السلام عليكم حبيت نبه بعض الناس من هاد لاباج اطونيسيون❗ تتعاملو معاه راه نصاب البارح بعتلو على اساس نشري اورو وايز فارسيتلو فالccp و heureusement فارسيتلو غير مليون مبعد قالي اعطيني الإيميل والمودباس باش ندخل نفارسيلك من عندي انا جاني الشك قتلو و المودباس علاش قالي باسكو عندي حساب تجاري لازم ندخل بالإيميل تاعي نديرلك transfer و رجعي الإيميل كي نخلص و بحكم معرفتي المحدودة للأسف صدقتو و مديتلو و سرقلي الكونت wise و بدل الإيميل و دالي الدراهم لي تما كامل لي عندهم فكرة كيفاش نقدر نقدم شكوى ما يبخليش باسكو من ليزابوني تاعو باين بلي نصب ورايح ينصب على شحال من بنادم للأسف هادا هو واقعنا واحد يتعب و يخدم و واحد يجي يسرق بكل برودة دم و في رمضان تاني حسبي الله و نعم الوكيل
بالنسبة لي عندهم خبرة فهاد المجال اسكو نقدر نرجع لاكارت وايز تاعي ولا نبلوكيها بعد ما بدل الإيميل للعلم رقمي ما زال مربوط بالبطاقة وخفت يستعمل les informations تاعي لي تما في حاجة غير قانونية
ركي حطا رقم الهاتف في الصور 😬
حساب ويز ترديه عادي ب رقم تعريف وطني ابعثي للدعم يرقلوك و هو اطبعي المحاداثات و وصل لي رسليتلو بيه و ديري شكوى عند الشرطة و عريضة عند وكيل الجمهورية و بعد شهر انشاء الله نتاعادو
منيتك تعطيه المودباس؟
متكسريش راسك بزاف روحي لبوليس شرطة اكترونية وخلاص كما جات جات
هذا المنشور رقم 50 او اكثر لي شفتو لناس لي تعرضت للنصب في مواقع التواصل الاجتماعي سبحان الله و كامل بنات ! علاه عليكم هاذ شي ختي واش ديري دوك تشكي بيه على جال مليون ولا واش ديري ؟! سبحان الله دائما نحذرو في التعامل عبر CCP تعاملو يد بيد مفيها والو دوك هذا بنادم ليقالك عطيني ايمايل وموتباص؟! قمة الغباء الناس المتفهمة تستعمل الانترنت فحاجة تاع فايدة ودخلك دراهم حلال والحم..ير تاعنا لي مايخافوش ربي يفتحو ليباج ويديرو متابعيين وهميين ويسرقو عباد الله حتى في رمضان ! لا حول ولا قوه الا بالله ربي يعوضك
اشكي بيه باه يترباو شوية
سبحان الله يكذب و يسرق في رمضان و هو صايم ربي يهدينا
راه غالبك رمضان للاسف ايمايل وًموتباس بعدددد !!! ربي يعوضك
Khaireddin Djerrab تخيل لوكان جا كاين ebay dz 😂😂
قالوا لك wise , اذا ماشي انت بدلته get in touch ، اكليكي عليها و رجع ريكيبيري ايمايلك القديم