آخر ديسمبر لي فات تلاقيت مع واحد نعرفو و الحاجة الأولى لي قالها .. شيكو سمعت بلي درت عمرة !! قالي مبروك عليك !! بصح لوكان جيت في بلاصتك انا ما نروحش !! قتلو وعلاش !! قالي دراهم العمرة لي رحت بيهم يخلصو بيهم أمريكا 🙃 .. .. …. إلخ ، وقتلو نتا رحت درت عمرة !! قالي لالا !! قتلو رحت لأمريكا قالي لالا !! قنلو رحت لكاش بلد أوروبي !! قالي لالا !! قتلو نتا منين نعرفك جامي رحت عمرة ولا هوليداي لكاش بلاد بالرغم عندك جواز سفر بريطانيي .. نتا ما ربحت لا دين لا دنيا و الآخرة الله أعلم و خليتو .. من هذاك النهار ما زدش تلاقيت بيه .. من جميع واحد يقوللكم ما تروحوش للعمرة و الحج و الحكاية هذيك هدا شخص سلبي و راح يآذيكم نفسيا و غير نحوه من حياتكم 🤷🏻♂️
Posted in Tourism
اكيد ربي يهدينا
واحد كيما هذا مايستاهلش تحكي عليه أصلا … باينة شكون راه على حق
عايشلك حياتك اكثر من حياتو. …. و كي تريبونديلو ب واش لازم يقولك علاش تجبدلي يما
شغل السعودية فقرت بقالها غير دراهم العمرة تخلص بيهم أمريكا.
Chapeau 👏
نيفو بزاف كبير 👃 يدخل في حياة ناس هادا 😂
قولو الحج و العمرة حبسو عامين في كورونا
شفنا قوارب السعوديين هاربين بعد ما قاسهم الفقر
و امريكا اعلنت افلاسها بسبب نقص الدعم من اموال الحج
تقريبا نفس الحكاية صرات معي لكن من الجانب الايجابي
واحد قالي راك سافرت بزاف بلدان غير السعودية مارحتش بصح راني معاك لان الداراهم الي تخلص بهم يدعمو بهم امريكا و اليه. . ود
ايا قلت له بارك الله فيك راك فكرتني في حاجة لطالما فكرت فها لكن مكتوب الله اجلها املا الشهر الجاي نروح ايا تشوكا ملا كما كان الحال و قلت له النبي صلى الله عليه وسلم قال انما الاعمال بالنيات و انما لكل امراء ما نوى
انا نروح بنية لله و الدراهم يديرو بهم واش يحبو
اللهم ارزقنا الاخلاص في القول و العمل
كون يديرولهم العمرة باطل يقولك امريكا راهي تخلص فيهم باش تستهدف المسلمين
كي يكتبلي ربي عمرة إن شاء الله ويجيني إنسان كيما هذا نلعبلو بقدرو ونغسلو ونقشقشو باش نعاودلو التربية ميزيدش يغلط مع الناس
مداخيل الحج و العمرة يمثلون فقط 7 بالمئة من الناتج الإجمالي للسعودية
كاينة كاين ناس معيشة روحها في حبس و يبغي لتبعه ،ماشي مشكل مادي و لا امكانية مشكل عقليات
بزاف عباد تسقيه ما هو حلمك يقلك أدرس في أمريكا واحصل على جنسيتها والإقامة وأعيش فيها..
وتسقسيه وعلاش تكره السعودية؟
يقلك لأنها عميلة لأمريكا 🤷♂️
هادو نفسهم لي يحتفلو بيناير ويقولك دع الخلق للخالق وحبينا غير لمة العايلة
ارامكو هذ الشهر دارت تراجع ب 40 مليار دولار ف الارباح هههههههه ميزانية تاع بلادنا في عام يستنا درهمنا باش مدهم ل امريكا من اكبر خمس شركات ف عالم 4 الاخرين تاع امريكل … مهم ل يهدرو هذي الهدرة هما نفسهم ل قالوو ابنو سبيطار ماشي جامع و نعرفوو شكونهم .
أجلووود 😆😆
في بعض الحالات تلقى ناس عايشا حياتك ونتا ماعلبالكش 😂
مركز الإشعاع السلبي…كي تلقاه دير كيثمان ودير روحك شغل كي لي ماشفتوش
مزال كاين عباد يهدرو هاذي الهدرة!؟ 😰
دير عمرة🕋 رب يفتح عليك ✈️🌍🌏🌎 العالم
شغل كي تروح للعمرة تخلص ، حق الفيزا ( كيما أي بلاد) حق الطيارة ( كيما أي بلاد) حق الفندق ( كيما أي بلاد) حق الاكل و الشرب ( كيما أي بلاد ) متخاصش حق الرعاية الصحية ( لي تخلصها في أي بلاد) حبييت برك نفهم وينهم الدراهم اللي راني نمد فيهم السعودية باه يمدوهم لمريكان, السعودية اللي تنتج في اليوم 12 مليون برميل نفط ٫ دوك تحبهم متحبهمش هذاك مشكل ديالك ، ماشي مسلم و عندك مشكل مع شعائر الله هذاك تان المشكل ديالك ، و لكن رجاء اضبطوا الفرفارة، و ارتقوا فإن القاع مزدحم يا جماعة
العمرة واجبة على فكرة. لي عندو دراهم لازم يروح كيف الحج
الواحد حلم حياتو حجة 🥹 واش دخلني انا دراهمها وين يروحو المهم الواحد يلحق ل هداك المكان
بهت الذي كفر 🤣🤣🤣
بعيدا عن عبارة سوارد العمرة تديهم أمريكا…إلخ
يخي سواردك و نتا حر واش دخلو فيك واش دير بيهم 🤦♀️
هذا مثال على الإنسان الغيار الحسود لي لازم تحصن روحك منو . على خاطر راهو يهدر هك كي ما صلحتلوش لا من لا من.
اخلى شيء عمرة فالصغر ربي يرزقنا اياها كامل. كامل يفهمو العمرة ولا الحج انقطاع عن الدنيا وهي ليست كذلك
الاغلبية حاسبين العمرة نافلة و حاجة زايدة و تحويسة الحكم تاعها راها فرض و واجبة مرة في العمر اذا توفرت القدرة عليها