أفكار غريبة .
أحيانا تتعجب من النداء للسياحة بالجزائر .
الجميع يرحب بهذه الطريقة :
مرحبا بكم البنزين عندنا رخيص والخبز شبه مجاني ؟؟؟؟
ستسافر بسيارتك عند ملئ الخزان من شرق الجزائر لغربها ب 20 دولار فقط ؟؟؟؟؟
لا مشكلة مرحبا بك في منزلي ولا داعي للمبيت في الفندق ،سأشتري لك ما لذ وطاب مجانا .
هل تعلم أن هذا البنزين مدعم من الخزينة العمومية ؟؟؟؟
كذلك الخبز والزيت كذلك
🌳🌾في نفس الوقت كيف يتم الإشهار للجزائر كوجهة سياحية؟؟؟؟
ليس بالمرافق المتطورة والمنازل والمطاعم الفاخرة بل بهذه الطريقة:
شعب مضياف يستقبلك في منزله ولن تدفع شيئا ،ستسافر طول الأسبوع وسيستقبلك الجميع .
ما هذه المفاهيم المغلوطة ؟؟؟
وما هدف السياحة أصلا ؟؟؟
السياحة هدفها تنشيط الإقتصاد وإدخال مال أجنبي للبلد وتسويق منتجات زراعية و غذائية وتحف وتوفير مناصب عمل .
يجب التفريق بين الضيافة والسياحة .
السياحة هدفها تسويق المنتجات ،تحصيل مال .
🌾أما الضيافة فشيء آخر وهي أن تستضيف شخصا أو عائلة مع تقديم خدمات الإطعام والمبيت كهبة لعلاقة أو كمودة بين فردين .
هل تقبل أن تستضيف جزائري فقير وتوفر له مأكل ومشرب ؟ ولكنه لا يملك سيارة lexus أو سيارة Toyota V8 ولا يملك جواز سفر أجنبي
بالطبع مرحبا بالجميع لهذا البلد ولكن يجب فهم أن السياحة بيزنس بالدرجة الأولى .
في نفس الوقت يجب على الإخوة الليبيين والتونسيين والمغاربة فهم السياحة في بلدهم كبسنس ،إذا أستقبلو جزائري كذلك يجب إقناعه بصرف الأموال في البلد .
يجب أن نتوقف جميعا عن السذاجة فالبلدان لا تتطور بهذه الطريقة ،يجب إيجاد طرق أفضل لتحصيل المال ،يجب الترويج للبلد ،لكن ليس من قبيل ” تعال لمنزلي ولا تذهب للفندق ”
#1001tourisme
#1001_سياحة
#1001_توعية
شفت واحد دار ستاتو نفس الفكرة تاعك قالولو نتا جيعان 😂😂😂😂
كوبي كولي من صفحة زراعة وقيل حتى ايموجي تاع لحشيش وجبتو معاك هههه
شعبنا كتن منغلق و جامي شاف علابيها يحس بالمفخرة كي يحكو عليه يا لكان يوتوبير اجنبي مجهري
معليش نتا حابس باش يجيك السواح لازم تبدا بالباطل يا حبيبنا ولازم تعرضهم يشوفو التقاليد هاذي تاني سياحة و يعرفو الضيافة الجزائرية ومن بعد تولي بيزنيس حنا هذا وين ديمارينا حبيتو تكسروها السياحة نتوما اعداء النجاح
أحسنت هناك فرق بين السياحة و الضيافة
عندنا خصلة تاع كرم وجود حاب ترجعها بزنس
يسمعو بيك ناس الصحرا وولاد نايل يربحولك العيب هههه
البنزين مدعم ؟
يا اخي مشكل سياحة باه يتحل لازم البنى التحتية و و و و بأه تقدر طبق وا راك تقول
بصح باه تجي تقول مدعم ما مدعم كل دولة كيفاه مثلا تروح ليبيا كيفاه يبعولك الوقود بالسومة تاع ناس كل ولا خاصة خاطر سائح والمواد الغذائية كيف كيف سما مكاش كيفاه….
اكرام الضيف والترحيب بالاخوة ليس سذاجة بل هو ايمان
تدخل العملة الاجنبية نهار يكون عندك مرافق اخي الطيب ، كان من الاجدر انك تكتب لتنادي بدعم الاستثمار في السياحة ببناء الفنادق والمرافق اما فيما يخص مبيت اخ ليبي حالة عادية في موسمها الاول والترويج للاخوة والعروبة واحياء الماضي الجميل بين الشعوب
تحياتنا
هي مكارم الاخلاق قبل ان تكون بزنس كما تقول. وليس هناك افضل من مكارم الاخلاق وحسن الضيافة لتروج للسياحة في بلدك
وليس من المعقول ان كل السياح سيأتون في ضيافة الشعب
مسافة الالف خطوة تبدأ بالخطوة واحد
لاتغلب المال على مكارم الاخلاق فتخسر مروءتك
ليس لصالح الجزائر تطوير السياحة الشعبية علي نموذج جيراننا. كلنا نعرف انا هذا النمودج السياحي له سلبيات اكتر من الايجابيات. علي الجزائر تشجيع السياحة لشريحة معينة ،( عشاق الصحراء، سياحة تقافية و اثرية,سياحة داخلية).
وتبقى خصلة الجود و الكرم من أهم المقومات المعنوية للإستقطاب السياحي و يجب استغلال هذه النقطة الى حين استكمال مرافق الإستقبال و الخدمات السياحية… بفكرك هذا انت تريد قطع دابر السياحة و هي في مرحلة النمو
انت عندك 0 سياحة
مافيها والو تبدا السياحة كيما هاك بالضيافة و الترويج لنقص الأسعار مقارنة بالجارتين
من بعد كي يكثرو عليك السياح ابروفيتي ودخل الدراهم من السياحة
وزارة السياحة ماشي معمرة راسها تاكل وترقد أنا غادي نعمر راسي بالسياحة تاعكم 😏
الجزائر لا تستهدف السياحة والدليل الفيزا من اصعب الفيزات في العالم..اما الليبي والتونسي هم اخواننا ولا مشكل ان نستقبلهم في بيوتنا
ثالثا البنزين في ليبيا ارخص من الجزائر
كش واحد اجنبي تعرفو جا بقا ٣ أشهر فبيت جزايري وعاش باطل؟!
هذي مزال ماجاوش نضتو تسبو الشعب ربي يهديكم
منقول ؟ و لا نتا ل كتبتو ؟
من تالي مشكل الجزائر السكوار لا دعم لا والو
الدنيا موت قاعد تخمم على البزنس كل التجارات لها خسارة إلا التجارة مع الله والمعاملة الحسنة احسن من التصنع لاجل المال
دال تعيطو على بنزين ومزوط حتى تسمع غدوا 10 الف لترا ماش كل واحد يقفل فمو خير
العبد علاجال السياحة ما يديرش الخير يخي تم نهار ولا نهارين مش حياتو كاملة؟ وزيد وينهي المرافق لي تحكي عليها ؟ كاين كعبات يصلحو الباقي ربي يجيب
كي يستقبل زائر باين السائح راح يقعد نهارين ويعول على صواردو مش على المستضيف وزيد نهارين ولا وش كاين ويبدل المنطقة وراح يدي معاه لا كثر المستضيف كمرشد وفثط … يعني ما تزيدوش عليها وكل واحد حر
الكوپي كولي مش مليح خويا والعنب ما ياكلش بالحفنة
كلام صواب حتى الدولة لازم تحشم على روحها وتخرج من النشرة تاع الثامنة…… على الأقل نقاط معتمد لصرف العملة ولا ايجيك السائح تبعثو للسكوار والسوق السوداء
هذه هي الهدرة تع الكهول
كي يكون كل الموسسات تاع الدولة ماشي وماشي خسارة في بلادي مي رانا نشوفو كلش بريفي الشط وحاكمينو صحاب الكاشيات ولادروق وتقولي السياحة فالجزائر مكانش خويا انا لكان يجيني واحد اجنبي نستقبلو في داري وندير معاه الواجب وبلوشي قاع بلاك تقيسني القدرة ونروح لبلادو هو يدير معاك نفس الجاست ولا حبيتو صحاب الكروش لكبار هاذو لي مايشبعوش يشلفطوهم بلسوام الخيالية احشمو خليو الناس تدي الثقافة تاعنا حنا كشعب مضياف
اخطيك من قطاعة السياحة يسهلو برك للمغتربين يدخلو بلادهم عندنا 4 ملايين مغترب يدخلولك عملة صعبة سياحة الاجنبية جيبلك الفساد برك
فالبلدان لا تتطور بهذه الطريقة
حتى بانلي مول ستاتو صاحب فندق وخايف من الشعب يوخدوه من شدة الكرم تاعهم وهو يفلس باينة فلول الناس تعرض الاجنبيين بهذه الطريقة وفيما بعد كي يعرفو بلادك مليح ويتيقو في شعبها ساع ويلقاو كل المؤشرات السياحية ام وحدهم يوليو يجيو ويجيبو صحابهم بلا مايتعرضو للديار كيما قاعد تقول
و أخيرا وجدت من تكلم بمنطقية و بنظرة اقتصادية …
المنشآت يشهرو بيها اماليها والوكالات السياحية .. الفنادق والمنتجعات.. ماشي مواطن بسيط جامي زارها أو سمع بيها …
هذا شعب كي يكون مخلوع في الاجناس
الضربة الكبيرة كي يصرفو العملة في السوق السوداء….
قتلتونا بالكوبي كولي
حنا الزيت ملحقناش عليه😩😩🤔
ماعندناش مرافق سياحية تخلي اي سائح يحب يجي ادا ماجبدناهمش بهاد الطريقة مع لول وأكرر مع لول كفاش راح نجبدوهم 🤔 بصح ادا قعدنا هكا تماك الكارثة
لماذا لا يقومون باستحداث مكاتب تبيع تيكيات تعبئة البنزين للاجانب …وعندما يتقدم الى المحطات يكفي أن يظهر التيكي تاعو برك ويكون بسعر مخالف عن السعر الذي يدفعه المواطن
هل يعقل أن يكون أجنبي و يعمر البنزين كيفو كيف المواطن 🙄
في بلادو مايعمروش بالثمن لي يلقاه فدزاير
أستغفر الله العظيم
لا ماشي بهذه الطريقة يتم تشجيع السياحة هذا يولي تسول و مذلة
لا غريب في الأمر ترويج رائع و لا إشكال في البنزين مدعم و ما الى غير ذلك…،البنزين يدفع الثمن نتاعو السائح بالدينار الجزائري أي أن الدولة تستفيد من دخول العملة الصعبة و انتعاش احتياطي الصرف فيما بعد…
ميفهموش عليك
هذا بث تجريبي برك أمبعد تتبدل العقلية 😁
لنترك العاطفة جانبا ونكون واقعيين ونضع الأمور في نصابها وفقط.
اجمل منشور توعوي قريتو في 2022 👏🏻👏🏻👏🏻👏🏻
غي ماتاكلش راسك هاد سواح ماغاديش يجو يباتو عندك ولا ياكلو ف دارك بالعكس هاد تصرف يشجع سياحة في الجزائر
مشكور اخي الكريم على المعلومات الاقتصادية
سؤال موالف تشري الدلاع ؟ عمرك ذقت فرماج باطل في مارشي عمرك سمعت بحاجا اسمها ترويج ؟!!
سياحة سوسيال.