفادة منهم يومي كامل برا 🙂 نرجع نرقد برك ولا نريح شوي مع العشية و نزيد نخرج

4 – بالنسبة للمطار قولنا كي تخرج تلقى حافلات هذو الحافلات ( هي عبارة عن شركة تتعامل مع المطار يمسو كل وقت ذكا نحطلكم الصور ) المهم وسمهم ( Havaist ) و هبطو التطبيق تاعهم او كاين المهم يوصلوكم للمنطقة تاع لوتال مثلا اكسراي ولا فاتح زادة ولا المهم كل حافلة خاصة بمنطقة سقسو تماك برك و الركوب ب 67 الف للفرد ولا 70
لمهم مش قل من 50 الف و مش كثر من 80 الف و الحافلة مريحة صح صح و تسحقوها مام نهار تروح لبلادك حنا سقسينا في المنطقة وين يحبس يقلك على قداه يديماري و يعاود يديك لمطار الجديد و صايي 👌 احسن من التاكسي باسكو يسرقوا
5- اللغة اهدرو انجليزية ولا عربية بزااااف عرب تما يعني مكانش محل بدون عربي فيه كامل مخدمينهم على جال السياح بصح خيير و خير تهدر تركي انا هدرت تركي يعني تهلاو فيا حتى انهم تعجبوا وين نعرفها مام يجو يتمتموا ميقدروش ههه صراولي مواقف يقولي احبس احبس اي تهدر تركي ههههه المهم لي ننصحكم بيها اتعلموا الارقام و لي ميعرفش يحط كومنتار نعلموا و دعوة خير برك ، اتعلموا الارقام و كيفاش تسقسوا على الطريق و السعر و الماكلة برك لحوايج لوخرين ساهلين
6- بالنسبة للتنقل ابالااااااكو احذرواااااا تركبوا الطاكسي باسكو يكذبوا و يدورك الدنيا كامل باش يخلص كثر الوغ اركبوا الترمواي و الميترو
تبعوا معاايا مليح كاينة كارطة تشريها و تعمر فيها ثما لاباراي قدام الميترو للواحد طيحلو 7 الاف بدراهمنا الركبة و دير في بالك بين بلاصة و بلاصة واحد ال 20 د سما ميترو خير و لي يحب يمشي يمشي و كذلك الترامواي المهم لاكارت هذيك تعااااونك بززززاااف في التنقل اكتبوا و نجاوبكم على كل منطقة معلهش
7- ذكا جينا للأكل راح نحط منشور سبيسيااال وسن احسن بلايص ماكلة
8 – نجو للبلايص لي دورو فيهم كاين منطقة مارتر Merter و قونقورن Gongurum هذو تاع الجملة و نصيحة لي مثلا عندو خاوتو ولا خواتاتو بزااف يشريلهم من تاع الجملة مثلا يعطوك سيري فيها خمس حبات نفس اللون او مختلف بسعر رخيص خيرمن تشري من ليمارك بصح هذي نصيحة البرك المهم لي يحب يسلع يروح لتماااك و تلقاو ناس هايلين تما و من كل الاجناس بضح منطقة تجارية برك مافيها والو شغل ولاية كبييييييرة غير للبسة و ذكا نحطلكم فيديوات باش تفهموا
بالنسبة لي مارك كاين lc waikiki في المعقول و سيفورا للناس ام دايرين صولد هذا الوقت ، في تقسيييم القش بزااااااف غالي
و ديرو في بالكم كاين لي تعاملو بالدولار يعني ميقبلش الليرة
المهم الشوبينغ عينك و ما تشوف لي شواااا بزاااااااف صح صح تقدر تلبس من تما و تتميز كل حانوت سلعتو وحدوا
كاين defacto كاين koton , robin
المهم عندهم ثروة صناعية تاع الالبسة متخلاصش
المناطق تاع السياحة روحو لتقسيم ، الجامع الازرق ، السوق المصري تلقاو فيه تاع الحلوة و الحلقوم راه الكيلو يدير 160 170 ليرة و ديرو في بالكم كي تشروه قبل الوقت يندي الوغ اشرو اليومين لخرين و هزوه باقاج ا مان و قولو للبائع يديرولكم في صاشي لي تنحي النفس ام عندهم كامل تاع الضغط هذيك باش في الطيارة ميصرالها والو ، روحو تاني لبايازيييد مليحة
و متشروش من السوق المغطاة لي قدام السوق المصري هذوك النار شاعلة و يشرو من عندهم غير الرواسة هههه صح صح يغلو
بالنسبة لاسعار متحاولش تكومباري مع دزاير مكانش كيفاش دؤاهمنا ميجيبو والو كي تبات تحسب وثانيا انا رحت قبل الكورونا و بعدها و كلش زاااد و غلا في الترك
😍😍😍 نسيت حاجة الفواكه متبخلووووش رواحكم الفواكه تمااااااااك باطل الكيوي رخيص ، الافوكادو رخيس الفراز كلش
و تهز بيدك قدش تحب واحد ميسالك المهم متحرموش رواحكم نصيحة

ذكا نحطلكم الصور و نزيدلكم منشور ثاني تعبت من الكتبة 😂