السلام عليكم ، اريد نصائح من ذوي التجربة او المختصيين
انا مقبل على الزواج و بصدد شراء الآلات الكهرومنزلية التالية مع ذكر le budget
كليماتيزور : 7ملاين حد اقصى
كوندور – ميديا – ماكسوال (ولاية شمالية)
ثلاجة 75cm عرض : 8 ملاين حد اقصى
رايلان -بيكو-كوندور
غسالة اواني : 7ملاين
براند ارينا -كوندور -رايلان -بيكو
غسالة ملابس : 7 ملاين
رايلان اوزون -كوندور -الجي -براند
فور اونكسترابل غاز كهرباء 6 حد اقصى
رايلان -كوندور -اريستون غالي
ميكروند اونكسترابل : 5 حد اقصى
رايلان كوندور اريستون
بلاك : 3 ملاين حد اقصى
رايلان كوندور
نصائحكم من ناحية الماركات الاقل سعر من الحد الاقصى من فضلكم
#1001info #1001help #électroménagers
Posted in Tech
ربي يكون في عونك ويسهلك ان شاء الله
نصيحة…ميكروند من الافضل…تشري بومان الماني….احسن…اما بهاذ السعر لي راك حاطه….بزاف…كتاجر
نصيحة فيما يخص الثلاجة. اخطيك من non frost اذا ميش من علامة LG او samsung. اما اذا تشري عادي frost فكل العلامات متشابهة لكن beko او iris هما الأفضل.
الغسالة، brandt ( ٦ او ٧ كلغ) هايلة.
البقية ،ليس لدي فكرة
الفور تاخذ رايي جيب اريستون مام غالي
و ما تجيبش ميكرووند
رايلان اخطيك منو
Med Amine Fdl ahder m3ah
بالنسبة للثلاجة عندنا كوندور شريناها من خمس سنوات جيدة جدا
ميكرووند مهوش حاجة ضرورية فالبداية يعني تقدر تستغنى عليه وتوفر دراهمو لشيء آخر مادام مقبل على الزواج الا اذا عندك قدرة مالية وتقدر تشري كلش
ربي يسرلك أمورك
ربي يوفقك فالزواج كما وفقك فالتنظيم
ابعثلي خاص اخي
Lave vaisselle Ariston 👌 sinon Beko chekro fiha teni
كي راح تشريلها هذو كامل علاش تزوج😂😂
وش غسالة أواني هادي ! او يديها وش يديرو ؟
Climatiseur condor frigo+lave vaisselle +lave linge beko micro-ondes iris plaque cuisson cobra les meilleurs qualité prix
من ناحية التجربة فيما يخص الثلاجة رايلان هايل شريناه عندو عامين مارك مليحة
و غسالة الملابس ننصحك ببراند كوندور اخطيك منها
ولابلاك ننصحك بجيون حنا شريناها بثلاثة و نص
و الفور ثاني ننصحك بجيون حنا شريناه بربعة و نص
اريستون لي مجربينهم قالو ماش ملاح ميحمروش الماكلة مليح فيه شحال من ديفو
ميكرووند ثاني ننصحك بجيون شريناه بزوج و نص حنا هذو شريناهم مع بعض عليها شرينا نفس لامارك جيون و ننصحك تشري ماركة وحدة متضالش تخلط من و من
ربي يعينك
السيد طلب نصيحة من حيث الماركات المليحة مقارنة بسعرها المناسب .. الناس قاعدة تفتي ف التعلقيات وترايي عليه تحسب مرتو 😅 الله يهدي ما خلق
ربي يسرلك خويا و يهنيكم
ولي راهم يشركو على فامهم او جاوبو قد السؤال متقعدوش تطلقو في فهامتكم متدخلوش بينو و بين مرتو وش راح يديرلها ما كان ما دخلكم مكسرة اليدين ولا خايبة ولا حاجة اخرى مكمش رايحين تخلصولو من جيبكم ولا قالكم صدقوا عليا و خصوصا لبنات كالميو روحكم حكمتكم الغيرة وقيل يخي حالة فيكم يخي السيد يسقسي في الشمال و هما يجاوبو في الجنوب
ثلاجة رايلان هايلة..راهي عندي فايت ثلاث سنين ماتديرش لاقلاص و ماتديرش الحس
اشري pack احسن
وش راه يستنى فيا 🤦
بطلت مانتزوجش
Fares Sadoune
شوف عند هذا سلعة و سومة تفرح نسيبتك
ميكروووند: علاه يعني علاه وش درتلكم انا راكم كامل عڨابي يا بن عميييييي 🤣🤣🤣🤣🤣
كليماتيزور ميديا
فريجيدار بيكو (اخطيك من كوندور و جيون)
كويزينيار اونيام ولا جيون مقبولين
ديرني في الراي شريك اشري باك