السلام عليكم.
خاوتي لي يحبو يشرو بيسيات أو ماتريال تاع بيسيات، حبيت نمد معلومات بسيطة بش الناس و خاصة الجنس اللطيف ميحشوهالهمش، البيسي كي تجي تشريه ماتشوفش لثلاث حاجات قبل ماتشوف لثلاث
حاجات أخرى:
#أولا
فالبروسيسور كاين زوج فئات
INTEL (Integrated Electronics)
تلقاوهم مثلا i3 i5 i7 i9
AMD (Advanced Micro Devices)
تلقاوهم مثلا A6 A8
ماتشوفش للتسمية هذي قبل ماتشوف للجينيراسيون
بيسك المقارنة مش بين الأرقام هذي، راهي المقارنة فحاجة اسمها ال core و ال fréquence
من لي بدات الخدمة تاع لي بروسيسور كاين فئات
Single – Core CPU
هذا راه انقرض
Dual – Core CPU
هذا تلقاه في بيسيات أقل من زوج ملاين و نص
Quad – Core CPU
هذا تلقاه فالفئة المتوسطة ( بيسي تاع خدمة خفيفة ولا قراية )
Hexa – Core CPU
هذا تلقاه في فئة أعلى تاع ديزاين 2d و stick مثلا
Octa – Core CPU
هذا فالفئة العالية تاع المونتاج مثلا و تلقاه يتحمل برامج تاع قراية كيما الاوتوكاد و كلش كي يكون غرافيك مليح مع رامات فوق 12gb بسرعة معتبرة
Deca – Core CPU
هذي الفئة تاع ال gaming و برامج ال3d مايتعبش كامل فيه البروسيسور و لازم معاه رامات فوق 32 و دوبل غرافيك بش يمشي برامج كيما c4d بمرونة
معناه لي يسقسو على الi هذيك غير يبدلو السؤال بيسك الجينيراسيون و الفريكونس هوما الأهم بش تسقسي عليهم قبلماتسقسي على التسمية لي تغني ولا تسمن.
#ثانيا
يُتبع ..
#1001_tech
#1001_help
البوست لجاي على الرامات و الباطري
بصح خويا كيفاه نعرف هاذ لمعلومات من لبيسي؟
راك غالط
شوف لي بعثتهملك بريفي و مدلي رايك
Khoya amd rahom fi Ryzen. Les versions A rahom khlas makanch
اخي frequence ماتهمش
راك تلقى ميكرو i5 8 eme
Frequence تاعو
طايحة على i5 5 eme
لانو مايخدموش نفس عدد العمليات فالدورة الواحدة
هاذ المعلومات ماش راح تمدهم لواحد مستهلك, تهبله في باطل.
فوق هاذا الفريكونس ماش دايما هي مهمة, كاني معالجات ب 4GHz و خردة مقارنة بمعالجات أخرى تمشي على 3 أو حتى 2
Mohamed Amine
انطق متخليهاش فقلبك أخي، قلت للgaming و لبرامج الثريدي مع غرافيك مليح ” بمرونة ”
يا أخي عندك علم خير مني أتفضل قولو، معندكش أسكت