السلام عليكم.
رحلة مصر ❤️. هاذي تاني مرة نروح ليها، رحت ليها وحدي العام لي فات، هذي المرة صاحبي فالخدمة قلي راني فيكسيت لادات تاع العرس فال04 نوفمبر مالا قلت نروح نعرس، و كيما قال Chico Bayou متخممش غير في روحك، ادي الوالدة تحوس تان، مالا ديتها معايا، رحت انا و خويا و الوالدة و وحدة بنت ختي.
بالمختصر المفيد:
◀️مكاش فيزا إلكترونية ضروك كاين خطاب ضمان اي اجونس تخدمولك ب 400 الف يخرج في يومين، كب تلحق للمطار تاعهم تشري فيزا ب 25 دولار.
◀️سعر التذاكر 58500 للواحد، شريناهم روطار على هذيك غاليين
◀️هذي الرحلة كان فيها القاهرة و الإسكندرية برك. و القاهرة وحدها شهر تحواس ماتكفيكش
◀️كرينا شقة في وسط القاهرة، لقيناها في Airbnb. ١٣ يوم ب 360 دولار حذا المتحف بالضبط، البلاصة هايلة و قريبة لكلشي
◀️الأسعار مقارنة بالعام لي فات رخيصة بزاااف انا نخلعت، سعر الجنيه في السوق السودا من 47.5 حتى 50 جنيه لل1 يورو، و حنا 230 دج لل 1 يورو، باه ما يتخلطلكمش الحساب فما و تعرفوا شحال راكم تصرفوا، اي حاجة بالجنيه اقسمها على زوج هذيك هي بالدينار، مثلا شريت حاجة 20 جنيه يعني عشر الاف بدارهمنا (100 da).
◀️الشعب المصري كيما العادة و كل خطرة يبهرني في عقليتوا و اللطافة تاعهم و الله بزاف بزاف هايلين و ناس مسالمين.
◀️ الأمان حاجة كبيرة و القاهرة مدينة ليلية بزاف، على 4 تاع الصباح و الناس برا تدور و تتعشى نورمال و الأمان كاين، و نكررها للمرة الثانية الأمان هذا ملقيتوش في بلادنا للأسف( خطرة كنت نازل في فندق حذا البريد في وسط العاصمة على 12 تاع الليل برك خرجت بلخاف صرا فيا الرعب).
◀️الاهرامات عند الدخلة مكاش دفع كاش و معظم المتاحف بدأت هكا، تدفع بطاقة فيزا برك للتذاكر، بيسيرا ولا مثلا، ديروا حسابكم، و اذا معندكش تلقى المصاروة فما يخلصلك و يدي الفايدة معاك.
◀️تجربة ان تحضر عرس مصري خالص هايلة، خاصة تلاقيت بصحابي و كامل، كان من أجمل أيام حياتي.
◀️بزاف أماكن تشوفوهم في القاهرة، شارع المعز، قلعة صلاح الدين الايوبي، نهر النيل، بزاف معابد، جامع الأزهر…المهم القائمة طويلة.
◀️مصر حرفيا ام الدنيا و مصر تعاشر و لا تحكى و جات مصر بعدها التاريخ، انت كإنسان مثقف و تحزس باه صح تحوس. ماكش رايح تشبع منها، فيها دين، تاريخ، فن، حضارة، تنوع جغرافي يعني مهما كان اهتمامك رح تنبهر فيها، ماشي قاع الناس تعرف التحوس.
❤️ و في الاخير، اي حاجة تحتاجوها في خصر و لا اي أسئلة مرحبا بيكم، و نصيحتي، زوروا مصر يا ناس ❤️
