السلام عليكم
لقيت بزاف ناس هنا تسقسي كفاش تروح عمرة بدون اجونص
يعني حر
اولا فيما يخص التذكرة يستحسن تشريها مبكرا كل ما تكون بعيدة المدة لي شريت فيها تكون رخيسة ومننصحكمش بلي اسكال ناس لي مريضة ولا لي متحملش السفر ومتشريش من وكالة اشري من ار الجيري ولا من منصة انترنت ،
اما التأشيرة متزدمش لأي اجونص حوس لي يخدمها رخيسة بسك كل واحد شحال يحسبها و متنساش لاصيرونس تاعك لاقدر الله كاش ما يوقعلك تم
نجو لوتال تاني تريزارفي وحدك بار انترنت عندك خيارات بزاف قريب بعيد على حساب دراهمك ومليحة تكون فوق 3 اشخاس يعطوك غرفة رباعي ولا خماسي خلوي جيكم ناقصة
ولي يحب يبات فل الحرم راي صعابت شويا خاوتي مشي كيما كانت بكري ادا عندك كاش واحد تعرفو تحط عندو باقاج تاعك ودور بساكودو خفيف وتبات فل الحرم معليش بصح بل بقاج تتغبن ميخلوكش دخل كآبة ولا محفظة كبيرة ويقدرو يديرولك مشكل الشرطة تاعهم ودوش كاين في بيت الوضوء لي يحب يشلل
نجو للماكلة خاوتي تعانيو شويا ماكلة غالية شويا و مشي بنينة عندك روز ولا جاج مليحة تدي معاك صوالح لي يشدو كيما لبراج رفيس وتمر ديباني بيهم ومنداك تدرب كبدة تاني مليحة ولا روز حاجة أخرى هديك ماكلة تاع بنغلاديش مننصحكمش تاكلها ديراكت للقطار تاعهم ههههه عندهم وحد ليزيبيس مشي موالفين بيهم حنا وكاين لي صوندويتش شويا غالين من 12 ريال وطلع كبدة 5 ريال روز 10 ريال جاج 15 ريال وعندك اجبان والبان مراعي تاني بنة لاتوصف ولي يحب يدي ريزيستونس ويدي معاه شويا عجائن حاجة بوخفيف مديرش طعام ههه كاين ديتيكتور فل غرفة يطلع بزاف البخار يجو ليك كاين خضرة تما تدرب فيها تشكتشوكة ديباني بيض مغلي ومنا ادي معاك كسرونة وطبسي بلاستيك ،
نجو لناس لي تحب تشري اخطيكم من الحوانت لي قدام الحرم في مكة كاين العزيزية تروحلها باطل تلقا الراستية تاعهم قدام الحرم اركب يحدطك فل العزيزية ولا سوق الكعكية تقدر تروح فطاكسي يديك ب 30 ريال يبيعو سومة الجملة وباينة نيقوصي كس يقلك السومة اضرب لنص طيح فسومة اقمصة نن احسن خيط عند الخياط الجودة والسومة والعجوة اشرو فل المدينة من البستان خير شوف طاكسي يديك تشري هذي لي يحب كمية كبيرة ولي حب كيلو زوج اشري من سوق احد برك سومة مليحة
والمدينة كي تروح من مكة كاين تيجيفي غالي شية 250 ريال وكاين طاكسي جماعي تسقاملك خير .
اني لخصتلكم شوية الباقي المنشور القادم نكملوه شويا خصائص وخبر و تأدية العمرة على السنة ان شاء الله و بعض السنن التي كان يفعلها النبي صلى الله عليه وسلم
شكرا ادمين .
شكرا
بارك الله فيك شرحت و وفيت
عبد الله المهدي بارك الله فيك صاحبي 🙏❤️
سوق الكعكية في الأسعار أحسن من العزيزية حسب رأي وباقي المعلومات اتفق معك
rabi yketebhalna 🤲🤲
واش من فيزا لي ديرها
شكرا .اللهم ازقني زيارة بيتك الحرام
ربي يبارك فيك
Akram Ben
كفيت و وفيت .. فيما يخص الاسواق كاين سوق العتيبية ربما هو الأفضل
وفيزا
شكرا بارك الله فيك وفيما يخص شراء الملابس !
ان شاء الله ربي ما يحرم مؤمن منها
بارك الله فيك بصح مام النوم فالحرم وزيروها لالا ؟؟
خويلد خويلد Hadi Yo Yo انا اشرولي من العزيزية وربي يتقبل
بااارك الله فيك و ربي يبلغنااا ان شاء الله ❤️❤️
من فضلك اعطيني سعر العمرة حر بالتقريب في الاسبوع الاخير من رمضان وشكرا
الخضر غالية بالزاف خاصة في الحوانت
حبة بصل يبيعهالك ريال
المشكل في الحافلات انه عليهم الضغط بالزاف خاصة بعد الصلوات و كي تسقسي ثم ماتلقاش اللي يوجهك
Fetah Chakib Medaah
الله لا يحرمنا من زيارتها.. ولكن لي يروح باش يجمع اجر اكثر لازم مايتلهاش بالاكل بزاف.. يشوف وجبات يعمر بيهم وفرات خير ما يبقا يطيب ويتنقل لمسافات بعبدة من اجل وجبة ..
Barek Allah fik
جزاك الله خيرا
ننتظر المنشور الثاني
اضافة
بالنسبة لقطار الحرمين من مكة للمدينة او العكس, السعر 145 ريال للفئة الاقتصادية ذهاب فقط ،والحجز كل ما يكون بعيد يكون ارخص…والطاكسي راه 100 ريال للفرد ،ذهاب فقط طبعا … والفاكهة والسلعة تاع الماكلة روحو جماعة مثلا لسوق الكعكية للخضر والفواكه ،يديكم بعشرين او اقل ويوجد حافلة مجانية رقم 11
خطيكم من محلات جنب الفنادق كلها نااااااار ،كلش بالضعف،مثلا تونة نشري القابصة خارج الحرم 5 ريال تصيبه عند الفندق 9 ريال ودير حسابك….اي سؤال نعاونو خاوتنا
نعم بمفردك أحسن بكثير من وكالات السفر لأي وجهة كانت
اللهم ارزقنا من فضلك العظيم
Tgv 72 rial ki triservé bekri
جزاك الله خيرا
🥺🥺🥺
الماكلة غالية بزااااف ؟ لي ميسلكش و يحب يفطر برا فرمضان كيفاش ؟ غالية تاني ؟ و ريزيسطونس نورمال يدوه مش ممنوع ؟ و ليفروي تم غالية ( كيوي و الفاكية الموسمية تاحم شحال متلا ؟) و الاسواق فمكة بعيدة بزاف على الحرم ؟
يحيى غنام
اللهم بلغنا بيتك و مدينة رسولك يا رب
بارك الله فيك اخي في ميزان الحسنات يا رب ان شاء الله ربي يكتبهالنا في الفريق العاجل امييين، اخي قالولي الفاكية رخيسة عندهم بزاااف صح ؟