×السلام عليكم، ان شاءالله ح نروح ماليزيا kuala Lumpur بالضبط .. عندي اسئلة ايلا كاين لي يعرف يقولي :
– وش هم الطرق باه نلقا billet d’avion باقل سومة .
– وقتاه يكون الجو مليح !
– ف قداه ن يوم تقدر تحوس فيها.
-نقدر نحكم billet من تونس ؟ لانو لقيتها ارخس خلاه .. و ما يكون حتى مشكل؟
×من ماليزيا حابة نروح ل بالي مثلا ولا تايلاند.
– ويناه احسن لي راحلهم من قبل؟
– و billet نحكمو من هنا ولا من تم ؟
– بالي لازم الفاكسان ؟
– الفيزا ليهم ل زوز ب كم و ايلا مضمونة و هل يلزم من هنا ولا نقدر من ماليزيا ؟
– كيفكيف وقتاه يكون الجو مليح فيهم الاثنين .
×و ايلا عندكم نصائح ..شكرا.
#help
شوف فاليوتيوب تلقى كلش
انا مشيت لكوالالمبور… بطريقة حرة و ليست عن طريق رحلة منظمة.. كوالالمبور شابة بزاف… تشوف الجانب الأسيوي من العالم
كل شيء مختلف : اللغة الخضر و الفواكه الإستوائية اللباس و حتى المناخ درجة حرارة ثابتة طول السنة…
شفت أماكن رائعة twin tower مسجد نيقارا birds park. و صليت الجمعة و الخطبة كانت بالماليزية ههههه
و بعدها مشيت لجزيرة لانكاوي بالطائرة سجلت عادي من الأوتيل للي كنت فيه و سافرت..
بلد متطور جدا و كلش ساهل فيه..
حظ موفق
Éviter de partir en été il pleut. Pour tous les visas il faut les prendre dans les ambassades de ton pays
البيي شريه قبل ب ثلاث اشهر يكون شوي رخيس . شوف مع التركية ولا القطرية . بالي دير خسابك ولات بفيزا الكترونية وجدها قبل . كانت لازم دير فاكسا ضرك نرمالمو نحاوها من كوالا لبالي روح مع اسيا ارواي رخيسة واحد لميتين دولار . بصح باكاج كبير مكانش
تايلاند مزال مروحتش بصح مم هي شابة و تقدر تروح بالقطار من كوالا . و لازم فيزا قبل الكترونية فيها دوسي لي لازم توجدو كي تكون هنا
الجو لمليح من مارس حتى لنهاية سبتمبر