السلام عليكم ،
اليوم نهدروا علي ماريكان .
أولا: الفيزا ساهلة واعره ، لازم تدخل للموقع الرسمي تعمر فورمولار D160 و صورة بمقاييس معينة. أهم شيء كون صادق خطكش الصح كاع نهار الاستجواب، حاول تروح لابس مليح ، كن مبتسم خطكش الامريكان ناس جد طيبين عكس ما يمكن تتخيل ، جاوب بكل صدق متكذبش و ان شاء الله فيها خير .
الاسئلة نهار الاستجواب بسيطة: وين تروح لمريكان ؟شحال تريح ؟ تخدم ؟ واش تخدم ؟ عندك عائلة و اصدقاء في المريكان ( العائلة عندهم الاخ ، الاخت ،الوالدين اما الباقي ميتحسبوش ) ربما وجود العائلة و الاصدقاء تكون نقطة سلبية . مزوج؟ ….
معلومات : ماريكان مافيها حتي وثيقة و لكن يمكن أن يطلب لك كل الوثائق ليحب، مثلا : شهادة عمل ، كشف الراتب، عقد زواج….
معلومة 2 : هناك بلدان اذا زرتها من قبل الفيزا سوف ترفض بنسبه كبيرة ، سوريا ، ايران ، السودان ، ليبيا ، كوريا الشمالية ، العراق ربما نسيت بلد و له اثنين .
اما تكلفة السفر انا سقاملي كلش ألف اورو أسبوع في نيويورك ، رقدت في مرقد في منطقة مانهاتن غير مخطلط المرقد في الغرف يسما يصلح للبنات، اما الاكل من ثمنية الي عشره دولار . النقل الداخلي 33$ اسبوع نقل غير محدود طيلة الاسبوع.
تفرجت لقاء في كرة السلة nba ب 70€ ، تشوف تمثال الحرية 13$ .
و هناك أشياء مدرتهاش كيما تطلع لكاش ناطحة سحاب و تشوف كاع نيويورك تحتك .
في الاخير ان شاء الله نكون فدتكم شويا . و شكر خاص للشعب الماريكان ناس ملاح بزاف يحوسو يفهموك، ميخدعوكش، و تحسهم فرندلي و ناس ملاح عجبوني شكر خاص لهم .
نسيت في الحدود ماسقساني و له سؤال قالي برك تريح شهر قولتلو لا لا اسبوع ، كاشالي الباسبور و يكتبلك تاريخ لي لازم تخرج من ماريكان اغلب الضن ستة أشهر.
ممكن الاسعار المذكورة قبل كورونا ضركا زادت بنسبة ضئيلة . حاليا راني في Brayant Park اذا جيت ليه من قبل 🙂
تعمر فورميلار ودير موعد وحدك ؟؟ كلش في سيت ؟؟؟
بارك الله فيك على المعلومات
من كثرة لي راح نكون صريح نقولو نعيش فيها مانوليش 🥰 ياك راك متاكد يحبو الصراحة ماندخلش في حيط ؟
منشور بسيط ومفهوم بارك الله فيك
والي كان يروح لسوريا قبل الحرب أيضا قادر يقابل بالرفض
ارجوا جواب على هذه الاسئلة من فضلك .
1000 اورو فقط لمدة اسبوع ؟! – و شعال نقاملك النقل من الجزائر الى أمريكا.
و كون يعطوني فيزا ممكن نعيش فيها حراڨ ؟
بصحتك اخي ان شاء الله نزوروها هي و مصر و السعودية
منشور يفتح الشهية للسفر😍
وشمن موقع؟
بصحتك خويا
Abim Hastings شوفي
تقدر تروح لدولة مثل إيران او تدي الفيزا شؤط أنك توضحلو واش رحت تدير فيها
صلحلك ماتش nba في اشهر قاعة فالعالم msg
بصحتك أخي منشورك يطلع المورال لعقوبة لينا يارب
بصحتك حلمي نروح لتايم سكوير ونتفرج فالاجناس البشرية كلها في بقعة واحدة ❤️
بصحتك التحويسة عقبالينا
من 2017 و اهبط كانت مليحة بتحراش تديها مي ملي قلع الحراك و. و. و صعابت بزاف دفعت في 2018 جازت قبلي طبيبة زايرا كامل العالم خوها طبيب في بوسطن بكوغطو بعتلها انفيطاسيون و محلبوهاش كاين قدامي لي كانت عندهم فيزا كندا و انجلترا و مداوهاش صعابت بزاف انشاء الله تتريقل في اقرب الاجل و ربي يوفق كل واحد
Enjoy ur time
مي حسبتك بالغت شوية في مدح الشعب الأمريكي
بصحتك خويا
بالاك كاش. نهار إن شاء الله يحالفني الحظ و نزورها
العقوبة ليا ❤️
Raina Uchiha
wach rayek ? ❤️
تطلع ل empire building estate تشوف نيويورك كامل ، الطابق 83 على ما اعتقد ب 76 دولار و إلى تطلع للطابق 103 ب 100 دولار او اكثر .
نقدر أيضا دير تجربة في الهيلوكبيتر لمدة نصف ساعة ا ساعة ب 100 دولار .
صراحة نيويورك مدينة أعمال أكثر منها سياحة حسب تجربتي بها .
يقولو كي تكون عندك فيزا تع الماريكان سارية المفعول و تدفع طلب تأشيرة شنغن يعطيوك شنغن ديراكت ..
زعما صح ولا غير هدرة ؟
سؤال آخر في السفارة الأمريكية عند طلبك للتأشيرة لازم تحكي معاهم بالإنجليزية ؟
بارك الله فيك اخي
حابة نسقسي حاجة
خويا حكالي على واحد راح ل تما قالي لفيزا لولا يمدولك ستة أشهر و يشوفو دراهمك ف الحساب البنكي ايا كي راح السيد هدا ريح 5 اشهر قريب 6 و عاود ولى ، كان يخدم تما اونوار يغسل لماعن و ڨع
المهم كي ولى ريح عام و عاود دوموندا لفيزا رفضوا يمدوهالو كي استفسر قالهم ياك وليت في الوقت و مادرت والو قالولو المرة الأولى كي رحت الدراهم لي كانو عندك ما يعيشوكش 5 اشهر ف لماريكان و هذا معناها كنت خدام بلا ما تديكلاري ايا من تم مازادش شاف لماريكان
اسكو هاد الشي صح؟
يعني من فوق d160 مفيها لادوصي لا والو؟
يعني غير تديه معاك يوم المقابلة كاحتياط؟
سما مشي كما الفيزات لوخرين
الحاجة الوحيدة لي تغيض كي تروح لماريكان هي انك متقدرش تشوفها كامل لانو مراح يكفيك لا وقت و لادراهم خاصة انها عالم وحدو منفصل على بقية الكوكب
من فضلك شعال تكون الشهرية ديالك باش يعطوك فيزا؟؟
خويا تبالي انا الرابع في التعليقات لي طلب رابط طلب الفيزا، ارسلنا الرابط من فضلك هو الرسمي في المنشور و بصحتك خويا لعزيز ❤️🌹
الاستجواب باي لغة
Hay Them الحلم 🥺😔
بصحتك خويا
نهار الاستجواب تلقى دزاير كل تم ، الصورة لي حكا عليها يديرها الصوار مي شفت ناس ماجابوهاش معاهم و مكنش مشكل، الامريكين مهوسين بحاجة اسمها الsecurity شاكين في روحهم ديما.
نييوورك تقدر دير فيها حاجات ملاح اخرين ثاني كيما انك تروح تتفرج حلقة في برنامج Dr. Oz مجانا غير سجل قبل ماتروح لكن اضرب حسابك مدينة غالية جدا “ماتحبش الزوالي 🤣” اما الطرونسبور غالي يقتل جرب الميترو و احذر السرقة ، راح تكتشف بللي فيها قلة النظافة كلما توغلت في منهاتن تع الصح مش تع ناطحات السحاب
وتقدر تستغل الفيزا هاديك للعمل؟
شكرًا جزيلًا خويا على هذا الشرح المفيد و المبسط ، يعطيك الصحة