السلام عليكم حبيت نستفسر في حاجة نحط ديما ستوريات واتساب و دايرة أشخاص ميشوفوش ليستوري تاعي فجأة يجيني شخص يقولي شفت تصاورك في ابليكاسيون shareit كي ورالي دخل للتطبيق تع شريط و كليكا على ايقونة مصورة فيها تع تحميل و باللون للأخضر لي هو تع الواتس كي شفت ليفوتو هذوك كاين البعض منهم و ما كنتش حاطتهم في يوم واحد علما انو الشخص هذا غير كيما فتح واتساب يعني ليستوري هذو قبل ما يفتح كونت هو ارجو المساعدة 💚💚
Posted in Tech
متحطيش ليستوري والسلام عليكم
Intéressée
عادي راكي دايرة فوطوك
Intéressant
بمجرد اتصالك بالانترنت تفقد خصوصيتك و السلام عليكم.
ارواح
لي يساعدك راه مشارك معاك فالاثم …
هاذا من التعاون على الاثم والعدوان . هو يوريلك الحل باش تتماداي فيها اكثر و لي هم على شاكلتك ينشرو ولا يبالو …
وديجا راه دايرة فوطوك بالطابلو تاع بيكاسو كشما عندك تخافي عليه ولا منو؟
البنات ما تحطوش فوطواتكم واتقوا ربكم والسلام عليكم
مساعدة ؟
جيت نجاوب و مبعد بطلت
مهم من الاخر حرام بنت تحط صورتها pp
شوفي الأخت العفسة تاع ديري اشخاص مايشوفوش ليستوري مقابلها شركة ميتا دايرة النقيض تاعها ما تفهم لا غباء لا متعمدينها لانو يقدر اي شخص من جهات التواصل توعك يشوفو ليستوري ونتي ماتبانلكش بلي شافوها
نعطيك مثال باش تفهمي كثر زعما اذا باغية تشوفي الستوري تاع بنادم بلا ما يفيق دخلي للإعدادات مبعد للخصوصية ومبعد تكليكي على مؤشر قراءة الرسائل تروحي ديزاكتيفيها
يلا صح تسما تهردت عليا 🥲
زعما علاه راكي تحطي لي فوطو نتاوعك قلعيهم وصاي
أنا نقول العكس اللي لي ساعدها عنده أجر كبير من ستر مسلما ستره الله يوم القيامة امبعد هي وش دير بالمساعدة تاعو هاذاك ذنبها وحدها ماش ذنبوا هو.
هذي خاصية في shareit يحمل اي ستوري في الواتساب سوا قديمة والا جديدة
سبحان الله هذا ولا قروب فتاوي ماشي قروب tech 🤦🏻♀️🤦🏻♀️🤦🏻♀️🤦🏻♀️🤦🏻♀️🤦🏻♀️
ياربي وش راهي رافدة دزاير تعليقات لا علاقة بالموضوع اصلا