Forum

السلام عليكم نهاركم مبروك الجماعة لي موالفة تروح لتونس تعطينا بعض من خبرتها رحلة تاع صحاب في بعضاهم شحال تسقام للواحد و أحسن الأماكن لزيارتها في تونس #1001_help

#1001_help السلام عليكم الناس لي ربحت فالقرعة العشوائية طمنونا عليكم رحتو ولا مزال؟ و إذا رحتو أفيدونا ببعض المعلومات حول ثمن التذكرة و نمط الإقامة و سبل التوظيف هناك.. إلخ. حتى يتسنى للبقية اتخاذ قرار الهجرة من عدمها.

سلام عليكم لي راحو لجيجل للبحر بقداه رهم يكريو وين أفضل جهة وشكرا لكم #1001_help

سلام اخوتي الله يستركم نسقسيكم على لي بلاج ملاح و نظاف ندي الام و الاخت وين واحد ميتبلى (مالف نروح وحدي واني شايف البعض وش يديرو مع بنات الرجال ) متهمش المدينة ااهم هو تربية سكانها وين مكانش المظاهر هاذوك ربي يعافينا شكرا خاوتي #1001_help

#1001_help خاوتي عندي استفسار حاب نحضر للحفل الاختتامي في وهران حبيت نعرف اسكو كاين مرقد بجانب الملعب و ماهو سعر الليلة و شكرا مسبقا

#1001_help السلام عليكم الشبيبة عندي سؤال خفيف ل الناس لي موالفة تخيم فالشرق برأيكم ماهي أفضل الشواطئ المعزولة ( ما فيهاش بزاف الغاشي ) الصالحة للتخييم في مدينة القل / جيجل لي فيها منبع تاع الماء صالح للشرب ؟ شكرا …

#1001_help كنت نهار الأحد رايح لجولة سياحية للعاصمة بصح شفت بلي غالقين الطرق وقالو حتى محطة خروبة مغلوقة ؟ غير نلغي الزيارة ولا كاين حلول؟ الزيارة تشمل حديقة الحامة/مقام الشهيد /ومتنزه الصابلات

#1001_help السلام عليكم حبيت تدبرو عليا عدنا ميزانية تاع 30 مليون هكاك انا و الزوجة واش هي أرخص بلاصة و أرخص وقت نقدرو نروحو ليه خارج الجزائر مع العلم منحوسوش على حاجة لوكس و المباتة اذا نقدر نحجز من عند airbnb مثلا شكون مالف يخرج من الجزائر بأقل التكاليف و شكرا