#eloa #خطاف العرايس
عرفت مدينة واد زناتي لولاية قالمة كباقي مناطق الجزائر إبان الإستعمار فرنسي آثار شاهدة على تلك الحقبة و من أهم معالم مدينة تمثال (eloa) او المعروف عند العامة ب “خطاف العرايس” المطل على المدينة حيث يكون في استقبال كل زائر لواد زناتي و قام ب تصميم التمثال النحات الإيطالي جوزيف ميشيل بوليت عام 1814 حيث ولد في ايطاليا و بعدها سافر الي فرنسا للدراسة ، حيث ان النحات اقتبس ذالك من قصة أسطورية “اخت الملائكة” كتبها الفريد دوفيتي وهو قطعة فنية و أدبية تحاكي الروح الفلسفي و الحب و الجمال و الخوف .
نعود الي جوزيف المعروف بأعماله العالمية المتعددة في فن النحت أذكر منها : الامبراطورة أوجيني ، تمثال دوق باربان، تمثال الحجر باندورا و أخيرا تمثال الإلوا وهو ملاك الرحمة ولد و معه أنثى من الألماس من دموع المسيح عليه السلام حيث أن دموعه كانت تنهمر يغزارة حتى سمعو صوتا ينادي الإلوا الإلوا فخرج ذالك الملاك و أدى بموت صديقه لازار فحدثت غيرة في أوساط عرش ( الرب ) (الله ) مما ادى بطرد الله لهم من سماء الي ضلام الابدي كما يزعمون ثم جمع الملاك إلوا باقي الملائكة و حذرهم من خبث شيطان ، و يقال أيضا أن التمثال ليس الإلوا في حد ذاته بل هو الشيطان (لوسيفر ) يحرض الإلوا على معصية الله و هذا الاخير رافع رأسه الي الله يصلي و بين هذا و ذاك إختلفت الحكايات عن هاته القصة المشهورة في عصور قديمة جدا حسب كل ديانة اليهودية او إسلام او هندوسية لايمكن أن ارويها كلها ، لكن للأسف التمثال للذي تتميز به مدينة واد زناتي اصبح مهمشا مجرد مربع مهجور رميت بجانبه النفايات . و أنا متأكدة أن هاته القصة عن هاذ التمثال القليل منا من يعرفها حتى أهل المنطقة في حد ذاتهم .
وعلى خطاف لعرايس او ايلوا او تمثال اخت الملائكة قصته مستوحات من قصيدة اخت الملائكة eloa
وهي تحكي على ايلوا الذي عشق ايزوس وتزوجها نكاية في آلهتهم آن ذلك
نحته جوزيف ميشال بين 1814 و 1873
يوجد نسختين في العالم فقط
واحدة في الجزائر -قالمة_وادي الزناتي تحديدا
– والثاني هناك من يقول في ايطاليا وهناك من يقول في تركيا
لكن للاسف السلطات مهمشته ماديا ولاتنظر إلى اهمية هذا النحت لي يقدر يجيب بزاف دراهم وسياح أجانب
#1001_سياحة
هادي حاجة يفتاخرو بيها ناس ؟ علبالك حكمها في ديننا شاهوا ؟-_-
تمثال عريان متحضن مرا في وسط لمدينة قدام العامة بناوه الكفار هاذي حاجة نورمالمو متفتاخرش بيها الناس راهي متصلح لا فدين لا فالعرف ، حاجة عيب وحرام
احنا وين كاين التماثيل ما ندوروش يفكرونا في ابا لهب وجماعتو
التماثيل حرام اصلا حتى وتكون على شكل انسان ساجد
فما بالك تمثال في وضع خادش بالحياء
تصحيح فقط ، التمثال منحوتة مقتبسة ليس من قصة اسطورية ، بل لقصيدة بذات الاسم ، و اللي فيه هو لوسيفر بالذات بعدما خدع إلوا و نزلها من الجنة و تعابير الندم و الحسرة في وجهها باينة
أما غير ذلك ، التمثال هذا مهمش و لازم يبقى كذلك و عبارة عن مبولة عمومية ، و الطرق المكسرين تاع واد الزناتي أولى من التمثال تاع ابليس
طاقي أبو مطرقة نتاع واد زناتي يتهلا فيه و لا أسف
انا من قالمة جامي سمعت بيهم ولا شفتو
قالك يرحب بالزوار
من كثرة ولايتنا مافيها والو يصلح مادارولنا فيها والو طريق كي العباد مكانش
ايا رجعنا كل ستاتي يقولك خطاف العرايس تمثال نحته الايطالي 💔
يا أمة ضحكت من جهلها الامم
وعلى فكرة هناك عمل ادبي من كتابتي سيصدر عما قريب عنوانه خطاف لعرايس -اسطورة الكاملة- سيحكي عن احداث جرت ابان ثورة التحرير والعشرية السوداء والوا كان شاهدا عليها
نشوف الاصنام نبقا حايرة كان حنا مسلمين مين تروح تلقا صنم عريان و حنا نشوفو و فرحانين 🙄
Art ♥️♥️
هي ممكن تكون فن ومنعرف بصح تبقى اصنام بيها بتماثيل عين الفوارة وقادة المقاومات والاسلام امرنا باش نحوهم ولكن للأسف ولا اتباع اليهود والنصارى بذريعة الفن اسبق من تشريع الله
العاقبة لنهار اللي يحطموه
بقانا غير نديرو تمثال تاع هبل و نقولو فن باه يرضاو علينا المكعبات لي طايحين زعما يعرفو للفن و يقدروه
حاجة حرام حرام ، و ممكن تبان حاجة تافهة بصح عند ربي راهي إثم عظيم كلمة الحق نقولوها لي بغا بغا و لي كره يضرب راسو على الحيط .
ما كنتش علابالي بلي كاين عندنا واحد ضرك نروح نكمل عليه بالمارطو
Normalement يستغلوه سياحيا
معلومة رائعة اول مرة نسمع بيها مع العلم لحكاية كانت تحكيهالي حداتي هذي تاع خطاف لعرايس بصح بطريقة اخرى يعني هي عبارة عن بدعة وخرافة تعليقات الي راهي تفتي يخي ماقالكمش أعبدوه 😏😏😏 عبارة عن أسطورة وخلاص لوكان تشوفوا الصين خرافات اللي دايرينهم تتعجبوا هذا فقط باه يجذبوا سياح
وادي الزناتي في حد ذاتها مهمشة فما بالك بتمثال فيها ! نسكن ثم وللأسف المكان تحول إلى مرحاض اكرمكم الله وأصبح مقصد لقضاء الحاجة أو للمنحرفين والزطالجية 😕
لي يقدر هاذ التماثيل ويتذوق الفن هذا ويستحسن هاذ الأساطير الشركية مثقف، أما لي ينصح ويبين الحق جاهل ويدخل الدين في كلش
ولي يرفض الحق المنزل من عند الله وين نصنفوه ؟
نورمالمو يتكسر
Djaber Guettaf هههه ربي يعاونك قادرين يقولولك راك تمجد فالأصنام وقريب تعبدهم
هل أنا قلت في المنشور اعبدوه ؟ مفهمتش لعبوها كامل ملتزمين ومتشبثين بالدين بصح كون تصحلهم فرصة ويطلعوا لأوروبا مايخلوا حتى تمثال وميصوروهش
أنا قلت يدوه للمتحف مقلتش يخرجوا من الملة
وكي قاعدين يحللوا ويحرموا من سي راسهم
يا سيدي حتى التصوير الفوطوغرافي يعتبر تحدي لخلق الله وحرام شرعا
مالا احذفوا الصور تاعكم الشخصية من البروفيل مبعد ادخلوا في فتاوى على الهواء ☺️☺️☺️
_ إنشاء التماثيل على صورة الأحياء حرام مطلق
_ إنشاء ثماثيل مكشوفة العورة حرام مطلق
_ إنشاء تماثيل مكشوفة العورة على شكل ملائكة المسيح و اليهود حرام حرام حرام .
_ هل “السياحة” هي العذر الذي اتخذه البعض لتحويل حرام إلى شيء محبب و يجب الحفاظ عليه .
الحرام يبقى حراما و نقوده حرام و الإسترزاق به حرام !!!
هداكم الله
اديوه للمتحف وسياحة!! على أساس يجيو الأجانب مخصوصا باش يشوفو تمثال مكسر عمرو 200 عام ماش 2000… و أصلا قلتِ النسخة الثانية ماش معروف وينها يعني مكانش اهتمام…
وكان غير لبسوه كاش حاجة نحاتين بزاف مافهمتش ناس لي تمشي ثم وكان يكون مع والديه تجي عادي ولغاشي لي رآه عاجبهم لحال ويقولو ذرك يجو جماعة يقولولك تمجيد الاصنام ياخي لباس رانا مسلمين هذي راهي تعتبر خادشة للحياء ياشكوكو واذا ما تحشموش هذيك حاجة خلاف
للناس اللي مزال مافهمتش ، و للناس اللي مزال يريكلاميو باسم “ماتفتيليش”
بلغة دارجة بسيطة
اللي في التمثال ابليس ، ابليس بنفسو ، واللي في حجرو ملاك ساقط اسمها “ايلوا” اللي التمثال مسمي باسمها
و هو مقتبس من قصيدة Éloa , or sister of the angels ، اللي يحكي كيفاه ابليس خدع ايلوا باسم الحب و نزلها من الجنة
هاهو المصدر https://mbarouen.fr/en/oeuvres/eloa-sister-of-the-angels
أما اللي مزالو يعتبروه مفخرة للمدينة ، حاب نقوللكم بلي واد الزناتي حتى في اسوأ فتراتها كانت مدينة علم ، كان يدرس فيها بن باديس ، و خرجو منها علماء و سياسيين ، و تاريخها ضارب في القدم ، و الحمد لله ان التمثال مهمش ولا يتعدى كونه مبولة عمومية لمهابل و مشردي المدينة و المتسكعين من الكهول ، واللي حب يريكلامي على حاجة تاع ثقافة نقولو مدينتنا مفيهاش مكتبة وحدة كي العباد ، و هذو كل أولى من تمثال ابليس
و مرة ثانية المصدر ، باه جميع واحد مزال مفهمش ولا ما اقتنعش يقرى و يقتنع https://mbarouen.fr/en/oeuvres/eloa-sister-of-the-angels
ليك يا سبحان الله ، حست روحها في مكة مسكينة ، جابولها دين جديد و قالولها تمثال ابليس راهو مايستاهلش الاهتمام و الافتخار و التمجيد
طوبى للغرباء 💔
واشمن سياحة انا هدا مع الوالدة و الله مانجوز عليه مكاش كيفاش كامل
نورمالموا تكسروه يا ناس ڤالمة
كشفت تعليقاتك في منشور نتاعك والله نتمنى ربي يشافيك اختي
هذي تعتبر اصنام مثلها كالتماثيل اخرى ولخدمهم أكيد عنده هدف ضف الى ذلك مجرد انك تشوفيهم مخلين للحياء واذا عندك عقل فقط تعرفي تميزي من الحلال والحرام بلا مندخلو للفتاوى رغم انو لا يجوز ترك هذه التماثيل حتى وعندها تاريخ طويل ووو الخ
المسلم الحقيقي لا يتهتم لمثل هذه التماثيل وشوفي فقط كلمات لحطتيها مثال “أخت الملائكة ” تمثال الالوا وهو تمثال رحمة …والخرطي هذاك ؟ الرحمة تجي من عند ربي فقط في ميزك تمثال يمدلك رحمة ؟
ونصيحة قبل متحكي على حاجة في دين ولا تكذبي جماعة لقالوك لا يجوز ووو ابحثي وتأكدي بنفسك خطر ليس بهين عند الله انك تناقشي دين الله 👌ويبقى الحلال بين والحرام بين وبينهما أمور متشابهاات.
هاااا ربي سيدي ..
تماثيل + إباحية
روح كسري علينا تمثال اباحي جات تمد وثيقة عليه
من المفروض كامل التماثيل يحطوها في متحف ويحطو حدا كل تمثال سنة النحت والقصة
الاباحية على الهواء الطلق
من المفروض يدوه للمتحف احسن
تمثال عندو 50 سنة ولا شاه من وقت فرنسا يعني مقالش من وقت رومان 2000 سنة يعني مايصف حضارة مايعتبر اثار كاش سكارجي داره في وقت فرنسا
(ضد الاصنام سواء كانت رومانية او فرنشية )
شكرا على هذ المعلومة 🌹
قبح الله سياحة الاصنام العارية
يعني لو كان واحد من صحابة رسول الله في هذا المكان أمثال عمر بن الخطاب و علي بن أبي طالب رضوان الله عليهم، يا ترى واش راح يصرى ؟
صح هاذي مجموعة سياحية مبصح حنا شعب مسلم مش اللي جات تنشروها و تتباهاو بيها، و كي تتلاقاو مع تعليقات مثل تاعي تقولو شخص رجعي.