السلام عليكم:
خاوتي بما انو كثر الكلام على الانترنيت فيبر و adsl اليوم رحت حكيت مع مسؤول على موضوع تعميم الفيبر قالي الاماكن ليوسعو فيها الكابلات تجي حسب تعليمات من العاصمة وكل خط من 2017 يعتبر خط جديد ومالزمش يمسوه يعني التعميم يكون اما للمناطق الجديدة او المناطق لفيها شبكة قبل 2017 وهذا بالرغم انو الفيبر بعيد على المنزل 500 متر والمنطقة لنسكن فيها كلها ادارات حبيت نفهم هل الكلام لقالو صحيح والا غير خرطي واذا كان صحيح ماهو الحل مع هذي الشركة لانو حسب هذا الكلام جماعة 2017 يلحقنا الفيبر بعد 3 سنوات
#1001help
Posted in Tech
انا فيبر فايت على دار ب 60متر و معطاولناش
مزلنا ب ADSL
Far9 mabin cable fayat w équipement fiber
Hna shab 2005 2003 mazal madrona fiber
رانا مشتركين في الهاتف الثابت من لي دخلوه لدار في بداية الألفية بعدين فعلنا خدمة الانترنت في أواخر 2009 وخطوط الانترنت تم تعديلها مرة واحد مع تغيير الأرقام 021 الي 023
و الخطوط مازالت نحاسية تقدر إلا ل 20mb
انا فايبر فايت على الباب و خط قديم من ثمانينات و معندناش الحق
انا في وسط مدينة العلمة عاودولنا الكابل بالنحاس سنة 2019 قتلو لاه تخدموش فيبر قالي اواه مازال بعيدة كاين سرقة مقننة
لالين دخلناها في 2013 ومزال مسمعو بينا كامل 🥲
راهم يبداو بالمنازل الحديثة ثم تتوسع نحو منازل القديمة
شوف اذا تسكن في باطيمات ولا صونتر فيل فيه ديار يشبهو باطيمات (ايطاجات) واكتضاض سكاني كبير عندك نسبة كبيرة تقيصك لافيبر كيما راك تقول وين تسكن كاين ادارات فهنا حضوضك يزيدو اما اذا تسكن في حي شعبي بعيد على صونتر فيل وناس بانية منازل عرب وحوم مغلوقين ومامدينش حتى للطريق حقها ومكانش كتافة سكانية كبيرة غير انسى لافيبر منا على 2030 35 بلاك تكونيكتي بال5g ولا 6g لانه فيبر غالية بزاف يديروها غير فالمناطق لي ديور ايطاجات وكتافة عالية باش كي يخسر مليار على الأقل يدخل عدد كبير من المشتركين لانه ماعندو حتى فايدة يخسر 4 ملاير على جال كتافة سكانية قليلة ومنازل رايحة بالطول يعني يلزم انصطالاسيون اكثر
rana kifkif ecupment 9odmna 3awdoh jdid darolna numro 023 mai l dar khalwna b khit n7as ki sa99sit 9alk doka rana ndiro ghir f batimat jadad adl wela lsp ntoma mzl rana f mzl wa9ila nmoto b n7as hhhh surto ki daro vdsl doka bayna mtwla l7ala
أنا الباطيمة لي مقابلتني فيبر و حنا نحاس ☺️ احمد ربي
الكلام تاعو جزء منو صحيح ،لكن ليكن في علمك باش دير الفيبر 100% في الجزائر لازملو وقت و دراسة و دراهم و عمال يعني ماشي حاجة سهلة و راهم جايبينها على كل حال ،يعني الوتيرة راهي متسارعة بالنسبة مثلا ل 2020( بداية استخدام تكنولوجيا الفيبر) .
نقولك حاجة اخي لازم حملة ضد هذه اتصالات الجزائر وسيد يخرط وسرقة عيني عينك
dir VDSL c simple
Vrai , sarilha kima nta ki techri télévision f 2017 w mazalah yemchi malgré mafihech 4K , matro7ech t9issah w techri wahed fih 4K
Toufik Grs Yaa Hia
لالين مدخلناها في 2007 ومزال مسمعوش بينا كامل شد في ذاك الخيط 😂
Adel Lemdeldel
مكاش منها حنا بدلونا لالين عندها وحد العامين ردوها 023 او دوك زادو بدلوهالنا فيبر 044
يا خو على وش سمعت حتى يفروها مع قاع الحومات و الديار لي مافيهم حتى لين باه يولو لي لين لقدم يبدلوهم و ريجعوهم فيبر
بصح لي داروهم من 2017 و ارواح adsl ولا vdsl !؟
جيت رح نشكرك على معلومات و تفكرت بلي رح نحرق هاذا شهر 👋🏻😉
يخرط برك فرضا انت بعد 2017 وعندك جيران قبل 2017 يركبولكم ولا يزلوكم؟!. بخصوص يبداو بالمناطق الجديدة لأنه مفيهاش إعادة تهيئة فيها كلش جديد.. مشروع الفايبر كالجان الكل يتحدث عنه ولا أحد رآه..
مكانش منها احنا ال adsl من عام رابح سعدان ولذوك مداروش الفيبر عندنا
نفس المشكلة برك انا الخط تاعنا من 2009 وكي رحت نسقسي عالفيبر قالولي الحي تاعكم مازال
khorti rana 9bel 2017 w makan la fibre la walou
طريق بيناتنا 5 مترات قالي انتم مزال مشروع تاعكم 😂
انا الخط تاعي من 1998 ما تبدلش ههههع
حنا معندنا مامبا لادياسال مالغري المنطقة تعنا جايا في نص المدينة 🙃
اقسم برب العزة
مادام كاين جملة تعليمات من العاصمة والله ما نتقدمو شبر.
اسك شفتو نتوما يجو يخدمو حاجة يقولك في نيويورك يقولك لازم حتى تجي تعليمة من واشنطن 🤦🏻🤦🏻🤦🏻🤦🏻🤦🏻
ياربي معمن عايشين
حنا فالحب تاعنا هاذا وين راهم يحفرو صافي وحد 6 شهر هكاك باش لواحد يركبها
oui kayna kho hna f koul dora kayen boite ta3 fibre dayrinha 3la jal l’installation dyalha wa3ra chwiya ou lokan yet9eta3 cable troh l’installation kamel
وي يبدو ديما بلي كارتي و بلايص لي مفهمش ريزو اصلا مي حكاية 2017 خاطية و كل ولاية هي لي تكريي لبلايص تخدمهم
الاحياء الجديدة والباطيمات المبنيين جدد يديرولهم فيبر اوبتيك… اما القديمة انسى
انا لي محيرتني كيف لخط سنة 2017 تدخلو نحاس
اودي انا راني من جماعة ال2000 🥲 الكابل مامبا محبوش يعاودوهولي او راشي كل و رجع لون تاعو اخضر خخخخ
Hhhhh mn 2010 ou ana bl adsl fiber mdayrini fi cite b3ida 3liya b 500 m ou ki s9sithum 9aluli man9druch ndirulk fiber