The Banshees of Inisherin / 2022
هل قرار إنك تنهي أي علاقة منوط بيك وبرغبتك لوحدك؟
هل لو أسبابك مقنعة ده كافي إنك تنهي أي علاقة؟
هل الأسباب المفروض تبقى مقنعة للطرف اللي عايز ينهي العلاقة بس ولا للطرف التاني كمان؟
ولو الأسباب مش مقنعة للطرف التاني هل من حقك بردوا تنهي العلاقة ولا لا؟
ايه هي تكلفة إنك تنهي أي علاقة؟
ولو هتقدر تتحمل التكلفة دي هل ده هيكون كافي عشان تقدر تنهي العلاقة دي؟
تحب إنك تكون شخص لطيف ولا شخص يخلده التاريخ؟ وهل الاتنين ميجتمعوش مع بعض؟
كل دي أسئلة هتسألها لنفسك وانت بتتفرج على الفيلم ده؟
وهتكتشف بردوا إن العلاقات البشرية معقدة أكتر مما تتخيل وإن فكرة إنك تنهي علاقتك بحد معقدة أكتر من إنك تبدأها…
قصة الفيلم: سنة 1923 وفي جزيرة أيرلندية بعيدة اتنين بتجمعهم رابطة صداقة قوية، واحد منهم بيقرر بشكل مفاجئ يقطع علاقته بالتاني لأنه شخص ممل!!
الفيلم محتاج تركيز كويس جداً عشان تقرأ الاسقاطات اللي جواه، عشان مع تتابع الأحداث هتكتشف ان القصة مش زي ما هي باينة في ظاهرها وهتكتشف إن [بادريك وكولم] مبيمثلوش نفسهم إنما كل واحد فيهم بيمثل فكرة [الشخص اللطيف والشخص اللي يخلده التاريخ]
وده هيتجلى صراحةً في مشهد النهاية في حوارهم مع بعض، هتلاقي ان مفيش حد منهم قتل أو انتصر على التاني لسه، يعني الصراع ما بينهم لسه قائم وهيفضل قائم…
عشان فيه ناس هتختار تبقى لطيفة زي بادريك
وناس هتختار تبقى تاريخية زي كولم…
الفيلم عظيم لأقصى درجة على كافة المستويات وبيلمس نقطة عميقة أوي جواك، الفيلم نجح بامتياز في انه ينقلك لجزيرة إنيشيرين وانت في مكانك ويعيشك نفس حالة سكان الجزيرة.
من اجمل اعمال هاد السنة، تحفة سينمائية
2nd best movie in 2022 for me 🤍 you’re dull 😂
عندما شاهدت الفيلم لم استطع وصف شعوري تحديدا، فيلم عظيم وخالد .. خاطب فينا قضية وجدانية شعورية نتشارك فيها جميعا كبشر ..وربما لكل منا قصة كهذه فجميعنا في وقت ما كان صديقا
مع كل احترامي
فيلم مضيعة وقت
سمحلي خويا فيلم غامل و تافه و ممل و ما عندو حتى معنى
فيلم كئيب جدا