السلام عليكم الاخوة راح نخوض تجربة فريدة وهي استكشاف الصحراء الجزائرية مرورا باكثر من 20 ولاية /ومسافة تتجاوز 6000 كم🌴☝️✅
اي شخص عندو تجربة مشابهة يعطيني نصائح ممكن تفيدني في الرحلة وشكرا 🤍🇩🇿🇩🇿🇩🇿🇩🇿
Posted in Tourism
السلام عليكم الاخوة راح نخوض تجربة فريدة وهي استكشاف الصحراء الجزائرية مرورا باكثر من 20 ولاية /ومسافة تتجاوز 6000 كم🌴☝️✅
اي شخص عندو تجربة مشابهة يعطيني نصائح ممكن تفيدني في الرحلة وشكرا 🤍🇩🇿🇩🇿🇩🇿🇩🇿
اذا راك حاب تستكشف الصحراء تاع الصح لازم تدخلها داخل ماشي على الطريق ممكن تشوف خمسة او عشرة بالمية فقط
كاين مقطع جانت تمنراست صعيب ياسر لازملك gيد وسيارة اخرى معاك
وزيد ولايات كيما تمنراست وجانت ماراكش كل عام ترجع ليهم
من الافضل تروح على الاقل لسيفار في جانت واسكرام في تمنراست
وبالتوفيق وربي يسهلك ان شاء الله
كيما وين راك داير ادرار بشار ننصح خويا دير دير ادرار تيميمون او اخرج على طريق البنود روعة مكسلة او تمشي تروح البيض بريزينة روعة خير من بشار ولا تحب تروح كرزاز لواتة بني عباس تاغيث بشار البيض واد ناموس بريزينة
كيفاش تستكشف الصحراء ونتا غرداية بوابة الصحراء ما درتهاش فالبرنامج ديالك
محرك نيفا لا يتحمل السخانة
وايضا الفرانات فالهبطة رد بالك
نصيحة مني أخي اديني معاك وخلينا نتوكلو على ربي
المناطق المعزول وخاصة الرملية لا تدخلها بدون guide كثر الماء ومفاتيح فك البراغي والبنزين الزايد
بالتوفيق وعيش اللحظات كل
يا خويا نوصيك حرز روحك و الصحراء مهيش كيما نشوفها في مواقع التواصل راهي صعيبة خذ كامل الاحتياطات تاوعك و كامل التدابير و اذا اول مرة تروح ل الصحراء استعين بأناس يعرفو المنطقة في كل مكان تروح ليه .. المهم هي تجربة جميلة و ممتعة تستاهل بعض من المخاطرة … بالتوفيق
ننصحك ما تروحش وحدك
اديني معاك
خذ معك مصاحف او حصن المسلم و وزعها و شوية صدقات لأننا نحتاج إلى الحسنات يوم لا ينفع مال ولا جاه
نصيحة ماتروحش وحدك اديني معاك 😂🤣😂😂
اسمع مني راني روحتها كامل
السيارة اخي لن تتحمل المسافة دي و المناطق ساخنة
ولا ترموا بأنفسكم ل التهلكة كم من واحد دار مغامرة هكا ومارجعش يا إما الطريق غبرتله وحصل فالصحراء يا إما السيارة تعطلت والريزو مكانش ..الخ.
وهذا يُعد انتحار وستحاسب عليه..
انا لست متشائم او سلبي لكن هذه حقيقة ومنطق ..
غدوة يخرجنا واحد يقولك راح نقطع البحر سباحة من الجزائر لفرنسا وكي يموت يقول كاتبة ، ايه كاتبة لكن تتمركا انتحار كيفك كيما الي قفز من الطابق التاسع هو يموت سور بلاص وانت تموت بعد ساعات يعني كيف كيف ..
نصحتي ادي معاك الماء 😜
داروها. بدراجة الهوائية. من وهران لتمنراست ومن تمنراست الى عنابة. ثم وهران
Zakaria Tourqui anashou golou ydir lghonia hhhhhh
متروحش وحدك هادي الحاجة الاولى وشاحن الهاتف وصحتك تكون مليحة، ادي معاك علبة إسعافات أولية،ودواوات باينين كما تع السطر الحملة القي الإسهال حاشاك، اكل معلب للحاجة كي طيح اونبان، وحلوة وومكسرات وبروتينات والماء دايما بزيادة مع البنزين وعدة التخييم وبزاف امور ادخل للمجموعة تدي فكرة وربي يطيحك فناس الكرم لي ميخلوكش ويحوسو بيك وتبقالك تجربة العمر لعقوبة لينا نجربوها
طريق السلامة
صلاتك جمع التقصير
كابل باتري
حبيلة خشيتنة باش تروموركي
دعاء السفر
عندي هاد التجربة طحت اومبان قعدت 6 يام فالطريق
الحاجة الأولى يااخي الدراهم ارفد معاك قيس كلش بازيادة وخاصة السيارة تاعك ادا صح تتكل عليها بعد ربي صبحانو
رفيق الدرب باش يعاونوك فالسوڨة
روتسوكور تكون مليحة
فريفي سيارتك مليح راهي طريق تاكلها ماكلة خاصة الاطارات
السياقة في الليل غير اخطيك منها راح تتوقع كلش
أدخل البلاد بماليها
انصحك اخي من جانت الى تمنراست طريق صعبة و أتحدث معك لأنني خدمت فيها انا فسوف تمر طريق المؤدية إلى تيريرين و من ثم هناك طريق راملي واعر و سيارتك لا تتحمل صعوبة الطريق و من جهة أخرى من حيث الحماية ايضا و عدد لترات المازوت لازم لا يمكنك تعبئة المازوت إلا في المخزن
فمحطات البنزين لا يستطعون تزويدك بالوقود في البراميل فهذا ممنوع منعا باتا
و من جهة أخرى عندك مسافة تقارب 625 كم من جانت الى تمنراست اخي لا انصحك بها و احكي عن تجربة خدمت تما انا
و المزيد من المعلومات ارواح للبريفي نفهمك بزاف صوالح
روعة تكل على ربي
ننصحك تسقسي أصحاب الشاحنات عندهم خبرة
ادحمو فيا فلقواط نترافقو لابقيتو 😂😂
غرداية