I LOVE ANYDESK ❤️
هذا البرنامج اسطوري بدون مبالغة يلا ماراكش تخدم بيه راك مراطي ..
هو حاليا اخف و اسرع برنامج تحكم عن بعد بين الاجهزة ويندوز و هواتف و ايفون .. انا كفريلانسر fulltime نخدم بيه منذ سنوات يوميا و في كامل الاوقات ساعدني بزاف في حياتي..
– التحكم الكامل عن بعد بأجهزتي كامل رابطهم مع بعضهم كمبيوتر المكتب ولابتوب و تابلات و تيليفون .. يعني مثلا نكون براا عن طريق هاتفي فقط ندخل ليهم من اي مكان و في اي وقت و ندخل ديركت بدون الحاجة لقبول تأكيد جهاز ثاني.
نقدر ندخل ليهم من جهاز اخر تان مثلا تلفون صاحبي نحمل تطبيق و ندخل عن طريق id& password .. بدون لحاجة للتأكيد ايضا .
– نطفي و نشعل اي جهاز من اجهزتي عن بعد عن طريق Wake-On-LAN يعني راني بعيد و سحقيت ملف من لبيسي تاعي و هو يكون طافي في الدار نفتح تطبيق فتيليفوني نشعلو ندي لملف ولا نخدم بيه كاش حاجة و نعاود نطفيه عادي .
– التحكم في لاسوري و الكلافيي جدا سلس و خفيف مايحتاجش انترنت قوية .
– يعطيني اشارة في تلفون اذا كاش شخص شعل لبيسي تاعي و نقدر ندخل نشوف وش راهو يدير و نسمعو صوتو بلاما يعرف.
– نخدم بيه مع عملائي مثلا ندخل نشرحلهم كاش حاجة ولا نريغلي امور في جهاز العميل مع مكالمة صوت مباشرة و يقدر العميل يسجل فيديو للشاشة عن طريق البرنامج نفسه.
– ننقل الملفات من جهاز لاخر كي يكونو في نفس الشبكة LAN يعني سرعة النقل تكون كبيرة عن طريق الشبكة الداخلية ماشي تحميل و رفع .. اذا كان جهاز خارج شبكة بالتاكيد النقل يكون تحميل و رفع .
– اذا كاش واحد من صحابك عندو مشكلة في بيسي ولا تيليفون تاعو تقولو برك يعطيك ID تدخل تريقليهولو بلاما تشقى عندو في هذي السخانة 🌝 ولا هو يجي عندك .
– البرنامج يبقا مشتغل في خلفية النظام يعني ماتحتاجش كل مرة تحتاجو لازم تفتحو .
و اجمل شيي هو مجاني 100% و حجمه صغير مايحتاجش تثبيت في لويندوز اصلا ..
– مهم شفتو وش قلتلهم! في الحقيقة هذا كامل غير مهم.. اهم شيئ هو كي تكون مكسل في فراشك راح ترقد و تنسى لبيسي شاعل نعجز نوض ليه ندخل نطفيه من تيليفون 😆
ولا نقول لأليكسا تطفيه ( و هي موضوعنا القادم 😋 )
#MLachachi #1001info 👾👾
نعم أفضل بكثير من TEAMVIEWER
أحسنت وأفدت..
في موضوع أليكسا لو تتكرم وتحطنا وش يلزم.
Imad Frts check this out and thank me later
That’s very interesting thank you, don’t you know an app for android – laptop ?
مش مدفوع؟ والمززايا المجانيا تخايك دير كل هذا
وحد الوقت طلعتوا من موقع طلع معاه فايروس الفدية مازلت نخلص معاه لحد الان لم استرجع ملفاتي
نعم
نخدم بيه ديما
I’ll try it thnks
كفاه مراطي
مجرد برنامج للتحكم عن بعد
تحبو تزيدو عليها
Interesting
مليح، وفي العموم الاجهزة تاعي نستعمل
Google remote desktop
مساعدني اكثر.
المجانية فيه محدودة و الاشتراكات فيه غالية على ultraviewer w TeamViewer
فهمت كل شي مافهمتش برك انتاع البيسي طافي تشعلوا بالبرنامج هذا هههه
Mohâméd Laâchachi
الزم اكونو الاجهزة متصلين بالانترنت باه تتحكم فيهم ولا كيفاه
يعطيك الصحة اخي
افضل واحد مجاني هو TeamViewer
متقدرش تشعلو عن بعد لازم يكون شاعل ومتصل بالانترنت باه تتحكم فيه اما ماقيل غيره فهو كذب في كذب
كي تجربوه ڨولونا هنا ، شكون لي خدمو التطبيق هذا ؟
Nã Jõu en cas t7tejo bb
Anyviwer بعجبني خير منو
بوركت على الشرح لمافهموش خاصية التشغيل عبر الخط، هي ان الجهاز عند انطفائه فان بطاقة الاتصال wifi او line لا تنطفىء بل تبقى في العمل عن طريق البطارية مباشرة الخاصة موجودة في bios
ماشي مدفوع يعني انت هو المدفوع “المقابل “
Entre deux appareils Android, quelle est la meilleure et qui soit gratuite?
The best one for me, is google Remote Desktop with full screen and transfert 🙂
سلاكنا صراحة، في العمل نخدم غير بيه. حتى الرخصة المدفوعة ماراهيش غالية كثيرا مقارنة بتيم فيوور
Abido Lekmiti
الخاصية اسمها wakeon lan
وحساب ما نعرف lan تمشي غير في الريزو المحلي كيفاه تقدر تجبدو عن بعد!
السلام عليكم شكون عندوmy ooredoo يعطيني كود تاعو نسجل بيه