إن شاء الله الستاتو هذا يلحق لقاع الجزائر .. التسيب لي راهو في قطاع النقل البحري ما يعلم بيه ربي ، هذو لي حاكمين Algérie ferries راهم دايرين أرباب على الشعب الجزائري .. في عز موسم الإصطياف وين آلاف الجالية الجزائرية تحب تهبط لباد ، باخرة طارق إبن زياد راهي في اليونان للصيانة عندها من 13 جويلية و هيا تماك ، باخرة طاسيلي 2 كانت في مرحلة صيانة في اليونان و راهي راجعة , كراو باخرة mobi dada من إيطاليا و عندها يومين حبست في وسط البحر و الآن راهي في ميناء أليكانت حابسة ، كاين مئات الجزائرين جاو من كل الدول الأوروبية باش يهبطو لبلاد راهم بايتين برا في أليكانت و شاف ديسكال داير فيهم شيكور .. كاين باخرتين فقط لي راهم في الخدمة باجي مختار و الجزائر 2 !!! نفس المشكل يتكرر نفس العام !! هذو المسؤولين عندهم الجزائرية كيما حنا ولا يكرهو بلادهم لهذي الدرجة !! يا هل ترى هل الدولة و الحكومة الجزائرية علابالها واش راه صاري في الجزائر و خارج الجزائر !! هل الجزائري رخيس لهذي الدرجة ، حق ربي غير مهزلة 👏🏻
Chico Bayou
اول و آخر مرة ركبت فيها بابور تع طارق بن زياد في 2007 ملتم حلفت مانزيد ندي بابور للدزاير .. سوء تسيير نقدر نقولك تحت الصفر
شعبنا يتبهدل فكامل وسائل النقل ،الانسان يلقى روحو مذلول و هو بدراهمو
كارثة ، غياب تام لوزارة النقل
اولدي هادو راهم شواكر مكانش لي يحسابهم واصلا مايحسبو لحتى حد
نقل حراقة انشط و انظم منهم
تدخل لصفحتهم فالفايسبوك تهبل كل الرحلات يا إما تؤجل ليومين او ثلاث ولا تقدم بيومين او ثلاث و جد عادي بدون سبب و يغلقو التعليقات ( و هاد الشي على مدار السنة)
كارثة.
شعب باغي على روحه … في كل المجالات راه الاضمحال
Vive corsica
علبالهم بكل صغيرة و كبيرة بصح حابينها هكا للاسف
Chof ness raha dji fel chta trayah m3a les parents 2 semain tchof hbabhom familia basah fel sayf mrahoumch yjo l’Algérie ala jal had swalah ness raha trgad lototha troh Portugal wala l’avion la Grèce wala kach bled