#help
الســــــــــــ
حنا جماعة مكونة من ثمانية افراد و رايحين نكونبيو في البحر(بالنسبة ليا ثاني مرة ، التجربة لي فاتت سيئة) .
بغيت من الناس لي موالفين يباتو يعطونا نصائح و بالخصوص في المصرووف باش نقص الماكسيموم (فطور ، عشا ، قهوة )
Posted in Uncategorized
ديرو صندوق حطو فيه 100/100 واصرفوا منو كل ماينقص عاودو حطو ومدو التسيير لواحد
اتعلموا طيبوا او على الاقل طبقوا من اليوتيوب و المصروف لكبير راه فصوالح صغار غاليين و ميشبعوش كمثال قهوة تاع صباح تشري قاطو شباب 150 زوج عيباد يكملوه في ثمانية عندكم 600 هذي 600 اشريها باطة شيكولة كبيرة و جوز بلخبز تشدلكم 3 ايام و قس على ذلك بزاف صوالح
ادو رفيس و روينة
نتوما رايحين تتفرهدو ولا تتمرمدو
ديرو cotisation كامل.حطو 500 مثلا وحطوها عند واحد ثقة وهو يصرف
شوف صفحة نتاع الدقس او قروب هملة فيها كفاه تعقبو نهارات ملاح بأقل تكاليف وتعيش صح كومبينغ على اصولو. الي ننصحك بيها انو تخير شاطئ معزول خاصة شواطئ جيجل او سكيكدة ولا قل عنابة هاذون روعة تدي ماتريال كامل وحكاية مصروف وطياب تحبو تتفاهمو كل واحد عليه حاجة او تعطو لواحد يستكلف بيها وكيما قهوة وامور الي تنجمو تدوها من دار غير نافيڤو ماكسيمو هههههه بأه تخفو على رواحكم هاذي ان شاء الله مايشوفوهاش دارنا😁😁
طيب لروحك
ادي معاك السيروم
ادو معاكم 2 بلارات ولا 3 حلوة طوابع ولا صابلي سامبل وشوي مسمن على شوي معجون البحر يجوع تلقاو الدراهم راحولكم غير على القاطو تاع الزنقة وكثرو العجاجن اتعشاو بهم والغذاء المقلي وليسندويش ادوهم معاكم للبحر وزيدو ادو معاكم لاتاي والحلوة اللي جبتوها مع العشية في البحر والعشا راه باين عجاجن هذه في حالة كنتو عائلة اذا غير رجال يقدر كل واحد يخدم القاطو ويجيبو من الدار وتخدمو كما خبز الهمبرغر ثان في الدار تشرولو شوي فينداشي وانتوما تعشيتو وكما الغذاء شوي فريت على شوي طرشي وديروهم ليسندويش والمقارون راه ساهل في طيابو