الرحلة الثانية ١💣💥💪
والي كانت بدون وجهة يعني مخططنالهاش طول 🤓 حتى لقينا رواحنا في طريق قرباز ايا من ثم بدينا نحوسو على على كاش بلاج باهية تستاهل نروحولها🏖
حتى طاح المغرب🌅 لقينا رواحنا في واد الصابون التابع لفلفلة مدينة سكيكدة🏝 . سقسينا مول الباركينغ على كاش بلاج ايزولي قالنا كاين بلاج الريحية وقالنا مننصحكمش.🤔 باتو هنا والصباح روحولها على خاطر الليوم واحد ماهو بايت فيها
هههه قلنالو عليها نحوسو😁😁😁
ايا ولا عيطلنا على مول لفلوكة⛵️ بسم الله تكلنا على ربي وديمارينا لحقنا معى طاحت الضلمة قدد يخي لقينا رواحنا وحدنا وربي سبحان الله وحد السكون متتخيلوش🌄⭐️
لحظات تعاش ولا تحكى🥰❤️ قد ما نوصف وقليل المهم نصبنا ليطونت🏕 تاوعنا تعشينا وصلينا واعطيناها برقدة🥱🥱😴. منشفاش وكتا رقدت كيفها في حياتي 😅
الصباح كي نضنا بكري صبحنا على وحد الشروق ولا اروع 🌅
صلينا 🧎 وهزينا فطورنا🍳🧃🥐 والماطلة وديمارينا للمسبح الاسطوري اللي جاي معى جنب لابلاج تاع ريحية واللي تروحلو عومان . سبحان الخالق واش يخلق مسبح طبيعي ولا في الأحلام يبكي لي معامش فيه 😁😁 Badro Badro
المهم منطولش عليكم كنا راح نباتو ليلة يخي لقينا روحنا بايتين ليلتن بلاصة ماشاء الله قد متقعد فيها متكرهش وكانت من أروع الخرجات لي خرجتهم في حياتي
انتظرونا فالرحلة القادمة ان شاء الله
المهم لي يروح للبلايص هذو ميخليش الوسخ موراه 🚯🤬
