السلام عليكم
احبيبت اشارك معاكم اخر خرجاتي في الاطلس البليدي حيث زرت شلالين في خرجتين متتاليتين 😁
ايا كملنا معا العربية نولو لدارجة
كانت الخرجة الاولى الجمعة في اتجاه كراش طريق شويا طويلا وزيد كانت سخانة رحنا ستمتعنا بجمال الاطلس وزيد السباحة شخصيا عانيت شويا فالعودة راني من قبل رمضان تفريبا ما درتش روندوني وتعرضت لحروق في وجهي مشمس ما كنتش داير حسابي 😞
الخرجة الثانية كانت اتجاه تامدا ايفري او كيما نقولولها السراطة هذا مكان معروف في بليدا كامل كنا نروحولو كي كنا صغار غلقوه اصحاب الاراضي لاسباب خاصة منيش هنا ماش نروم لي غلقو ولا لي كان سبة باش يغلقوه بتصرفاتو الغير محترمة
المهم كان عندي حوالي 10 سنين من اخر زيارة ليه فلول ما عرفتش طريق مبعد لقينا روحنا من ايجابيات كي غلقو المكان انو ولا نقي بزاف وطبعا يقدر اي انسان يزورو بشرط يلبس لباس محترم ويحترم سكان المنطقة فلول راح يردوك لكن اذا حكيت معاهم راح يخلوك تفوت
هاد الخرجة ما عانيتش فيها بدنيا وكانت يوم الاحد عانيت ذهنيا فلول خفت ما نلقاهش لكن كي لقيتو ريحت كان يوم ممطر وشباب بزاف
ملاحضة : زرت المكانين لقيتهم نقايا وخليتهم نقايا مافيها والو كي تخلي بلاصتك نقيا يجي نهار وترجع تلقاها نقيا
شكرا عاى قراءة النص وربي يحفضكم نلتقي في كاش وجهة اخرى عن قريب 😍
ايه الصور حقيقية بدون تعديل
بصحتك…..كيفاش طريق باش تروحلهم أخي ؟